Tho's Dreams

2018年4月7日

致各位親愛的讀者：Tho's Dreams 已經於2018年4月易名為 Journeys with Disney，繼續分享更多有關迪士尼的資訊，歡迎前往以下鏈結瀏覽。

原有位於 Blogspot 的網誌將改為存檔功能，永久存放2011年至2014年期間的文章。謝謝您的留意以及對 Tho's Dreams 的支持，並期待與您在新網誌再見。

近期不論係響 Tho's Dreams 網誌抑或專頁，都出現咗一個寫住「T20」嘅標誌，感覺好似好神秘咁，究竟係咩黎呢？黎到今日終於要揭盅啦！2014年9月3日，響到要祝我自己20歲生日快樂！冇錯，「T20」正正就係「Thomas 20歲」嘅意思！

我又試唔記得更新每月焦點迪士尼朋友... 呢個月都就黎完結啦... 前兩日打完風，今日又即時出現返燦爛嘅陽光！暑假熱辣辣，梗係要搵一位冰凍嘅迪士尼朋友幫我地降降溫！呢個重任就交俾開心雪人 — Olaf 負責啦！

話咁快，距離香港迪士尼樂園九週年嘅大日子只係剩返兩個月；講到今年最矚目嘅生日禮物，一定係全新夜間巡遊「迪士尼光影滙 Disney Paint The Night Parade」！早前，園方向各個本地傳媒公佈相關消息，表示呢個新項目將會響十月隆重登場，日子已經慢慢變得愈黎愈近啦！

東京迪士尼之旅2014 嘅旅程分享尚未正式開始，不過今日就想率先送上一篇特別嘅文章！因為，東京迪士尼海洋再次有全新角色登場啦！呢篇文章將會為大家介紹 Duffy迪士尼小熊嘅新朋友：一隻叫做 Gelatoni 嘅小貓貓！

2014年6月14日，終於，期待已久嘅東京迪士尼之旅2014 要啟航啦！因為今次係坐凌晨機嘅關係，所以而家我已經響機場等緊上機啦！我呢一刻嘅心情興奮得黎又緊張，話哂都係第一次自己去旅行嘛！不同嘅魔幻奇妙正在等待我去發掘，我相信，今次必然會係充滿驚喜嘅春日旅程！

東京迪士尼渡假區三十週年慶典完滿落幕後，幸福歡樂並未就此完結，今個春季，佢地再有新項目登場！2014年5月29日，全新城堡投影表演 Once Upon A Time 進行首演，成為東京迪士尼樂園每晚例行公演嘅新節目！

2012年、2013年、2014年... 東京迪士尼海洋「米奇和Duffy的春日巡航」咁就黎到第三年啦！而最開心嘅係，我連續三年都有幸去到日本，親身體驗呢個由 Duffy迪士尼小熊擔當主角嘅春季活動！東京迪士尼之旅2014 快將啟航，究竟今次又會係一個點樣嘅春日巡航呢？

每次講起復活節呢個節日，都會俾到我一種充滿活力嘅感覺，呢種認知應該係黎自東京迪士尼之旅2012，參加過東京迪士尼樂園嘅復活節活動之後所留低嘅！欣賞愉悅嘅巡遊，響園內尋覓復活蛋，林林種種嘅特別項目，真係令我玩得好開心！

2013年，東京迪士尼樂園因為舉行三十週年慶典，所以冇舉行到復活節活動；雖然覺得有啲可惜，不過都慶幸整個旅程依然係滿佈幸福歡樂！2014年，三十週年慶典完滿結束，「迪士尼復活節」活動終於響東京迪士尼樂園載譽歸來！

又到一個月嘅開始，所以又係時候去一個新地方進行探險啦！今次最後一站，我地黎到海邊，更加遇到得意可愛嘅 Duffy迪士尼小熊！配合東京迪士尼之旅2014 快將啟航，所以 Duffy 都再次成為焦點迪士尼朋友，帶領我地向著未知嘅世界，趁著春季完結前展開春日巡航！