話咁快，下個星期四，終於都可以去日本旅行啦！但係響出發之前，都唔能夠鬆懈，因為要預先做足功課！先前講到媽媽提議俾我自己一個人入 迪士尼樂園 玩，另一日就我地三個一齊入 迪士尼海洋玩。其實爸爸一直都反對，因為怕我自己一個人會有危險。但我都咁大個仔，又有電話，都唔洗咁擔心掛... 為見及此，為了確保我可以順利去哂兩個樂園玩，我就決定要整一個行程計劃，講好哂行程安排，再加上各種應急辦法，去說服爸爸俾我一個人去樂園玩！
2012年5月29日
咦咦咦! 灰熊山谷冒險派對?!
咦咦咦！剛剛得知有一個 奇妙處處通 會員專享 灰熊山谷 冒險派對，可以率先了解新園區嘅各項遊樂設施同體驗，但係條件就係要作篇短文。咦咦咦！作篇短文？！小弟前排咪作咗篇有關 灰熊山谷 嘅短文囉！又會咁啱嘅，又係要作篇同新園區有關嘅文章。但係上次篇文章，加咗少少暗示；今次要提交的話，篇文章可能要變返完美啲啦... 哈！
2012年5月28日
終於到達考試的終點站了...
平時響呢個Blog寫一篇文章，除咗寫嘅時候要頗多時間之外，另一個好花時間嘅步驟就係... 搵相！每次寫文章之前我都會搵啲有關嘅相，一黎就係我自己鍾意影相，可以順便分享一下自己影嘅相；二黎就係我知道，得一篇字冇相的話，係好唔吸引嘅。但係今日呢幾篇文章都係冇咩相嘅...因為都只係想同大家分享一下呢幾日有關我自己嘅事，每篇文章都唔係話太長，所以都唔刻意放咁多相了... 希望大家唔好介意 >_<
好啦，言歸正傳，今日就係我考DSE公開試嘅最後一日，英文口試。表現唔算差，但可能太緊張，自己都唔太滿意今日嘅表現。本身諗住過埋今日，就真係一身鬆哂；但事實上，冇。
2012年5月22日
灰熊快將進駐 香港迪士尼樂園!
呢排多了有關 灰熊山谷 嘅報導，呢個新園區應該響七月就會開幕啦！呢個園區，比起 反斗奇兵大本營，我更加有興趣。因為佢好似大好多，同埋有過山車玩！( 其實 沖天搖控車 算唔算 過山車? )
佢由一塊平地，慢慢發展到今日，真係等到頸都長。不過見到佢不斷成長，少不免都有啲感動；而且，成日去偷睇佢嘅工程進度，都可以話係一件賞心樂事！XD
澳門兩日一夜小旅行!
爸媽差唔多每年都會同我去一次澳門，去玩下，放鬆下。今年，媽媽話因為新開了 金沙城中心，所以又想去睇下。我地住響 金沙城中心 嘅 Holiday Inn 酒店，Duffy 仲好興奮添！
下雨天在 香港迪士尼樂園...
去樂園玩，最掃興嘅，我諗都係落雨啦... 落雨嘅時候，我地自自然就會覺得好無癮；又要拎住把遮好唔方便，又唔適合玩戶外遊樂設施，又冇得拎住部相機影相... 總之一落雨，有好多野都做唔到，玩唔到，甚至唔知響樂園入面做咩好。
2012年5月20日
再遇 米奇雨天滴答列車!
咁耐以黎，我都只係睇過兩次 米奇雨天滴答列車 咋！所以我覺得要遇上佢，都唔係咁易！星期五去嘅時候，由上午開始，一直都冇停過雨...雖然好唔方便，但終於有機會再遇 米奇雨天滴答列車 啦！其實只不過係將原用巡遊嘅部份 迪士尼朋友 同 表演者 轉上架列車上。列車好快就駛過了，但能夠響演出者安全同遊客感受兩方面取得平衡，有呢個表演取代巡遊，都總好過咩都冇得睇。
擁有卡通造型嘅火車慢慢駛近啦！仲不斷有蒸汽噴出！
細看 獅子王慶典...
上次同大家分享了我對 米奇金獎音樂劇 嘅感覺，今次當然就係到 獅子王慶典 啦！事實上，我覺得樂園係可以再增添多一個劇場表演嘅... 因為只係得兩個又真係少咗啲... 就算唔係劇場表演，都可以係大規模啲嘅街頭表演，就好似以前嘅 歌舞青春熱跳速遞 咁，其實的確唔錯。一個好嘅表演，真係可以響遊客心目中留下深刻引象架。
講返 獅子王慶典，相比起 米奇金獎音樂劇，我更鍾意佢嘅劇情鋪排、互動性、音樂等。俾我嘅感覺係，佢更加似一個專業嘅音樂劇。加上劇場用了中心舞台設計，令人覺得同演出者更加接近。
迪士尼星級款待2012 - 珍藏卡收藏卡套
星期五去完樂園玩，終於有多啲野可以寫啦！今日一次過送上六篇文章，一日寫咁多篇都真係第一次。為免部份文章會未能顯示於首頁中，所以暫時設定了首頁有10篇，下次更新Blog嘅時候會改返做五篇 :)
上幾次入樂園都冇買野返黎，都唔出奇嘅，周不時就入一入去，未必次次都有新產品推出。就算有新產品，都未必啱心水... 不過今次我就買咗一樣野，就係 珍藏卡收藏卡套。假如佢出卡套，我本身都唔會特別想買。但見到個封面咁靚，又唔係貴，最後就買咗啦！雖然 星級貴賓紀念冊 都有呢張圖，但係呢就細好多...
2012年5月16日
全新Blog背景 - 化身為Duffy世界!
