9月29日試玩夜終於來臨! 再次勇闖迪士尼黑色世界2012!

辛辛苦苦，終於又捱過咗兩個禮拜...  都唔知可以話係快定係慢...  不過，又要同大家講聲對唔住...  因為我本身話會寫故事，不過太多功課，搞到個腦就爆，冇咩靈感寫故事，所以一直都未出...  但無論如何，今日終於都黎到9月29日，第二晚嘅 奇妙處處通 會員黑色世界2012試玩夜！

上次玩得兩個鐘，真係好唔夠喉！又睇唔到 夜光鬼魅巡遊、大街殭屍戰狼人 等嘅表演。聽日一定要玩餐飽，玩盡、睇盡 迪士尼黑色世界2012 嘅每一個項目同埋景點！嗯...  希望我聽日玩完一輪之後，能夠有返靈感，順利推出一個以黑色世界為題嘅長篇故事啦！

Duffy 暢遊香港迪士尼樂園 - 走遍七大主題園區!

生日嗰日第一次同 Duffy 去樂園玩，幫佢影咗好多相，我將會同大家分享我地響每一個園區嘅經歷！第一個園區係 反斗奇兵大本營，嗰日我哋去嘅第一個主題園區就係呢個。而第一個玩嘅遊樂設施係 玩具兵團跳降傘，響等待區入面，Duffy 加入咗玩具兵團嘅行列！

迪士尼黑色世界2012 黑色力量在各個港鐵站繼續倍增!

話咁快又過咗一個星期啦！上星期響港鐵站發現嘅 迪士尼黑色世界2012 燈箱廣告又唔同咗樣！今次換上新海報，主要應該係為咗配合 黑色聯盟戰 正式開戰！因為響新海報可以搵到黑色印記！雖然我就冇得拎住部機搜集黑色印記，不過我都繼續呼籲大家努力，為自己嘅陣營作戰到底！

生日的早上, 整裝待發, 興奮地向樂園進發!

響 迪士尼好萊塢酒店 訓咗一晚，補充精神，第二日朝早就邁向樂園，響入面玩足全日啦！Duffy 仲一早就起咗身，坐響窗口旁邊睇風景，睇下樂園入面嘅遊樂設施，期待一陣間玩餐飽！

靜候生日來臨的一刻...

前幾年嘅生日，好多時都要返學，所以我生日前夕通常晚上11:00就會上床訓覺。雖然係訓咗響張床上面，但係我都會特別等到12:00來臨嘅一刻，同自己講一聲：生日快樂！

今年嘅生日唔洗返學，響生日前夕更加可以黎到 迪士尼好萊塢酒店，真係好開心！響 米奇廚師餐廳 食完野之後，就返咗上房，慢慢等待12:00來臨，期待著切蛋糕嘅一刻！

其實我而家已經唔記得咗嗰陣響房入面做咗啲咩 =_=，不過時間好似好快就過去咁...  2012年9月3日終於黎到啦！我地食蛋糕啦！Duffy 即時又變得好興奮！

在酒店房間中欣賞綻放的煙火...

先前都講到，我地嘅房間係 迪士尼樂園景觀客房，可以隱約望到樂園嘅遊樂設施。不過更奇妙嘅係，黎到晚上，我地更加可以響房入面欣賞煙火表演！( 我去之前都醒唔起... =_= ) 當晚係暑假嘅最後一日，樂園嘅開放時間都仲係比較長，關閉時間及煙火表演時間係夜晚九點鐘。

其實我地響 米奇廚師餐廳 嘅用膳時間係八點至十點，亦即係，我地響食食下野嘅途中返咗上房。不過爸爸話佢冇咩興趣睇煙火，響餐廳求其睇下都冇所謂，所以就只得我同媽媽上房睇。上到房，響窗口望出去，煙花仲未開始，但係都可以欣賞一下酒店前門嘅夜景。

在 米奇廚師餐廳 遇上 廚師米奇!

