在家中體驗 沖天搖控車 的極速快感!

今次又有一個新分類啦！響 奇妙創作 呢個新分類入面，我會分享一些由我創作的作品，希望大家會感興趣啦！第一個要分享既作品係電腦作品，係響一個電腦遊戲製作嘅，呢個遊戲係可以俾玩家創造一個屬於自己嘅主題樂園。

而今次，趁有假期，我就係遊戲入面創造咗 反斗奇兵大本營 嘅 沖天搖控車！有響樂園入面玩過真真正正嘅 沖天搖控車 的話，會唔會覺得呢個畫面有啲似曾相識呢？

夜遊 泰山樹屋...

可能，有人覺得 泰山樹屋 會係一個幾無聊嘅遊樂設施...  因為佢又唔係有得玩，只係響樹上邊行黎行去。不過，如果仔細去睇嘅話，會發現好多得意嘅事架！而我，今次就選擇咗夜晚先至去行下... 天色愈黎愈黑，為 泰山樹屋 增加一份神秘感...

Merry Christmas! :)

聽日就係聖誕節啦，響到同大家講聲Merry Christmas！希望大家會有一個浪漫溫馨嘅節日啦！今日為大家送上兩張相片，第一張係 大街閃雪亮燈 亮燈過後嘅大街聖誕樹...

迎接 2012 新的一年!

好快就會去到新嘅一年啦！雖然唔知未來呢一年會發生咩事，不過都期望將會係開心嘅一年！由於 反斗奇兵大本營 都已經開幕咗有一段時間，所以 Tho's Dreams 原先版面上嘅  反斗奇兵大本營 欄位將會移除，換上 迎接2012 嘅欄位！響未來，可能都會有不同新嘅欄位相繼出現架！;)

樂園事物仔細尋 - 反斗搖搖逐個搵!

今次分享嘅小發現，係同 反斗奇兵大本營 有關嘅！呢個新園區都已經開放咗一段時間啦，唔知大家會唔會有好多新發現呢？而今次講嘅，就係園區入面嘅搖搖裝飾啦！暫時，我已經響入面搵到三個搖搖啦！睇黎，安仔 佢都幾鍾意玩搖搖喎。

Winnie the Pooh 小熊維尼 有新款T恤啦!

呢幾次入去樂園玩，都發現近期增加左幾款新嘅 Pooh 商品，包括 公仔布袋、曲奇餅，更加有新既 Pooh X Piglet 公仔！對佢地都幾有興趣，不過講到最想買嘅，就係以下呢件T恤啦！

樂園事物仔細尋 - 探險世界石洞探秘

之前有網友分享，響 探險世界 入口附近嘅山洞入面，有樣好特別嘅野喎...  我知道之後，就特別睇睇啦！平日經過呢到，只係會覺得個瀑布好靚...  究竟裡面有啲咩呢？

回顧2011 - 細看全年樂園指南!

2011年就快完結啦，而我亦響12月18日完成左我今年嘅最後一次樂園之旅！我諗，都係時候回顧一下今年一整年嘅 Life at Disneyland 啦！就等我睇返今年全年不同款式嘅樂園指南啦！今年全年一共拎左七款樂園指南！

反斗奇兵大本營 開幕一個月啦!

今日係2011年12月18日，反斗奇兵大本營 正式開幕一個月。響呢一個月入面，去過樂園幾次，都見人流未有減退，新遊樂設施依然大受歡迎。同時，今日亦係 奇妙處處通 金卡會員響2011年最後一個可以進園嘅日子；就等我今日早啲入去，為今年劃上完美句號啦！以下，送上一些之前未發表過既 反斗奇兵大本營 相片。

2012 Winnie the Pooh 日曆簿!

我返黎啦！呢排就係愈黎愈多野做，不斷補習，不斷做功課，令到個人好累...  今日早上趁有時間，又再一次過送上之前想寫嘅文章，一共五篇！而為了避免之後嘅文章唔好再好似而家咁斷斷續續，我會響有時間嘅時候，一次過寫多幾篇Blog，然後設定時間制，令佢地響指定嘅時間自動發表！

