《幸福‧童話》美味之章 - 悠閒環境中的品味

《幸福‧童話》故事黎到第八個章節，終於都寫到去一半啦！呢個章節將會同美食有關！不過，假如要我自己揀幾個吸引力較低嘅章節，呢個應該會係其中一個，同埋呢篇亦都比較短...  但係短都有好處嘅，就係唔洗寫得咁辛苦，哈哈！點都好啦，而家就為大家送上 美味之章！

---

食物，是生命中不可或缺的東西。
可惜的是，在平常的生活，我們往往只可以倉促地用餐，然後便繼續自己的工作。
能夠在寧靜悠閒的環境之中，坐下來細味每一樣美味的食品，或許也是一件賞心樂事...

更多迷離珍藏品, 大開奇幻眼界!

時間的確過得好快，迷離莊園 已經開幕超過兩個月啦！唔知大家展開過幾多次奇幻歷程呢？我真係好鍾意呢個園區，無論係故事、佈置、遊樂體驗、氣氛，全部都做得好好！呢位 迷離莊園 小Fans，先前好幸運地獲得兩樣非常珍貴嘅珍藏品！今晚就想同大家分享一下！

《幸福‧童話》Tho's Dreams 幸福童話集點器 正式啟動!

《幸福‧童話》故事嘅新一個章節正在趕工，但係尋覓童話嘅故事已經悄悄地有咗新嘅進展！唔知大家響今日下午入黎 Tho's Dreams 嘅時候，有冇發現到最頂端嘅標題圖片突然唔同咗呢？新嘅標題圖片顯示咗一頂好靚嘅 米奇魔法帽，同時間，下面亦都出現咗一啲 米奇汽球！

《幸福‧童話》深谷之章 - 地獄谷野猿公苑

重新振作！《幸福‧童話》故事需要全速前進！因為我真係怕暑假完結都未講完日本嘅野...  上一個章節，男孩就去咗牧場睇動物，黎到第七個章節，佢又去咗另一個地方睇動物呢！深谷之章 將會講述男孩去到山谷之中，探訪住響嗰到嘅一群猴子！而家繼續去尋覓童話啦！

---

深入山谷之中，遠離人煙，只見動物們愉悅地生活；
究竟世界上還有多少個這樣的樂土呢？人們不斷尋找，卻找不到幾多個...
這天，喜愛寧靜的男孩來到了其中的一個，繼續感受自然，延續他的童話...

向左! 向右! 性格不合卻相連在一起!

去咗樂園登記入學，去咗戲院上堂，又參觀埋校園...  不過，怪獸大學 嘅熱潮並未就此完結！今晚就想同大家去睇下樂園裡面所售賣嘅怪獸商品！我上次入樂園玩都有唔少收穫呢！

《幸福‧童話》牧童之章 - 伊香保Green牧場

去到第六個章節啦！今次，男孩將會化身成牧童，響牧場裡面遊走，遇上好多不同嘅動物！話時話，《幸福‧童話》總共會有幾多個章節呢？其實我一開始寫呢個故事嗰陣都冇特別計劃到。剛剛睇返整個行程，我已經預計到有幾多個章節啦！暫時希望可以響八月第一個星期完結到啦！

---

活在地球上，人類有許多不同種類的動物陪伴著我們，也是我們不可或缺的伙伴。
能夠有一群可愛的動物與我們一起生活，確是一件美好的事情。
這一天，男孩將要化身成為牧童，在牧場內尋覓小動物，編寫一個新的童話...

樂園事物仔細尋 - 奇幻海報 迷離現身!

先前分別有兩篇「事物仔細尋」以及「想像‧帶動魔法」文章介紹過展示樂園海報嘅背景故事。而我尋日入園嗰陣，竟然有一個特別發現！就係失驚無神有全新嘅樂園海報出現咗！

香港迪士尼樂園 最新一齣上映嘅「電影」，當然就係剛剛響五月開幕嘅全新園區：迷離莊園！園方已經響不知不覺間，將呢個主題園區嘅海報刊登於樂園正門入口嘅火車橋底！

怪獸大學 校舍參觀: 認識新的怪獸朋友!

上星期五除咗去咗戲院上堂之外，我仲特別去咗 怪獸大學 位於銅鑼灣嘅校舍，探索一下！剛剛睇完齣戲就即刻去到實景現場，好似進入咗電影裡面嘅世界，呢種感覺好得意！

開始參觀校舍啦！一黎到門口，可以見到大大個 怪獸大學 Monsters University 嘅招牌！

《幸福‧童話》和風之章 - 伊香保溫泉鄉

隔咗一個星期，《幸福‧童話》旅程故事返黎同大家見面啦！而家已經去到第五個章節！上次就講到男孩入住充滿和式風格嘅旅館，而呢個有關和風嘅童話將會響呢個章節延續落去！事不延遲，即刻就為大家送上 和風之章：一個發生於寧靜溫泉鄉嘅童話故事！

---

男孩經常來到這個國家旅行，是因為他的確非常喜愛這裡。
撇開先進的大都市、盛載歡欣的樂園，這裡的文化、傳統風格也一直深深吸引著他。
他曾經到過了許多不同的溫泉鄉，每一個也帶有濃厚的和式風格，充滿味道；
然而，每次去到一個新的鄉鎮，儘管風格都是差不多，周圍的景色卻給他一種新鮮感...