參觀完酒店各處，響房間入面嘆咗陣，再去埋泳池游水之後，終於都到咗晚上啦！
踏正夜晚八點鐘，我地就去到 米奇廚師餐廳 嘅門口排隊，等候安排入座。

黑色聯盟戰強勢啟動, 黑色兩路等你報到!

終於黎到9月20日啦！黑色聯盟戰 手機應用程式正式啟動！唔知大家下載咗未呢？不過今日就有少少阻滯，因為我部Android手機同埋iPod竟然都唔支援呢個應用程式...  最後要等到媽媽放工返黎先借佢部iPhone黎玩，第一時間當然就係要加入我效忠嘅殭屍黨啦！

華麗的大堂, 精緻的客房, 舒適的一個晚上...

我突然發現原來我上次出嗰篇關於花園嘅文章係錯架，因為錯咗次序...  應該出咗呢篇先... 不過唔緊要啦，都唔一定要跟次序嘅...  還掂而家都已經響酒店同埋 Duffy 遊園之間跳黎跳去...

穿過大門，就黎到好華麗嘅酒店大堂。( 嗰日其實都幾多人響大堂到，以下張相係晚上先影嘅。）

迪士尼黑色世界2012 試玩夜 - Rushing 2小時...

等咗咁耐，星期五終於率先體驗咗 迪士尼黑色世界2012 ，黑色世界始終都係我最愛嘅活動！不過我晚上七點半先落堂，響學校趕到過去，都已經係九點鐘，得返兩個鐘玩。就算我嗰日有拎到相機去，但係都因為要爭取時間玩，所以冇影到相...  冇相睇，唔好意思！唯有9月29日第二晚試玩夜嘅時候早啲入去，影返多啲相啦！唉，又要等兩個禮拜...

齊來加入 迪士尼黑色世界2012 的黑暗詭魅派對!

今晚就係 迪士尼黑色世界2012 首晚試玩夜，唔知大家準備好，一同加入今年嘅萬聖節派對未呢？每年嘅 迪士尼黑色世界，我都會適心打扮一番，好讓自己可以盡情投入詭魅世界！

今年其實同上年差唔多，廢時重新又買過啲飾物；不過我都有買到兩件新飾物！件斗蓬係上年買嘅，我見到今年啲斗蓬嘅款式都幾靚，但真係唔想買多件，所以用返呢件就好了。至於件T恤就係前日先買嘅，見佢幾得意幾靚，所以就買咗返黎，到時仲可以去玩魔鏡添！南瓜王阿積 頸飾都係新買嘅；用黎做頸飾之餘，仲可以用黎紮頭髮，所以女孩子都可以買黎戴架！

廣闊的酒店花園, 給予一種清新的感覺

( 呢排都專注講返 迪士尼黑色世界2012，但我生日嗰次迪士尼之旅仲有好多篇未出...  唯有慢慢逐篇出返啦... 呢篇文章啲相其實早前已經上載咗上黎，不過就黎到今日先寫... =_= )

兩間酒店都有一個好靚嘅花園，不過相比起 香港迪士尼樂園酒店，呢邊就時尚好多。叫得做 迪士尼好萊塢酒店，花園亦都以好萊塢做主題，周圍可以見到好多同電影有關嘅佈置。

迪士尼黑色世界2012 黑色力量湧現... 夜間篇

( 為大家呈獻夜間篇，昨日特別等到日落後再影，因為知道加上燈光效果的確係另一番風味！其實我都係跟返日間影過嘅野黎影，所以我都唔加太多描述，一兩句就可以了... )

黑夜來臨，沉睡中的黑色力量緩緩蘇醒，通往黑色世界的大門正式打開，帶領我們進入詭異領域！日間的樂園是無比寂靜，如今經已面目全非；在燈光的映照下，各種佈置散發出獨特的黑色魅力...

迪士尼黑色世界2012 黑色力量湧現... 日間篇

( 昨日入到樂園，已經見到各園區嘅萬聖節佈置經已出現，今年嘅設計仲好有心思添！我見到咁多又靚又有氣氛嘅裝飾，梗係要影多啲相返黎做相集啦！而家首先刊登日間篇！)

美國小鎮大街 化身成狼人與殭屍的戰場，戰事一發不可收拾！黑色兩路，等你報到...

