Marvel主題園區 X 夜間巡遊?

相信各位尋日睇新聞報導嗰陣都會覺得好驚喜！因為財政預算案竟然有提及樂園未來動向！預算案講到，香港迪士尼樂園 將會展開新一輪擴建，興建全球首個以Marvel為主題嘅園區；呢個新園區預計會於2017年落成開幕，而另一方面，樂園亦會響未來幾年內推出夜間巡遊！

為自己添新裝! 嘩! 好多三眼仔啊!

上個星期，樂園失驚無神推出咗 奇妙處處通 會員 專享商品六折優惠，大家有冇入園掃貨呢？星期六返最後一日工之前，我都有趁機會入園睇下有冇咩可以買返屋企！最後當然有收穫啦！

奇妙, 其實並不簡單…

之前講到，過咗星期六，我就會多返啲空閒時間，可以確保 Tho's Dreams 唔會再低產量；其實係因為我嘅演藝人員合約到期啦，唔洗返工，自然就多返時間做其他野，包括寫Blog。估唔到咁快就過咗三個月，雖然時間過得好快，但響呢三個月間的確學習、見識到好多野！好感激同事們一直以來嘅教導、照顧，亦好慶幸可以響鋪頭、迪士尼大學 識到一班好朋友！

成為演藝人員之前已經知道要做好呢個角色並唔容易，要為所有人帶來奇妙，的確並不簡單。但係能夠實現自己嘅夢想，將 迪士尼 嘅奇妙感覺分享俾不同嘅賓客，真係好開心好滿足！不過，追尋夢想之路並未就此完結，期望之後會有機會，俾我可以用其他方式再次散播奇妙！響再有機會之前，呢段期間，就等我用返Fans嘅身份，繼續默默支持 香港迪士尼樂園 啦！

小飛俠 翱翔天際六十年!

有睇開 Tho's Dreams 嘅朋友應該知道，小飛俠 Peter Pan 係其中一位我好鍾意嘅 迪士尼朋友。但係你又知唔知，《小飛俠》呢齣 迪士尼 嘅經典動畫電影，係響邊一年響戲院上映嘅呢？原來，《小飛俠》係響1953年2月5日上映嘅！亦即係，小飛俠 轉眼間已經「飛」咗六十年啦！

煙花璀璨, 在城堡前感受一個閃耀的晚上...

再次為近期 Tho's Dreams 嘅低產量向各位致歉！請體諒多一日！過埋聽日就可以回復正常架啦！今日想同大家分享一啲相片，因為前排有一次揀咗個靚位睇煙花，所以想放啲相響呢篇文章。

香港迪士尼開幕七年 轉虧為盈人次破紀錄

其實我曾經向自己許下一個承諾，就係每日最少為 Tho's Dreams 寫一篇或更新一篇文章。但係呢排因為唔係好夠時間用，亦唔係好夠精神，所以「一日一篇」嘅承諾好似慢慢落空咗...  不過唔緊要，過埋呢個星期之後，我應該會有多返少少空餘時間，相信情況必定會有所改善！

今日想同大家分享一件好重要嘅事：朝早起身睇新聞嗰陣，得知原來樂園響今日公佈業績！於是，下午三點鐘，我好準時等睇網上直播！樂園響發佈會上都講咗好多樂園營運狀況！睇完整個發佈會之後，今晚就等我黎一個完整報導！寫咗一篇好長嘅文章... 終於都寫完啦！

---

於2005年9月正式開幕的 香港迪士尼樂園渡假區，今天公佈2012年度的業績報告。開幕七年，樂園首次錄得超過1億元盈利，終能轉虧為盈；入場人次方面亦打破紀錄，樂園於整個年度錄得673萬入場人次，增長達13%。行政總裁 金民豪先生 形容，2012年為樂園豐收的一年，兩方股東有意將盈利投放於渡假區的未來擴建項目。

讓你的想像力飛上半空, 一起飛躍奇妙!

近期欣賞 迪士尼飛天巡遊 嘅時候，我都好鍾意望實充滿活力嘅 米奇，捕捉佢趣緻嘅一面！雖然呢個巡遊已經演出咗超過兩年，但每次見到 米奇 帶領大家飛躍奇妙，我都會好開心！

與 Duffy 好友暢遊樂園, 創造奇妙的一天!

