估唔到，時間真係過得好快；聽日就已經係公開試既開始。老實講，都真係有D驚；因為今次考試真係非常重要，關乎自己既未來。但我亦不時安慰自己，無論最後績如何都唔緊要，只要自己活得愉快就可以了。未來既事，冇人會知道，既然係咁，倒不如每日做好自己，讓自己開心！
2012年3月27日
迪士尼星級款待 - 滿載而歸!
迪士尼星級款待 活動正舉行得如火如荼，昨日入樂園，拎左好多收藏品返黎啊！好多都好靚架！星級款待，又點少得 星級禮遇徽章 呢？仲會附上一本 紀念冊 同埋 演藝人員讚揚卡。我幫個徽章改左個花名，叫「曲奇餅」，因為睇睇下真係好似！XD
家中又多一位新成員了 - Dumbo!
尋日入左樂園玩，響公開試之前趁機會放鬆一下，唔好俾自己咁多壓力。之前講到呢排鍾意左 小飛象Dumbo，昨日入到去又冇咩新貨品，於是行下行下，就決定買隻Dumbo返黎啦！睇下 Duffy 同 Dumbo 佢地幾溫馨！
2012年3月18日
追蹤搞鬼的 米奇老鼠!
拎照部相機入樂園玩，周圍影下相，有時都會影到D幾得意既相返黎架！今次就想同大家分享一些搞鬼 米奇 既相片，佢都真係幾活潑架！
呢張相係響上年 飛躍奇妙 活動開始之後冇耐既時候影既。見到 米奇 米妮 已經換上五週年慶典既裝束。佢地當時正要返去後台休息一會，相入面既米妮睇落好似睇緊旁邊演藝人員張紙喎！而同一時間，米奇 雖然拖住 米妮 隻手，不過似乎就唔多理會女朋友，向相機揮手啊！
小飛象Dumbo - 向天空飛翔!
其實，有好多迪士尼朋友我都幾鍾意；不過呢排就發現自己特別喜愛了一位迪士尼朋友，就係 小飛象Dumbo！我都唔太清楚點解自己突然間會鍾意左佢，我諗係因為佢個樣夠得意，同埋我自己都覺得翱翔天際係一件幾奇妙既事，可能就係咁就鍾意左佢...
其實響 迪士尼樂園 入面，要見到 Dumbo，並唔係一件難事。因為 小飛象 全天候都會響 幻想世界 入面飛翔！( 事實上，我只係坐過 小飛象 1-2次，因為通常都要排好耐隊！)
2012年3月13日
樂園事物仔細尋 - 士兵們,留意你的裝備!
今次既小發現都係同 玩具兵團跳降傘 有關既。平時黎呢個遊樂設施都掛住玩，冇咩仔細睇下佢既裝飾。但尋日就偶然見到呢個小發現。除了等候區入面既士兵裝飾之外，原來降傘既座位上面都有得意既裝飾！
星級款待奇妙時刻率先睇!
尋日入樂園既時候，發生左一件好得意既事！平常入好樂園，第一時間都會走入 反斗奇兵大本營，趁冇咩人既時候去玩。琴日都一樣，早上一入到去就入去玩，玩左一陣之後，諗住走出去玩其他野，不過咁啱見到一班應該係模特兒同埋攝影師入黎，模特兒既身上有掛上星級禮遇徽章，咁就唔走住，留低睇下佢地有咩搞。
相信佢地就係幫 迪士尼星級款待 活動拍攝推廣照片，之後見到有 玩具兵團 出現，原來係同模特兒齊齊玩 反斗兵團跳降傘 啊！
2012年3月12日
應該如何處置它們...?
今日又偷偷地響補習前入一入樂園啦！我諗，我之前話呢排唔入去，都係當我冇講過啦，我都係忍唔到架啦 -_- 下午1:45已經要補習，即係12:45就要走；雖然時間唔算長，不過可以入一入去，就已經好足夠俾我放鬆自己架啦！3月28日開始考公開試，諗住3月26日再入一入樂園，休息一下之後就去衝刺！
1:45就要補習，仲補兩個幾鐘，即係要響樂園入面食午餐啦... 不過又唔想咁早食咁多野，所以就去搵下有咩小食。樂園入面有熱狗、窩夫等等既小食，不過都係因為價錢太貴，買唔落手。最後諗諗下，好似好耐冇食過樂園既爆谷，於是就買左一桶黎食。
2012年3月8日
那些年的 迪士尼黑色世界...
響眾多樂園節慶活動入面，我最鐘意既，就係 迪士尼黑色世界 啦！因為夠刺激，夠過癮嘛！前幾日睇返D相，見返幾年前既 黑色世界，真係令人回味... 2008年，以南瓜王 阿積(Jack) 為主題，周圍都有佢既蹤影！響樂園正門既巨型 Jack 同埋 Sally 裝潢。
相片小創作 - 卡通化的反斗奇兵大本營
大家見到我成日都影唔同既相返黎，有時又會整下唔同既圖，可能都會估到我其中兩個嗜好就係影相同埋創作不同既小作品。XD 今次我就將自己呢兩種嗜好黎個Crossover！嘗試將一些自己拍攝既照片進行加工，整成一些特別D既創作。而第一次做呢種創作，就試下將反斗奇兵大本營既照片進行卡通化！
一齣我非常喜愛的動畫 - Wall‧E
唔知大家有冇睇過 Wall‧E 呢齣動畫呢？都係一 齣 迪士尼‧彼思 既動畫黎，並榮獲 奧斯卡最佳動畫獎。我鐘意呢齣動畫，主要係因為片中既場景、人物等都設計得非常細緻。就好似響太空船上既場景，畫得非常壯麗，讓人有無限既幻想空間。另一方面，片中既主題同埋劇情亦都設計得好好，係一齣富有教育意義既動畫。
Winnie the Pooh 最新 Pook-A-Looz 精品!
呢排有便利店出左最新既推廣，儲印花換 Pook-A-Looz 布藝公仔。我唔係成日響便利店買野，不過好彩有媽媽幫手，我要將 Pooh 據為己有！除此之外，同時亦推出左一些 Pook-A-Looz 產品作公開發售，我亦都好快手咁買左返屋企啦！
其中一樣就係 Pooh 滑鼠墊套裝啦！屋企之前用緊既滑鼠墊都已經好殘舊，今次正好可以換左佢。
訂閱：
文章 (Atom)