金球, 金爆竹, 金光巨石... 整條大街都金光閃閃呢!

金年有福 活動星期五就開始，雖然活動內容真係毫不吸引，但我都對園內佈置仲有少少希望...  呢幾日，園方都慢慢為 美國小鎮大街 增添農曆新年色彩，米奇金光巨石 亦已經響尋日出現咗！

安仔玩具箱 將於二月中旬開幕!

經過尋日嘅玩具簡報後，以下係一則詳細玩具報告：香港迪士尼樂園 反斗奇兵大本營 即將開幕嘅全新商店：安仔玩具箱，工程圍板經已完全消失！

樂園事物仔細尋 - 印刷於樂園指南的名牌

樂園事物仔細尋 呢個系列又再同大家見面啦！今次呢個發現仲要唔洗入樂園玩都可以搵到！各位不時都會入樂園玩嘅 奇妙處處通 會員，相信都已經對園內各種設施嘅位置、佈局瞭如指掌；或者都已經唔再需要再拎樂園指南，又或者只係用作收藏，但其實每款指南都有啲得意野架！

在 香港迪士尼樂園 尋找 Oswald幸運兔子!

華特迪士尼先生 響1927年創作出 Oswald幸運兔子，之後卻不幸被搶去呢隻兔仔嘅版權...  去到2006年，事隔接近80年，迪士尼 方面決定主動購回 Oswald 嘅版權，Oswald 終於回家了！佢最終都可以成為一位真正嘅迪士尼朋友，並且響 Epic Mickey 遊戲入面擔當一位好重要嘅角色！

可惜 Oswald 暫時響世界各地嘅 迪士尼主題公園 都唔係咁常見，亦都唔係有太多相關產品出現...  現階段比較矚目嘅，就只有 東京迪士尼樂園 迪士尼復活節奇幻世界 巡遊入面嘅 Oswald 花車。雖然，Oswald幸運兔子 未有注目地於各個樂園登場，但其實佢已經靜靜雞滲入到不同樂園！

入園辦年貨, 提早將福氣帶回家!

今年 金年有福 農曆新年活動內容唔多掂，惟有睇下其他方面會唔會為佢加返少少分數啦！雖然活動內容比較遲公佈，但其實一系列農曆新年主題商品經已於1月中率先響園內發售！

「金」年有福 - 失色的農曆新年活動...

原來園方已經無聲無色地響官方網頁公佈咗今年嘅農曆新年活動，睇完之後真係諗唔到講咩好...  雖然活動名為 金年有福，但係作為一位Fans，我就感受唔到有咩福氣可言，心中就只有無奈...

帶著自己的小熊尋找 Duffy, 體驗奇妙時刻!

上年曾經有一段長時間，樂園入面係完全冇咗 Duffy迪士尼小熊 嘅蹤影，冇得同佢見面、影相...  去到 迪士尼雪亮聖誕2012，一個屬於 Duffy 嘅節日，佢終於每日都出現於 美國小鎮大街！響活動完結後，Duffy 亦搵到一個新嘅落腳點喎！而家，佢經已長註響 幻想世界 夢想花園！

嗰日發現佢搬咗屋，我同朋友就即刻去佢嘅新居搵佢！Duffy 仲做咗佢嘅招牌動作同我地打招呼！

澳門精彩遊 - 水舞間 帶你展開傳奇水上之旅

自公演以黎，不時都聽到有親友去咗睇 水舞間，睇完之後都一致給予好評！今次終於輪到我啦！其實我自己本身就唔係特別大興趣嘅，不過我媽媽就一直以黎都好想睇，但次次都有阻滯...  之前去澳門，試過遷就唔到表演時間，又試過買唔到飛，好彩呢次最後都順順利利欣賞到啦！

拿著玫瑰的 Duffy迪士尼小熊 與你共渡浪漫節日!

相信各位 Duffy 粉絲都同我一樣已經期待咗好耐，終於，全新 情人節Duffy 經已正式發售啦！星期五知道 情人節Duffy 上咗架，我今日就立即入樂園買返隻帶返屋企，成為我嘅第16隻 Duffy！

迷離莊園火車站 - 只限貨運?!

自從 迷離莊園 小路關閉後，想睇擴建進度冇之前咁方便，而家通常都只係響兩邊門口睇睇就算...  但假如有時間嘅話，都可以用另類方法睇嘅！為咗 迷離莊園，我再次乘坐 香港迪士尼樂園鐵路！好耐冇坐過啦...  印象中，灰熊山谷 開幕後都好似冇坐過，因為響小路睇都已經滿足到好奇心。

澳門精彩遊 - 冬日威尼斯 幻彩四季!

平時睇開 香港迪士尼樂園 嘅聖誕裝飾，今次黎到澳門，就去咗睇下 冬日威尼斯 有咩特別！佢地棵聖誕樹用咗藍色燈光，感覺上更加有冬日氣氛！不過就冇咗聖誕節嘅嗰份溫暖...

變身成為可愛的兔子, 彈彈跳跳飛上半空!

