好玩 唔好叫, 迪士尼黑色世界2013 正式開始!

迪士尼黑色世界2013 終於響今日正式開始啦！錯過咗試玩日嘅朋友有冇打算今日即刻衝入樂園玩餐飽呢？我今日都會入園，不過就唔係去玩...  大家應該明我講咩架啦，哈哈！

為配合萬聖節活動開始，Tho's Dreams 亦都換上全新主題！今期標題圖片由七張相片組成，分別係響七大園區拍攝嘅，都係一啲黑色世界嘅元素！

探險世界 - 黑色嘉年華「異」演

迷離莊園 - 神秘的迷離大宅

灰熊山谷 - 灰熊山谷黑色嘉年華

美國小鎮大街 - 魔界之神查立保

明日世界 - 驚心動魄太空山

幻想世界 - 幻想世界派糖大召集

反斗奇兵大本營 - 大頭寶寶

每張相片嘅角落都有一個獨有嘅「好玩 唔好叫」標誌，雖然我始終覺得今年呢個活動主題唔太吸引，不過都真係好鍾意各個景點專屬嘅「好玩 唔好叫」標誌！所以，呢啲標誌都有出現響背景圖片！

你準備好未呢？香港迪士尼樂園 將會用黑暗嘅一面展現於你嘅眼前！快啲入園感受黑暗嘅魅力啦！但係記住，「好玩 唔好叫」，就算幾驚都好，千祈唔好叫出聲啊！