好啦，返返去呢篇文章既正題先！其實我有一個幾得意嘅嗜好，就係儲筆記簿啦！有人會集郵，有人會儲明信片；哈哈，我就儲筆記簿。每逄見到好靚、好特別嘅筆記簿時，我就會買咗佢，好好收藏！而每年，我都會買一本 Schedule Book，代表一整年所經歷嘅事。

Duffy迪士尼小熊 的新玩具!

之前補完習，去左行街，無無聊聊入咗一間大型傢俬店睇下...  發現咗一樣好得意既野，見佢咁特別，我就買咗返屋企俾 Duffy 玩啦！我所講嘅特別野，其實係一個水果籃，本應係俾BB仔或者小朋友玩嘅...  我承認，我的確係一個大細路！

樂園事物仔細尋 - 有趣的彩色燈柱!

樂園事物仔細尋 又黎啦！今次嘅小發現，係一支好靚既燈柱！佢色彩繽紛，就好似一件綻放嘅花朵咁！唔知大家有冇留意到佢嘅存在呢？

與 Duffy迪士尼小熊 飛上半空!

之前講到樂園已經出左 Duffy 嘅飛機師服飾，但係因為冇哂貨而買唔到...  但係上次入樂園既時候，終於都買到啦！今次既服飾分為帽子同埋皮衣兩部份，件皮衣可以幫Duffy好好禦寒呢！( 圖中 Duffy 所穿著嘅褲子並不屬於本服飾套裝，係另外 休閒服飾套裝 嘅一部份 )

Duffy Mix & Match - 冬日系列!

前幾日好凍啊，所以我屋企嘅 Duffy迪士尼小熊 都要做好禦寒準備，廢時冷親！今次我同佢進行Mix & Match，將幾套服飾合而為一，幾搞笑！

屬於我自己的一個小小的夢想...

響呢到，希望同大家分享一個屬於我的小夢想。其實我有一個夢想，好想好想能夠實現到；就係成為 香港迪士尼樂園 的一份子，成為一位演藝人員！原因只有一個：因為響樂園入面，我非常能夠感受到佢嘅魔力... 我經已俾呢種魔力深深吸引咗...

樂園事物仔細尋 - 似曾相識的公路燈柱?!

反斗奇兵大本營 都已經開放半個月啦！唔知大家入去玩餐飽未呢？又有冇留意到啲咩特別野呢？今次嘅 樂園事物仔細尋，就會講下 衝天遙控車 等待區入面嘅公路燈柱。呢啲燈柱，燈框係以橙色做構成，而柱子就填上白色。

大街閃雪亮燈 燃點溫暖氣氛!

之前幾日都冇時間寫Blog... 就等我今日一次過補返哂四篇啦！大街亮燈，經已成為近年 雪亮聖誕 活動中其中一個矚目演出；記得上年更加加入新元素，由一班玩具為我地亮燈。今年嘅 大街閃雪亮燈，就再次由一班穿上白色服飾嘅演藝人員為我地進行亮燈。而 米奇、米妮 以及 高飛 就坐響花車上面同大家打招呼。

慶祝聖誕來臨, 全新網誌背景登場!

踏入12月，聖誕節亦快將降臨了！Tho's Dreams 嘅主題圖片亦正式更新了！背景係以黑夜星空為主題，而標題圖片就擺放左不同嘅 雪亮聖誕 活動相片！圖中，有聖誕節、薑餅人、迪士尼小熊Duffy、米奇與米妮、唐老鴨與黛絲、閃亮城堡等。

迪士尼飛天巡遊 主題音樂 Fly With Me!