灰熊山谷 開幕一週年!

2012年7月14日，香港迪士尼樂園 第二個擴建園區 灰熊山谷 正式開幕！今日係佢嘅一歲生日啊！響過去嘅一年間，我都響 灰熊山谷 入面經歷過好多奇妙嘅時刻，就等我趁住今日回顧一下！

怪獸大學 課堂心得: 堅持自己的夢想!

《怪獸大學》已經響7月11日正式上映啦！各位怪獸Fans係唔係第一時間衝咗去戲院上堂呢？我尋日朝早亦去咗上堂啦！睇完之後，我對呢個課堂都有少少睇法，而家就同大家分享一下啦！

樂園事物仔細尋 - 黑夜之中的城堡道別

呢排好似成日都講日本嘅野，今日就暫且返一返香港，講返一樣 香港迪士尼樂園 嘅野啦！呢篇文章本身的確係預咗尋晚出，但係我整黎整去都嵌入唔到影片...  而家終於都搞得掂啦！冇錯，我預告中所提及到嘅全新表示方式，就係影片！以下將會有兩段片段俾大家睇！

「樂園事物仔細尋」今次黎到一個大家都非常熟悉嘅標誌性景點：睡公主城堡！過往所分享嘅事物，通常都係固定響到，幾時去睇都得，不過呢個就要響指定時間先有得睇！吓？指定時間？莫非係講緊煙花表演？當然唔係，「仔細尋」唔會講啲所有人都知道嘅野啦！睇煙花就要等到去樂園開放時間結束先有得睇，而呢一個情景，就需要更有恆心先睇得到！唔知大家平時睇完煙花會做啲咩呢？即刻走入商店掃貨？即刻衝去搭車唔想同咁多人逼？但假如你留響城堡前面，佢就會俾一個特別驚喜你！好！而家去片啦！

     

Tho's Dreams 堅持原創!

響呢個晚上，不同嘅 迪士尼 博客都相繼響自己網誌上提及有關被抄襲以及被跟風嘅事宜；而尋晚與好友Blogger討論嘅時候，竟然發現 Tho's Dreams 嘅內容都有同樣嘅遭遇！

愛上 Oswald幸運兔子... 三位新的家族成員!

尋日《幸福‧童話》故事就提及新朋友 Oswald幸運兔子 加入咗我地嘅幸福童話之旅！但其實除咗嗰隻 Oswald 毛公仔之外，響其後嘅旅程我都買咗另一啲 Oswald 相關商品！既然講開呢隻兔仔，就等我分享埋呢幾樣戰利品啦！

《幸福‧童話》友誼之章 - 新朋友加入幸福童話之旅

都話會有驚喜架啦，嘿嘿！《幸福‧童話》話咁快就有新一個章節！已經去到第四個章節啦！之前嘅兩個章節就講到男孩響一日內分別去咗兩間博物館參觀，但係佢仲有一項重要任務！就係要幫自己嘅小熊搵新朋友！究竟呢位新朋友係邊個呢？相信大家都已經知道了...

---

一直以來，男孩都視小熊為他的好朋友；
帶著歡樂和幸運的小熊，以及愛吃蜜糖的小熊，全都得到了他的寵愛。
不知道從何時開始，男孩認識了一隻兔子；
隨著更深一層的了解，他慢慢也喜歡了這隻兔子。
於是，在旅程開始之前，男孩已經決定要為自己、為自己的小熊，帶來一位新朋友。

《幸福‧童話》未來之章 - 藤子‧F‧不二雄博物館

《幸福‧童話》第三個章節新鮮出爐！故事將會講到男孩去咗尋覓一個關於未來嘅童話！之前話過會作出補償，其實係諗住儘可能加快發表新章節，不過暫時都仲係出得比較慢...  但係，大家可以多啲返黎 Tho's Dreams 睇下，或者終有一次會有特別驚喜，哈哈！

另一方面，唔知大家留唔留意到，前日有一個新嘅分類出現咗呢？就係「商品」分類！除咗繼續寫故事，我亦會陸續分享今次旅程嘅各樣戰利品！佢地真係設計得好靚！今次 東京迪士尼之旅2013 總共會有五個分類，而家已經出現咗三個，仲有兩個會係咩野呢...？

---

你有幻想過，未來的世界會是怎樣的嗎？
滿天飛碟？更先進的電腦？甚至，人類移居宇宙？
一隻來自未來的機械貓，讓所有人都見識到未來的技術；
你與我也一定會聽過他的名字，而這一天，男孩去了拜訪他...

申請入學! 正式成為怪獸大學生!

轉眼間，樂園裡面嘅 招收怪獸大學生 活動經已開始咗超過兩個星期，你地申請入學未啊？剛剛過去嘅星期日，我終於完成申請入學，正式成為 怪獸大學 嘅學生啦！仲拎咗兩張學生證添！

2013七月份焦點迪士尼朋友 - Sulley & Mike

踏入七月，相信學生們開始放暑假啦！但係唔好唔記得，今個夏日有得返 怪獸大學 啊！為配合電影《怪獸大學》響7月11日上映，我就專登揀咗 毛毛、大眼仔 成為今個月嘅焦點！