又係時候轉下背景圖片啦！之前話去完日本用影返黎嘅相做背景。但係我呢排冇咩好做，所以無無聊聊又整了一個新嘅背景。今次更加變成了屬於 Duffy迪士尼小熊 嘅世界呢！
標題圖片由五幅 Duffy 身穿不同服飾嘅圖片組成。有魔法師裝、胡迪警長裝、飛機師裝、南瓜造型裝以及愛神 Duffy。
2012年5月13日
靜候 灰熊山谷 揭開它的面紗...
又是陽光普照的一天，太陽發出的光輝，照耀了香港迪士尼樂園。
在這天，男孩再次踏進樂園，進入這個夢幻的世界。
然而，在這夢幻的背後，神秘的東西吸引了男孩的好奇心。
乘坐木筏，踏上樓梯，慢慢在大樹上攀升，終於到達了樹上的小木屋。
樹上有幾間大小不一的木屋，屋間有一道又一道的木橋連接著；
男孩站立在木橋上，全神貫注地遠眺著那吸引住他的東西 - 一座高山。
細看 米奇金獎音樂劇...
剛剛升上白金卡，可以一嘗優先入場嘅滋味。之前，每次要睇劇場演出，都要企成半個鐘先可以入場；而家可以優先入場，唔單止方便好多，仲可以自由揀位坐！
其實我以前唔多鍾意睇劇場表演，因為覺得同一套劇睇咁多次，會幾悶。不過而家影多咗相，響睇表演嘅同時都會影下相，就變得冇咁悶了。再者，我個人幾鍾意聽歌同唱歌，留意下表演者唱歌都算係一件樂事。
「奇妙處處通」續會小禮物 - 掛帶及徽章
上星期二入去樂園玩，終於續會了！之前提及過，因為想享用生日優惠嘅關係，所以今年選擇了白金卡。白金卡 嘅卡面閃爍著彩色嘅光芒，真係幾靚！當然唔少得一疊我認為係毫無價值嘅優惠券。
日本迪士尼商店「尋豆」之旅?!
其實而家考完試，日日都冇咩好做，正常黎講可以多啲寫Blog。但問題係，我冇野好寫=_= 呢排入樂園玩又冇咩特別野... 暫時響入面又冇咩特別嘅小發現... 所以完全係冇話題可以寫！
拖下拖下又星期六... 終於絞盡腦汁諗到五篇文章主題。但尋日行完山又累，整理完啲相都已經累到冇心機寫，最後又拖到今日。
繼續響網上睇下日本嘅資料，今次到日本嘅 迪士尼商店。響佢地網站入面有好詳盡嘅產品目錄，又有好多野想買！但以下嘅產品就特別引起了我嘅注意...
2012年5月5日
眼仔碌碌搵野玩 - 係時候續會了!
之前響網上見到新嗰封續會郵件，好靚好得意！我等咗好耐，好期待呢封郵件嘅寄黎。但係我有個疑問，就係：假如我提早續會，會唔會冇咗封信？因為我今次決定升級為白金卡，今年生日響酒店入面使用有關優惠。既然決定升級，我亦想早少少續會，想早啲用其他折扣優惠。試過響網上問以上問題，但係就都得唔到一個明確答案。上次響樂園入面問，嗰位演藝人員答得好詳細，不過都係確保唔到封信會唔會寄黎。
所以我只好等待呢封信嘅來臨，之後先去續會啦...我張卡會響6月19日到期，原本以為最快要6月頭先會收到呢封郵件；點知，而家只係5月頭，就已經收到了！咁下次可以入去續了！
Duffy 要洗白白了!
我的第一隻 Duffy迪士尼小熊 係響2010年11月買的。轉眼間，我同佢就已經渡過了一年半嘅日子啦！但係同時間，佢都慢慢變得有啲污糟... 所以係時候洗白白啦！今日就幫佢除咗啲衫仔，準備幫佢沖涼。
與我的VIP暢遊 香港迪士尼樂園!
呢幾個月，暑期又未到，又冇咩大節日；所以 迪士尼星級款待 嘅出現，都係一個唔錯嘅安排，可以令呢段冇咩特別嘅日子變得不再平凡！特別係呢個活動嘅構思，除了令我地有機會多謝每一位努力嘅演藝人員，同時亦可以俾個機會我多向身邊嘅人送上謝意。再者，樂園又推出 VIP同行優惠，更加俾我地同朋友一齊暢遊樂園。
進入幻麗的世界, 探索宇宙的奧秘...
考完試冇咩特別野做，於是拎返之前啲電腦遊戲出黎玩。好耐之前講過其中一隻好幾鍾意玩嘅電腦遊戲，係興建主題樂園嘅。我仲試過響遊戲入面整咗個翻版 沖天搖控車！
今次，我想分享呢個遊戲，係同宇宙有關嘅，名為 Spore。以下張圖就係響遊戲入面影嘅，呢個只係目錄。連目錄都整得咁靚，真係唔怪得我咁鍾意呢個遊戲！
兩年前的 東京迪士尼海洋 筆記簿!
之前都同大家分享過我有個小習慣，就係儲筆記簿。每逄見到有靚嘅簿，都會買黎儲起佢。就好似有人鍾意儲金幣，有人鍾意儲郵票。只不過響我嘅故事入面，主角係簿。正正因為有呢個嗜好，我儲儲下都已經有好多好靚嘅簿，當然亦有好多係樂園嘅出品。
今日又響我其中一個 迪士尼專櫃 入面摷下野，又咁啱搵到一套之前響日本買嘅簿。( 次次都係咁啱摷下摷下先會發現到之前啲耐少少嘅收藏品，哈哈！)
訂閱：
文章 (Atom)