我終於都買到 Duffy Vinylmation 啦!!!

上次響開售日第二日竟然買唔到 Duffy Vinylmation 模型，我就懷著不快嘅心情寫咗篇評論文章。昨日入到去嘅時候，我第一時間就去睇下有冇貨；好彩，隔咗咁多日，佢地應該入好貨啦...  我終於都響 徽章及Vinylmation交換站 買到呢兩隻 Duffy迪士尼小熊 Vinylmation 模型啦！

Happy 7th Birthday to Hong Kong Disneyland!

今日係2012年9月12日，再一次係 香港迪士尼樂園 嘅大日子啊，因為佢今日生日啊！估唔到話咁快就已經渡過咗七年嘅歲月，時間真係過得好快...  呢七年間，樂園經歷過不同變化，不過講到最深刻嘅，當然就係呢一年先後有兩個新園區開幕啦！

在泳池中暢泳, 意想不到的事將會突然發生!

無論係響 香港迪士尼樂園酒店 定係 迪士尼好萊塢酒店，都有一個泳池嘅。既然黎到入住一晚，我都唔會錯過機會，響食晚飯之前，響泳池游咗一陣水...

事與願違... 這是一條漫長的夢想之路...

原先就諗住響今年 迪士尼黑色世界2012 申請做兼職演藝人員，不過好似事與願違咁...  之前應該因為未夠18歲，所以等咗好耐，樂園方面一直都冇搵我去見工；好啦，到我過咗18歲生日，又發現，並唔係一過咗18歲，所有問題就會迎刃而解...

標題圖片回復色彩... 但願黑暗不會再度降臨...

因為有新 Duffy小熊 加入我地嘅家族，所以之前嗰張標題圖片已經過期啦...  但係今次呢張新嘅標題圖片，就唔係用 Duffy 做主題，而係再次用咗 香港迪士尼樂園 嘅園區。上年剛剛開始寫呢個Blog嘅時候，都係用作主題園區黎整圖片，不過嗰陣就只係得五個園區。

走著熟悉的路程, 心裡的感覺卻是截然不同...

唔知大家平時係點樣入樂園嘅呢？相信大部份朋友都同我一樣，係搭 港鐵 入去架啦！一年去咁多次 香港迪士尼樂園，呢條路程已經慢慢變得非常熟悉，亦唔會覺得有咩特別...  而響9月2日嘅呢一日，雖然係沿住熟悉嘅路程進發，但係感覺就好唔同...

Duffy 拎齊裝備, 向迪士尼好萊塢酒店進發!

其實呢篇文章應該係出發嗰日就刊登嘅，不過嗰日唔太夠時間...  唔緊要，而家出返！響出發之前，當然就要幫 Duffy 裝扮一下啦！咁先可以令佢以最靚仔嘅面貌去樂園玩！呢排佢響屋企都係著住新買嘅 漁村休閒裝，只需幫佢戴返頂帽同埋著返對鞋，就可以出街啦！

歡迎第11隻 Duffy小熊 加入我們的家族!

雖然生日嗰日買唔到 Duffy Vinylmation，不過好彩都仲有呢隻 萬聖節Duffy 補返數。同 愛神Duffy、春日Duffy 一樣，佢嘅大小係我所稱嘅 小Duffy，而件衫亦都係除唔到出黎嘅。佢已經係我地 Duffy家族 嘅第11位成員啦！咦！咁Blog標題圖片咪已經過期？又係時候整過張啦！

消失了的 Duffy Vinylmation?!

我本身就對 Vinylmation 冇咩興趣嘅，主要係因為覺得啲模型唔靚，唔夠吸引...  每個模型個頭都用咗 米奇 頭型，之後再將各個 迪士尼朋友 個樣整上去，好多都走哂樣...

