又到4月1日, 祝各位愚人節快樂!

迪士尼主題公園 官方網誌今日刊登咗非常重要嘅資訊，首次透露 香港迪士尼樂園渡假區 第二期主題樂園嘅規劃內容！終於都俾我地等到呢一刻，而家就即刻到大家講下有咩特別！

網誌文章就提及到 香港迪士尼樂園 已經開業接近九年，不同嘅擴建遊樂設施相繼落成，營運狀況亦持續進步，表現理想；因此，迪士尼 方面正積極規劃第二期發展。接著落黎，就係幾個第二期主題樂園嘅構想。

構想1：Hong Kong DisneySea「香港迪士尼海洋」

以東京版本嘅主題樂園作為設計藍本，同時亦會加入獨家嘅主題園區、遊樂設施。

構想2：Hong Kong DisneySky「香港迪士尼天際」

全新以翱翔天際為主題嘅樂園，帶領賓客暢遊天空世界。

構想3：Disney's World of Stars「迪士尼星閃世界」

不同 迪士尼 旗下的電影、動畫明星將會齊眾一堂，向賓客展現屬於他們的故事。

構想4：Disney's Expedition「迪士尼遠征之旅」

出發前往世界各地，進行一次非一般嘅極地探險旅程。

哈哈！今日係咩日子啊？4月1日，祝各位愚人節快樂！以上內容全部都係我虛構出黎嘅，包括第一幅圖都係我改出黎！所以Click入去 迪士尼主題公園 官方網誌係唔會見到嗰篇文章，嘿嘿！

不過呢個愚人節小玩笑都顯出咗我對第二期計劃嘅期待！好希望可以快啲見到第二個主題樂園落成於 香港迪士尼樂園渡假區！你又對第二期樂園有咩期望呢？