玩具嘉年華會 反斗奇兵 紀念品!

玩完瘋狂嘅玩具嘉年華，點可以唔拎啲紀念品返屋企呢？特別係每樣紀念品上面都有眾多玩具朋友，更加令人愛不釋手！

第一樣紀念品就係：貼紙！呢版貼紙係響 Toy Story Mania 開幕嗰陣正式開始發售嘅，估唔到事隔一年都仲有得買！

玩具朋友們都現身於貼紙上面，正中心有 Toy Story Mania 嘅標誌，以及「2012年7月9日 盛大開幕」嘅字樣。

「Fun for the whole family！一家同享樂！」冇錯，Toy Story Mania 正正就係適合一家大細齊齊玩嘅遊戲，同時仲可以見到 安仔 嘅玩具大家庭濟濟一堂！

下一樣紀念品真係設計得非常趣緻，因為係參考咗遊樂設施裡面嘅遊玩車！巴斯光年、胡迪、翠絲、綠色小人、火腿 坐哂響車上！

其實呢架遊玩車係一個便條套裝黎嘅，將玩具朋友們逐個拎出黎，就係大大小小不同嘅便條簿！而每款便條簿都印有一啲 Toy Story Mania 嘅嘉年華遊戲元素！

拎哂啲便條簿出黎就變成咁嘅樣，一架未載客嘅遊玩車！呢架車仔都配有兩支發射炮，非常貼近現實！

最後一樣紀念品，係一位我都幾鍾意嘅 迪士尼朋友：西部馬仔 紅心！我買咗一隻 紅心 毛公仔返黎！

睇下側面先！有一個仙人掌印記喎！呢個印記同 胡迪 長靴上面嗰個係一樣架！紅心 作為警長專屬嘅馬仔，所以都有呢個印記！

每隻毛公仔都必然會有招牌，註明佢係黎自邊到。響呢隻 紅心 嘅尾巴旁邊，有一個 東京迪士尼渡假區 嘅標誌，代表佢係黎自東京！

有咗西部馬仔，當然要有埋西部牛仔！有請：Duffy警長！咦，警長已經好耐冇著起呢套衫，個襟章生鏽添...

衝啊！Duffy警長 坐響 紅心 嘅背脊上面，出發去執勤啦！西部小鎮嘅治安就靠哂你地兩個啦！

反斗奇兵 嘅玩具朋友一直都非常受歡迎，響日本，不論 迪士尼商店、樂園裡面都有好多相關產品！

其實香港自從有咗 反斗奇兵大本營 之後，都多咗好多相關產品；不過我相信呢班玩具仲有更多發展潛力，假如陸續有商品推出，應該都會有唔少粉絲捧場！