迪士尼飛天巡遊，由今年年頭開始，直到而家，帶俾我地好多歡樂。巡遊中可以見到好多不同嘅 迪士尼朋友，同埋好靚嘅花車。

樂園事物仔細尋 - 罕聞的石塊圖案...

再繼續同大家分享響樂園見到嘅小發現！今次係一個石塊圖案，唔知你地知唔知係響邊到影嘅呢？

Duffy迪士尼小熊 化身奇妙魔法師!

香港迪士尼樂園 近期又再出了新衫俾 Duffy 啊！分別有 魔法師服飾 同埋 飛機師服飾，我當然要即刻買俾我嘅 Duffy啦！可惜，當我買嘅時候，飛機師服飾 已經冇哂貨啦...   唯有等佢返貨啦...  今次買咗返黎嘅 魔法師服飾，分別有一件長袍，以及一頂魔法帽。著起長袍嘅 Duffy，睇落幾有型！

來自 反斗奇兵3 的 Peas-In-A-Pod!

配合 香港迪士尼樂園 反斗奇兵大本營 開幕，OK便利店推出特別推廣，送出不同有關 反斗奇兵3 的獎品！當中有部份獎品係不同款式嘅派對碟，而我終於都抽到一隻啦！我揀嘅款式係 Peas-In-A-Pod 豆豆！自從睇完套戲之後，我就已經覺得佢地好得意啦！

樂園事物仔細尋 - 神秘的仙人掌

響 香港迪士尼樂園 入面，如果仔細啲觀察唔同嘅事物的話，可能會有好多有趣新奇既發現架！既然係咁，我就將我嘅部份小發現，放上黎同大家分享啦！

第一個小發現，係一個仙人掌圖案。唔知大家知唔知呢個圖案係響邊到出現既呢？大家應該有機會見過，未既話，依照佢背後既顏色，都可能會估到架！

香港迪士尼樂園鐵路 火車遊記...

呢幾日又再冇咩時間寫文章，就算今朝有少少時間，都上載完相就要出去補習...  隨著文憑試愈黎愈接近，我都愈黎愈忙，不斷溫書補習；入樂園玩的確可以幫我舒緩下壓力，亦已經係我現時僅有既娛樂，所以聽日都想入去輕鬆下...

講完我既野，就講返呢篇文章嘅主題，香港迪士尼樂園鐵路。去 香港迪士尼樂園 玩既話，香港迪士尼樂園鐵路 都可以算係其中一個熱門遊樂設施。坐火車，可以環繞整個樂園一周，見到唔同既野；但其實佢都有另外一面架！等我地響 美國大鎮大街車站 登上火車，開始奇妙之旅！

Duffy迪士尼小熊 過聖誕!

11月18日，除了新園區開幕之外，雪亮聖誕活動亦正式開始啦！記得上年，Duffy 就係響雪亮聖誕活動中，首次登陸 香港迪士尼樂園。我亦都慢慢鐘意左佢，而今年佢又有新搞作喎！

新園區開幕! 再次有新樂園指南登場!

先前響 反斗奇兵大本營 嘅預演日，發現樂園指南已經有顯示新園區，並註明11月18日開幕響開幕當日，再次有新嘅樂園指南登場，標誌著新園區已經隆重啟用啦！今期嘅樂園指南，封面上面有 胡迪 Woody 騎住咗 紅心 Bullseye，擺出威風嘅樣子。

反斗奇兵大本營 夜景!

響11月18日，反斗奇兵大本營 正式開幕啦！當日入左樂園諗住玩餐飽，點知好多人，冇玩到新嘅遊樂設施...  不過唔緊要，來日方長，總有機會嘅！雖然冇得玩，不過我都影左啲夜景相片返黎！入夜後，入口既 胡迪 依然展露笑容，歡迎大家來臨。

2011年11月18日 一個奇妙的日子!

呢篇文章係特別用黎見證2011年11月18日嘅來臨，反斗奇兵大本營 正式開幕！

期待已久! 反斗奇兵大本營 隆重開幕!

