趁著春季期間展開一次旅程，究竟會留低幾多巡航足跡呢？呢篇文章將會帶領大家一齊沿住 米奇、Duffy 嘅春日巡航路線遊走，探索佢地所留低嘅旅程紀錄！而響開始之前，首先就要買一個旅行套裝，行李箱裏面包含一本護照以及一幅標籤貼紙，呢啲工具將會幫助我順利尋找春日巡航足跡！
呢啲嘢可以點樣幫到手呢？其實響 米奇和Duffy的春日巡航2013 活動期間，東京迪士尼海洋 裡面舉行咗一個尋寶遊戲；打開剛才嗰本護照，係一幅地圖黎嘅，只要根據地圖上嘅標示去到指定位置，就可以搵到 米奇、Duffy 響旅行期間所留低嘅紀錄！
嚟到第一個指定位置，係響 阿拉伯海岸 嘅市集當中，米奇 嘅行李箱周圍都放滿特別風格嘅廚房用具！呢個時候我要做嘅就係睇清楚 米奇 行李箱所展示嘅標籤，然後將相同嘅標籤貼紙貼響自己嘅行李箱上面，咁樣就完成呢個位置嘅任務，可以啟程去下一個位置！
位置2：阿拉伯海岸 - 在綻放的花兒之中遇上趣怪的 精靈！
位置3：美國海濱，Cape Cod 碼頭 - 戴上帽子，準備出發！
位置4：美國海濱，紐約港 - 來到大都會，感受復活節氣氛！
位置5：美國海濱，紐約大街 - 城中到處都是色彩繽紛的復活蛋！
位置6：地中海港灣，威尼斯水鄉 - 貢多拉船上佈滿花束，這就是春天的感覺！
位置7：地中海港灣，渡輪碼頭 - 乘坐蒸氣船，暢快地環繞海洋世界！
話咁快就去哂所有位置，貼哂全部標籤貼紙就可以去到指定商店向演藝人員展示自己嘅行李箱，佢地檢查係正確無誤之後，就會送上一個 米奇 行李牌！既然玩完呢個尋寶遊戲，我都將餘下嘅標籤貼紙都貼埋響行李箱上面，咁就完完整整一套貼紙響哂上面啦！
呢篇文章過後，東京迪士尼之旅2013 遊記，東京迪士尼海洋 嘅部份將會暫告一段落，因為... 響海洋呢邊玩咗一日半，係時候轉場過去 東京迪士尼樂園 啦！就等我乘坐 迪士尼渡假區線 單軌鐵路過去嗰邊啦，下篇文章繼續！
沒有留言:
張貼留言