上一篇文章就講到 Duffy 做主角嘅舞台劇，摰友Duffy；今次就會講下以呢齣劇做主題嘅相關商品！我買咗兩樣商品，一隻迷你毛公仔以及一條Duffy掛飾，佢地都可以響 Cape Cod 間商店嗰到買到。
先講呢隻 迷你Duffy 毛公仔啦！佢件衫正正就係 Duffy 響劇中所著住嘅水手服！除咗平常都會有嘅 Duffy迪士尼小熊 故事冊之外，呢隻迷你毛公仔仲會附上一張 摰友Duffy 招牌。
呢套水手服係唔係好靚呢？另外亦有專為 大Duffy 毛公仔設計嘅服飾，不過我就冇買到。
水手裝迷你Duffy 同響香港都可以買到嘅 迷你Duffy 毛公仔 大小差唔多，個樣都大同小異。
上一篇文章都介紹到，響 東京迪士尼海洋 入面嘅 Duffy 成日都會掛住一條玻璃瓶頸飾；其實係好有意義嘅飾物，代表咗 米妮 對 米奇 嘅愛。呢條頸飾都有得俾你買返去俾 Duffy 戴住架！
玻璃瓶裡面裝住 米妮 寫俾 米奇 嘅情信，可以見到「Love, Minnie」，米妮 嘅簽署。
就算撇開背後一個咁有意義嘅故事，呢條頸飾都已經好有吸引力，因為真係幾靚！
再一次搵咗新買嘅 大Duffy 做模特兒；見到佢戴起呢條頸飾，就令我諗起 摰友Duffy 嘅每一幕！
沒有留言:
張貼留言