講完農曆新年商品，跟住就輪到情人節主題商品啦！同樣地，Duffy迪士尼小熊 亦都成為咗今年情人節嘅重點人物！睇黎 Duffy 近期響 香港迪士尼樂園 都幾有地位喎，哈哈！
上一篇文章提及到，園方響今年農曆新年首次推出穿著服飾嘅 Duffy小熊鎖匙扣。黎到情人節，佢地亦有推出 情人節Duffy鎖匙扣！而購買呢個鎖匙扣都再次會附送故事冊。
呢個 情人節Duffy鎖匙扣 嘅造型參照咗上年推出過嘅 情人節小Duffy公仔；服飾係英倫風格，上衣印有「Be Mine」字樣，意思係「成為我的戀人」；Duffy 手上就拎住一支玫瑰花。
情人節Duffy鎖匙扣 同我上年買嘅 情人節小Duffy公仔 黎返張合照先！順帶一提，園方今年都有再次發售呢一隻 情人節小Duffy公仔。
情人節又點可以冇朱古力呢？以下嘅情人節朱古力脆脆，盒面印有 米奇老鼠、米妮老鼠 呢一對情侶，而中間就有 Duffy迪士尼小熊！唔知 Duffy 會為佢地帶黎一個點樣嘅情人節？
連啲朱古力脆脆都係心型，好特別啊！香港迪士尼樂園 近期都花多咗心思響零食商品嗰到，唔單止係食物嘅造型，另外亦多咗好多不同嘅口味！
情人節又有限量版徽章！情人節主題徽章一套兩個，主角分別係 米奇、米妮，而 Duffy 就同時出現咗響兩個徽章上面！呢兩個徽章亦有色彩繽紛嘅杯裝蛋糕圖案，以及「LOVE」字樣。
情人節，令愛意響地球上嘅各個角落散播... 稍後，我將會同大家一齊衝出香港，去睇下 東京迪士尼海洋 同埋 日本迪士尼商店 嘅情人節主題商品！有興趣嘅讀者們記得繼續留意啦！
These two pins are so lovely~~:)
回覆刪除