相信各位響見到呢篇文章嘅標題嘅時候，心裡應該充滿疑問...  吓，咁快就到復活節咩？！事實上，前排響12月嗰陣，當我自己響樂園見到呢個糖果罐嘅時候，我嘅心中亦都充滿疑問...  點解園方可以響聖誕活動期間推出復活節商品嘅呢？我到呢一刻都解答唔到，只係覺得好搞笑...

再次走進迪士尼世界, Disney Infinity 即將登場!

一起身就睇到一項令我好興奮嘅資料！就係 迪士尼 將於今年夏季推出全新遊戲，Disney Infinity！上年7月嘅時候我都有介紹過一個可以俾玩家響 迪士尼世界 進行探險嘅遊戲，Disney Universe；而今次嘅 Disney Infinity 迪士尼無限世界，感覺上都幾相似，我覺得可以話係一個升級加強版！先睇睇官方圖片，相比起前作，遊戲標誌設計得好有時尚感，圖中亦特別展出咗多位 迪士尼朋友！

為自己的 Duffy迪士尼小熊 戴上主題名牌!

上星期入樂園玩嘅時候，終於都幫自己同埋 Duffy 整好咗最新嘅個人化主題名牌啦！我同 Duffy 一齊戴起呢個名牌的話，一定會好合襯啦！但話時話，點解我好似愈買愈多咁嘅...  =_=

澳門精彩遊 - 華麗的酒店‧美味的食物

上個星期日再次去咗澳門玩，仲記得對上一次係2012年5月，估唔到響咁短時間就再有機會去！上次去完之後我都有寫篇文章記錄返，不過比較簡短，因為上次嘅行程冇咩特別，冇咩影相；但今次就唔同啦！今次嘅行程真係非常精彩！我仲特別拎咗部大相機去，影咗好多相返黎啊！呢篇文章將會分享整個行程發生過嘅事，而稍後都仲會有另外三篇去詳細講返三個不同嘅節目。

事不延遲，行程開始啦！不過...  響正式出發之前，有一樣好重要嘅事要做！當然就係執行李啦！仲記唔記得 Duffy 嘅故事呢？米奇 要出發去旅行，米妮 就整咗 Duffy，陪伴住 米奇 走遍各地...  而家每次去旅行，不論長短，我最少都會帶一隻 Duffy 陪我，因為呢個亦係其中一個 Duffy 信念！上次去澳門，我就帶咗 大Duffy 陪我，今次就輪到 小Duffy 啦！我仲幫佢戴上頸巾，驚佢凍親嘛！

驚喜源源不絕! 與穿上睡衣的 Duffy迪士尼小熊 一起睡覺吧!

點解呢個星期好似出少咗文章嘅？全星期都只係得幾篇，搞錯！其實係我掛住去玩...  哈哈！星期日、一就去咗澳門，星期三就去睇戲，而星期二、四就分別與不同朋友入咗樂園玩足全日。雖然今個星期掛住玩冇出文章，不過玩完全個星期之後，我而家有好多趣事想同大家分享！我之後將會慢慢講返哂全個星期所發生嘅事！而家就立即分享其中一個響樂園入面嘅新發現！

樂園近期都先後推出咗 曲奇餅、個人化名牌 等等嘅 Duffy 商品，估唔到話咁快又有新商品出場！

Epic Mickey - 荒廢世界傳奇之旅, 終於開始!

上年逛書展嘅時候買咗一本 Epic Mickey 概念畫冊，令我對呢個 Epic Mickey 遊戲 大大感到興趣；於是我就買咗個遊戲，將光碟放入Wii遊戲機，準備開始傳奇之旅！點知部機竟然讀取唔到個遊戲！幾個月過去了，Epic Mickey 出咗第二輯遊戲，心急嘅我終於忍唔住，誓要玩到呢個咁吸引嘅遊戲！

大門正式關上, 迷離莊園 進入最後準備階段!

2013年1月2日，迪士尼雪亮聖誕2012 活動完結之後嘅一日，迷離莊園 兩邊嘅大門正式關上...  相信係要作出最後階段嘅準備工作，咁亦即係離開幕嘅日子唔會好遠啦！我而家愈黎愈期待啦！

2013一月份焦點迪士尼朋友 - 無敵破壞王

唔好意思，今個月遲咗出 迪士尼朋友 月曆；我之前竟然完全唔記得咗呢件事，係尋日先醒返起...  今個月嘅 焦點迪士尼朋友 就係 無敵破壞王！而背景就係佢成日都要走上去搞破壞嘅大廈！今次揀咗佢做焦點，係想趁電影未落畫前賣多次廣告，因為真係呢套電影真係一齣好好嘅作品！

黎到2013年，迪士尼朋友 月曆亦都換上新裝，作出咗少少改動，唔知你睇唔睇得出改過啲咩呢？同以往嘅月曆桌布一樣，分別有16:9以及4:3兩個大小，並有普通版本以及 香港迪士尼樂園 版本！

Tho's Dreams 迎接2013!

2013年來臨啦！祝大家新年快樂！Tho's Dreams 已經即時換上全新標題圖片以及背景圖片！作為 迪士尼Fans，今年最期待嘅當然就係 迷離莊園 開幕！今次亦特別揀咗 迷離莊園 做主題。圖中黑暗嘅 迷離大宅，象徵著我地靜候佢揭開神秘嘅面紗！真係好期待可以入去探索嘅一刻！