終於，2013年5月17日呢個大日子，聽日就要來臨啦！等咗四年，新園區 迷離莊園 要開幕啦！響 幻想工程師 嘅努力下，一片空地響四年間變成 亨利爵士 嘅家園，並且演繹出一個獨有嘅故事！撇開園方一次又一次令人失望，但係能夠見到樂園再次成長，作為Fans，真係好開心好感動！
去到最後一日，園方終於都肯更新官方網頁啦！迷離莊頁 詳細介紹頁面已經出現咗啦！進入頁面後，就會聽到 迷離大宅 嘅主題曲！我一聽到呢首歌，就好掛住大宅裡面嘅每一個情景！更新後，仲有展示特色商品，好似都幾吸引！另外亦有 迷離大宅 旅程預覽！大家快啲去睇下啦！
聽日，所有「迷離莊園 將於2013年登場」嘅告示將會被移除，換上全新招牌以及告示牌！反斗奇兵大本營 入口嗰個招牌，轉眼間就陪咗我地一年半，灰熊山谷 嗰個都陪咗我地接近一年... 多謝你地陪我地一齊期待 迷離莊園 開幕！新園區正式登場，你地亦可以功成身退啦！再見啦！
疑幻疑真嘅神秘之旅將要展開，齊來大開奇幻眼界吧！我地約定聽日響 迷離莊園 見啦！
2013年5月10日
一星期！只係剩返一星期咋！萬眾期待嘅全新主題園區，迷離莊園，將會響一個禮拜後隆重開幕！今日，我想同大家回顧呢個園區嘅誕生歷程！好啦，我地而家出發啦！一齊返返去四年前！
2009年6月：香港迪士尼樂園 宣布擴建三個新園區，迷離莊園 為其中之一，並於同年動工。
2011年1月：樂園於 動畫藝術廊 展出擴建項目的資訊，讓賓客可以更加深入了解是次工程。
2011年10月：為準備首個新園區 反斗奇兵大本營 開幕，園內各處作出更新，迷離莊園 首次出現。
2011年11月：毗鄰 迷離莊園 的 反斗奇兵大本營 正式開幕，園區內可以看到連接莊園的大門。
2011年11月：乘坐遊樂設施 玩具兵團跳降傘，可以在半空中細看建設中的 迷離莊園。
2012年2月：乘坐 香港迪士尼樂園鐵路 經過工地，分別看到莊園大門、火車站、商店的建築結構。
2012年3月：迷離大宅 頂部塔樓開始拆除帆布，首度看到大宅別具一格的建築風格。
2012年6月：下一個新園區 灰熊山谷 即將開幕，再次在招牌上看到 迷離莊園 的名字。
2012年6月：園方開始在 迷離莊園 開闢一條新通道，兩旁設有圍板，橫跨整個園區。
2012年7月：毗鄰 迷離莊園 的 灰熊山谷 正式開幕，從此可以近距離欣賞 迷離大宅。
2012年7月：莊園小路啟用，讓賓客可以方便地來往 反斗奇兵大本營 以及 灰熊山谷。
2012年9月：莊園建築群開始逐漸拆除帆布，可以看到大致上經已上色完成，進度良好。
2012年11月：迷離大宅 帆布完全拆除，整間大宅的外型首次現身於賓客眼前。
2013年1月：為進行開幕前的最後工程，莊園小路關閉，在半空可以看到圍板被迅速移走。
2013年1月：小路關閉後，在莊園大門前觀看 迷離大宅；另外發現園區內的火車站經已裝上欄杆。
2013年2月：再次升上半空細看工地，整個園區的完成度甚高，只餘下些許粉飾工作。
2013年3月：迷離大宅 測試夜間燈光效果，以紫色為主色，看起來更顯神秘。
2013年3月：園方在Facebook官方專頁公佈，迷離莊園 將會於5月盛大開幕。
2013年4月：迷離莊園 進入最後倒數階段，不同招牌相繼出現，為新園區開幕做好準備。
2013年4月：預演日優先試玩活動陸續開始，試玩賓客包括 演藝人員 以及 奇妙處處通 會員。
2013年5月：開幕前再從高空欣賞 迷離莊園 全景，可惜後台設施始終有礙景觀。
2013年5月10日：距離 迷離莊園 開幕只剩下一個星期，奇幻之旅即將展開，讓你大開眼界！
沒有留言:
張貼留言