好啦，前排響 Duffy迪士尼小熊 Facebook專頁上面見到美國嗰邊出咗新嘅 Duffy Vinylmation。一共出咗兩款，一款係毛絨 Duffy 模型，另一款就係水手裝 Duffy模型。因為 Duffy 個頭原本就係用咗 米奇 個頭型黎設計嘅，所以呢兩款模型完全冇走樣嘅情況。我作為一個 Duffy 嘅粉絲，而呢兩款模型又設計得唔錯，咁當然要買佢地返屋企啦！

Happy 11th Birthday to Tokyo DisneySea!

其實呢，我就唔會太留意世界各地 迪士尼主題公園 嘅生日，因為有咁多個，真係記唔哂！我當然就記得 香港迪士尼樂園 嘅生日，而同時亦記得 東京迪士尼海洋 係今日生日！原因係，我剛剛去完，會留意多啲；不過最重要嘅係，我自己生日完就到佢生日！

2001年9月4日，東京迪士尼海洋 正式開幕，今日已經係佢嘅11歲生日，恭喜恭喜！今年，佢地嘅週年圖片，背景就用作響7月全新開幕嘅 反斗奇兵瘋狂遊戲屋 做主題。 

Happy 18th Birthday to Thomas!

( 又要造馬啦：而家時光倒流，呢篇文章設定為9月3日18:18發表，特別紀錄18歲生日嘅來臨！)

昨晚就同爸媽、大Duffy 去咗 迪士尼好萊塢酒店 住咗一晚，今日又響樂園入面玩得好開心！唔計買返黎嗰日的話，今次其實係 Duffy 第一次去樂園玩，我幫佢影咗好多相！( 遲啲會再分享 )在此，我要多謝酒店內、園內每一位為我送上祝福，又或者為我締造奇妙一刻嘅演藝人員！當然，亦要多謝各位祝賀我嘅朋友；因為有您地，我嘅生日先會變得更加難忘！

迪士尼黑色世界2012 - 全新主題, 殭屍狼人大戰, 一觸即發!

唔知點解，次次入Camp或者去旅行，偏偏就突然會有好多新消息公佈，搞到好似好落後咁...  今次入Camp，去咗三日兩夜，就正正響呢三日，樂園方面公佈咗 迪士尼黑色世界2012 嘅資料！雖然暫時未係好詳細，但睇咗啲簡介，只可以講句：今年值得一讚！

每年萬聖節 迪士尼黑色世界，我覺得係全年最具規模嘅節日活動，同時亦係我最愛嘅節日活動。特別係呢兩年，園方響活動中加入一個完整嘅原創故事，令整個活動變得更有氣氛。上年嘅 斷頭騎士，原本係參考同名電影嘅，之後就配合樂園內各個景點而變成一個原創故事；而今年，樂園就用咗 黑色兩路 呢個主題，講述 殭屍陣營 同埋 狼人陣營 響園內爆發戰爭。

2012九月份焦點迪士尼朋友 - The Triplets

好啦好啦！我去完迎新營返黎啦！之前就同大家講過話想趁9月頭分享一樣野！其實係因為我有一個新構思，就係每月揀一位 迪士尼朋友 做焦點人物，順便可以更加了解佢。但係今次9月份，就唔係一位 迪士尼朋友，而係三位！因為佢地係形影不離架！趁住 勇敢傳說之幻險森林 熱潮仲未減退，今個月就揀電影入面嘅 三胞胎小王子 啦！呢三位小王子，就好搞鬼，成日周圍搗亂、整蠱人；佢地仲好為食添！不過佢地好聽姐姐 梅利達公主 嘅話架，有時候仲可以好幫得手！我覺得佢地真係好可愛啊！特別係變咗三隻小黑熊之後！( 雖然我仲未分到佢地分別係邊個 =_=)

先前加咗好多新分類，好多都係我自己好希望運用自己嘅一啲小技能，同大家分享我嘅嗜好。今次嘅每月焦點迪士尼朋友，我亦會運用我嘅整圖技能，整下一啲電腦桌面月曆。獻醜了！唔知大家覺得靚唔靚呢？如果您鍾意嘅話，可以隨便拎去用架！分別有16:9版本以及4:3版本，只要Click一Click張圖，就可以放大張圖架啦！