聽日就係11月18日，香港迪士尼樂園新園區 反斗奇兵大本營 將會正式開幕！由於聽日要早起身，今晚要早啲訓，所以早少少更新倒數圖。我亦都已經預備左另一篇文章，設定發表時間11月18日00:00，以紀念呢個重要嘅日子！

反斗奇兵大本營 現實與模型...

仲有兩日咋！兩日後，就開幕啦！真係由宣佈擴建果一刻期待到而家啊！今次想同大家比較下園區嘅真實面貌同埋設計模型有咩出入。以下嘅設計草稿同模型，都係響樂園入面既 動畫藝術廊 影嘅，應該好多人都睇過...

聖誕節快將來臨, Duffy迪士尼小熊 又換衫啦!

之前幾日太累，所以冇寫到新文章...  今日有返多少少時間，就寫下啦！我真係好鐘意聖誕節，個感覺實在太好啦！響期待著 反斗奇兵大本營 開幕嘅同時，我都好期待雪亮聖誕活動。雖然仲有成個月先到聖誕節，但活動都會響11月18號同步開始，就連 Duffy 都忍唔住要換衫！之前響樂園已經買左今年嘅 Duffy 聖誕衫。唉，我覺得上年果套靚啲，可惜上年冇買到...

可愛得意的 小熊維尼 Winnie the Pooh!

再同大家分享一下關於我自己嘅事啦！除咗 Duffy迪士尼小熊 之外，我亦都好鐘意 Pooh小熊維尼 架！我一直都好鐘意佢，直到上年聖誕節 Duffy 來臨 香港迪士尼樂園 之後，我先再鐘意埋可愛嘅 Duffy，唔知我係唔係對熊仔情有獨鍾呢？而響2010年既暑假，我、爸媽、Pooh 一齊去咗日本旅行！以下同大家分享一啲相片啦！

全新背景, 迎接 反斗奇兵大本營 開心降臨!

得返最後四日，四日咋！響愈黎愈緊張嘅同時，我亦都更新左呢個網誌嘅介面主題！當然，係以 反斗奇兵大本營 做主題啦！新嘅主題圖片，分別有 胡迪、彈弓狗 同埋 泡泡龍。

一個溫暖的節日又再將要來臨了...

聖誕節快要來臨了，再一次為整個樂園帶來溫馨的節日氣氛。雖然身處在冬日之中，這個節日卻為我送上無窮的溫暖，亦因此而令我愛上了它。原來的夢幻王國已經充滿美妙的景物，但這節日令到這裡變得更加璀璨奪目。

迪士尼黑色世界2011: Duffy迪士尼小熊

響黑色世界活動嘅時候，Duffy迪士尼小熊 亦都穿上南瓜造型服同大家見面！同商店發售俾 Duffy小熊 穿著嘅係一樣款式！而 Duffy 返入後台嘅時候，都有好多人圍住佢！可見佢的確係人氣爆燈！能夠響樂園遇上自己喜愛嘅 迪士尼朋友，好開心啊！期待遲啲可以見到穿著聖誕裝嘅 Duffy！

Duffy:「Good Morning!」

今日係2011年11月11日，真係一個特別既日子！咁啱今日又唔洗返學，而家玩一陣，一陣就要去溫書啦...  呢篇文章只係特別用作紀念2011年11月11日11:11，其實冇咩特別內容；既然冇咩野好講，就放張相上黎同大家分享下啦！

迪士尼黑色世界2011: 夜光鬼魅巡遊

其實 阿積 Jack 都有不少粉絲，而我都係其中一個！每次睇夜光鬼魅巡遊，見到佢帶頭行出黎，都真係幾興奮架！當佢正式出到黎，燈光亦會慢慢亮起！「萬聖節快樂！」南瓜王為大家送上祝賀。響花車後面，就有幾位南瓜人守護著 阿積！佢地一齊響到跳舞慶祝！

踏入最後一星期, 原來新園區開幕早有預告?!