各位仲記唔記得之前有一篇文章提及到 Duffy迪士尼小熊 現身於 夢想花園 同大家見面呢？文中都有講到我第一次帶來自 東京迪士尼海洋 嘅 大Duffy 熊仔入樂園玩，咁啱就見到 Duffy！其實，嗰次除咗我有帶自己隻熊仔之外，同行嘅好朋友都有帶到佢嘅 Duffy 熊仔一齊入去玩！兩隻 Duffy 熊仔過咗好開心嘅一整日，仲影咗好多相呢！我地響每個園區都有影相留念架！

第一張相我地用咗 迷離大宅 做背景；Duffy 問幾時先可以入去玩，但係我都答佢唔到...  哈哈！

恭喜發財! 喜氣洋洋的大年初一!

尋日大年初一，唔知大家做咗啲咩呢？拜年？逗利是？我全日只係做咗一樣野... 就係返工！不過，響返工之前，我同自己嘅 Duffy迪士尼小熊 一朝早就起咗身，響屋企同爸爸媽媽拜年！睇下佢地！個個都著住靚衫，握起雙手，做出恭賀嘅手勢！真係一班又乖又可愛嘅 Duffy 小熊！

巨大Duffy 換新裝, 過新年!

自從響 東京迪士尼海洋 買咗一件春日巡航T恤俾 巨大Duffy 之後，佢就一直都著住嗰件T恤；見佢好似好耐都冇換衫，於是我就響樂園物色一啲款式比較靚嘅童裝衫，買返黎俾 巨大Duffy！

反斗奇兵大本營 安仔玩具箱 正式開幕!

只係用咗半年時間，反斗奇兵大本營 全新商店，安仔玩具箱 終於響2013年2月6日落成開幕啦！響 反斗奇兵大本營 嘅入口位置，園方特別擺放咗一個告示牌，將呢個喜訊話俾所有賓客知！

Tho's Dreams 與你過一個金光璀璨的農曆新年!

黎緊呢個星期日就係大年初一啦！響到同大家拜個早年先！祝大家蛇年進步、夢想事成！嗯，係時候都要換一換 Tho's Dreams 嘅背景主題啦！要增添農曆新年色彩，將福氣傳開去！但係... 等陣！換走 迎接2013 背景嘅時候突然醒起，乜唔係有人話會出 回望2012 咩？去咗邊？其實我只係剩返少少未整，不過要綜合一整年，的確需要花多啲心機去整，可惜呢排都比較忙...  雖然而家先出好似已經冇咩意思，但係2012年對我黎講真係好重要嘅一年，所以我點都會出嘅！

好啦好啦，言歸正轉先！今次嘅農曆新年背景主題，配合返 金年有福 活動，用咗金色做底色！今期標題圖片就用咗 米奇金光巨石，而背景圖片就係由一個個紅色嘅 米奇 頭像組成！

「金」年有福, 齊齊入園添金運!

上個星期我完成咗一個創舉！我由星期日至六，一共七日都有入園！( 雖然有五日係返工 ) 其中，星期五係因為農曆新年活動「金」年有福 正式開始，所以我都特別入去行返個圈！雖然對活動內容唔係咁滿意，不過都希望入樂園睇下有冇特別驚喜，一如所料，結果係：冇。

上星期分享過，響活動開始前，園方都陸續響 美國小鎮大街 增添金光閃閃嘅農曆新年佈置；黎到活動開始嘅呢一日，出現咗更多新年裝飾，包括擺放於樂園中心樞紐位置嘅桃樹、桔子！

2013二月份焦點迪士尼朋友 - Rapunzel & Flynn

今個月又遲咗幾日出 迪士尼朋友 月曆，但其實我係記得架，只係真係唔夠時間整...  抱歉...  終於都出到呢個月嘅月曆啦，而焦點人物就係黎自 魔髮奇緣 嘅一對情侶：Rapunzel、Flynn！

二月最重要嘅節日就係農曆新年，原先都係向住呢個方向去諗，亦有網友提議過不同嘅人物；但因為搵唔到合適嘅圖片，最後只好放棄，另覓新人選去製作今個月嘅 迪士尼朋友 月曆。於是，我就轉用情人節嘅方向去諗，最後俾我諗起呢對近年比較著目嘅 迪士尼 情人！順帶一提，魔髮奇緣 係響2011年嘅年初一於香港上映，勉強可以同農曆新年扯上關係，哈哈！

天氣轉冷, 快為 Duffy迪士尼小熊 穿上冬日毛衣套裝!

呢排天氣時冷時熱 ( 今日又熱返... )，有冇幫自己嘅 Duffy 著多件衫啊？記住唔好凍親佢喎！大家記得我之前介紹過嘅 Duffy 冬日毛衣套裝嗎？香港迪士尼樂園 已經推出咗呢套新服飾啦！