其他位置都有掛上聖誕佈置，同樣會亮起藍色嘅燈光！總之，周圍都係藍色！
主題係 冬日威尼斯，咁當然將焦點放返響冬天，所以冇咗聖誕節嘅溫暖感覺都冇所謂嘅。佢地用咗一種效果去配合主題，就係白雪！聖誕樹、欄杆都佈滿積雪，好鍾意呢個效果！
冬日威尼斯 嘅重點項目就係一個叫做 幻彩四季 嘅投影表演，將影像投射到建築物上面。表演響戶外進行，原來範圍都幾廣！影完周邊嘅裝飾，我地就慢慢等待 幻彩四季 開始！
開始啦！影像被投影到建築物上面，整座建築物搖身一變，變成紅色，非常華麗！
正所謂「一年之計在於春」，表演亦從春天開始；繁花盛放，更加有一隻隻雀仔飛過！
黎到炎夏，就只係剩低刺眼嘅陽光；燦爛嘅陽光給人一種熾熱嘅感覺。
樹葉逐塊逐塊落下，被大風吹起；轉眼間就黎到秋天，一個清涼嘅節日。
突然，整座建築物都結咗冰！踏入寒冬，雪花紛飛；渡過四季，終於到咗一年嘅終結！
表演特別加插咗中國文化，就係我地非常重視嘅農曆新年！煙花綻放，樹上亦掛滿利是。不過我就唔係好明白，點解會選擇加插響冬天入面，農曆新年明明係叫春節嘛！
過完年，又再返返去冬天結冰嘅場面；一聲巨響，冰塊隨隨落下，最後就只有一片寂靜。
表演進入尾聲，畫面係浩瀚嘅宇宙，繁星閃耀。雖然唔係好明係咩意思，但真係好靚！
幾下宇宙爆炸之後，再次剩下黑暗；燈光亮起，整個 幻彩四季 投影表演正式結束。
雖然唔知個故事講咩，又或者根本就唔算係一個故事，但佢地嘅畫面、音效真係唔錯！而我覺得最得意嘅係，佢地都有加返自己嘅特式響入面；貢多拉船多次出現，好搞鬼！
好開心今次有機會欣賞 冬日威尼斯，雖然活動規模唔算好大，不過睇得出好有心機！相反，我成日去樂園玩，卻愈黎愈少見到佢地會花心機去搞好一個活動，唉...
沒有留言:
張貼留言