日子一日一日咁過去，話咁快，距離 反斗奇兵大本營 只係剩返一個星期咋！呢排，我無意中發現咗一樣好特別嘅事；原來新園區開幕早於上年年尾就已經有預告？響樂園未有透露實際開幕日期之前，大家都認為會響今年秋季開幕，但真正既開幕月份都唔係太清楚...

反斗奇兵大本營 遊樂設施 - 衝天遙控車!

11月6日嘅 反斗奇兵大本營 預演日真係影左好多相返黎，之前放左小部份上黎；而家就等我將更多相片放上黎啦！今日同大家分享嘅係 衝天遙控車！

新樂園指南登場! 反斗奇兵大本營 首次出現!

尋日去樂園試玩 反斗奇兵大本營，發現樂園指南都更新左，並且首次出現 反斗奇兵大本營！今期樂園指南嘅主角，就係來自《反斗奇兵》嘅 翠絲 Jessie！

反斗奇兵大本營 奇妙處處通會員預演日 小回顧!

今日去左 反斗奇兵大本營 既預演日，同大家簡單分享下今日既野啦！我今朝特別一早入去，預左玩成日。其實好似冇試過真係由開門玩到關門...  哈哈，今日雖然玩到好累，但係好滿足啊！仲影左六百幾張相返黎！

Tho's Dreams 頁面圖片更新!

今日去完樂園玩，影左好多新相，所以順便更新埋網誌頁面嘅標題圖片。今次改左 美國小鎮大街 張相同埋將 反斗奇兵大本營 張相由之前嘅官方圖片轉做我自己影嘅圖片。

Duffy迪士尼小熊 都換上新裝, 期待著新園區的來臨!

前幾日，Duffy 由南瓜服裝換返休閒裝...  而隨住新園區既開幕日愈黎愈近，Duffy亦決定換上新裝，迎接 反斗奇兵大本營 嘅來臨！今次，佢已經換上 胡迪警長服飾，同我一齊期待開幕日逐漸靠近！

最後兩週倒數, 新園區網頁正式登場!

尋日，反斗奇兵大本營 終於踏入兩週倒數，真係令人愈來愈期待！樂園網頁亦已經於尋日更新新園區主題頁面；睇到入面嘅資料，令我更加興奮！頁面內有詳細介紹三個新遊樂設施既資料，真係好想快啲有得玩啊！

Duffy的新朋友即將降臨 香港迪士尼樂園?

今日，香港迪士尼樂園 嘅網站已經正式開放 反斗奇兵大本營 以及 雪亮聖誕 的活動資訊頁。唔知大家有冇發現到，有一樣比較特別嘅描述喎！有關 Duffy迪士尼小熊 嘅描述當中，指出佢將會有新朋友黎到樂園！

迪士尼黑色世界2011: 斷頭騎士驚心出巡

今年嘅黑色世界活動經已完滿結束，就等我同大家分享今年影返黎既相啦！今次首先分享有 斷頭騎士驚心出巡！有工人走出黎欄杆，代表著斷頭騎士即將現身啦！

Duffy:「再見萬聖節!」

今年 迪士尼黑色世界2011，園方為 Duffy迪士尼小熊 推出咗一套南瓜造型服飾。幾日前，仲係萬聖節既時候，我嘅 Duffy小熊 就穿著佢嘅南瓜造型服，開心地慶祝！相信佢都好鍾意響萬聖節嘅時候玩！

Tho's Dreams 嶄新登場!

已經有一段長時間沒有寫Blog了... 最近又再次想將自己的感受與不同的人分享，所以就想重新開始寫Blog， 開設Tho's Dreams！我相信，擁有一個夢想並讓它實現，是生命中一件最美好的事！其實我是一個長不大的男孩，喜愛迪士尼樂園，並擁有著創造魔法的夢想！就讓我分享自己的尋夢歷程！希望大家會感興趣吧！