尋日園內所發生嘅事，或者會令你感到失望，甚至憤怒！今日我就帶返啲歡樂氣氛俾大家啦！再一次見到呢幅來自 東京迪士尼 嘅圖片，就知道我將會再次帶大家飛去感受佢地嘅幸福歡樂！唔知對你黎講，有咩野能夠令你心情變好呢？我自己就鍾意聽下歌，沈醉於動人嘅旋律之中！
之前就同大家分享過 幸福歡樂年 主題曲，亦曾經分享過 迪士尼奇幻復活節 巡遊嘅完整聲帶。今次就輪到 幸運在這裡 Happiness Is Here 完整巡遊聲帶！唔知點解佢地啲歌真係特別有活力！為配合每架花車，聲帶裡面有不同版本嘅三十週年主題曲，亦有夾雜多首 迪士尼動畫 經典歌曲！
其實東京嗰邊好多時都會推出音樂CD響園內售賣，有啲係活動主題曲，有啲係表演項目嘅聲帶。香港都可以參考一下人地嘅做法丫，因為首歌本身已經響到，製作音樂CD嘅成本應該唔會好高。假如推出 迪士尼飛天巡遊 嘅巡遊聲帶，相信都會吸引到一班Fans購買，起碼我都會買！
咦... 我今日係唔係唔應該講 香港迪士尼樂園 嘅商品... 話哂尋日先經歷完羊之危機嘅傷痛... 不如我地一齊撇開唔開心嘅野啦！園方令我地感到失望，但我地依然可以靠自己尋覓歡樂嘅感覺！聽下歌，輕鬆一下吧！仲有，唔好唔記得，三日後，迷離莊園 就會開幕！繼續期待新園區仲好啦！
沒有留言:
張貼留言