重新尋回錯失了的幸福歡樂 - Duffy篇!

正當我同 Duffy 響園內玩緊嘅時候，我經已預先準備好一篇關於 Duffy迪士尼小熊 嘅文章！呢篇亦都係最後一篇 東京迪士尼之旅2013「重新尋回錯失了的幸福歡樂」嘅相關文章！

我曾經將 東京迪士尼海洋 稱為「Duffy 聖地」，然而，上年到訪呢個樂園嗰陣只得半日時間...  唔夠時間，惟有匆忙地遊覽樂園，作為 Duffy 粉絲嘅我，只好無奈地放棄部份同 Duffy 有關嘅項目...  同時，雖然帶咗兩隻 Duffy 小熊同我去玩，但係響渡假區內兩大主題樂園都冇咩同佢地影相... 

重新尋回錯失了的幸福歡樂 - 表演篇!

今晚繼續有 東京迪士尼之旅2013「重新尋回錯失了的幸福歡樂」嘅相關文章！上年除咗唔夠時間玩之外，其實都唔係咁好彩，遊覽 東京迪士尼樂園 嘅嗰一日咁啱遇著下雨天...  時間緊迫再加上天氣問題，令我錯過咗好多精彩嘅表演，所以我今年嘅另一個願望就係要睇返哂！

不如先講下 東京迪士尼海洋 嘅娛樂表演啦！園內廣闊嘅「海洋」，同時亦係一個表演舞台！每一日都會有不同嘅表演都會響海面上演，當中我最感興趣嘅，就係夜間表演 Fantasmic！魔法師米奇 施展魔法，配合燈光、水舞、煙火效果，場面非常壯觀！呢次到訪必定要欣賞一下！

重新尋回錯失了的幸福歡樂 - 美食篇!

呢幾日突然間又好似冇咩好寫咁...  既然係咁，不如繼續講下我非常期待嘅 東京迪士尼之旅2013！上年因為種種原因 ( 最主要係因為唔夠時間 )，響 東京迪士尼渡假區 裡面都錯過咗唔少精彩嘅野。再有機會去到兩大主題樂園玩，時間亦比起上年充裕得多，我當然唔可以俾自己再錯過咁多野！

詳細研究過渡假區官方網站，發現原來我真係有好多野都忽略咗，而其中一樣就係：園內美食！回想起上一年，當時我自己一個人響 東京迪士尼樂園，只係求其搵啲野落肚，食少少就繼續去玩...  但咁樣係大錯特錯架！因為園內其實有多款美食，非常吸引！一場黎到，梗係要趁機品嚐一下！

延續回憶的相簿, 感受每張相片的故事...

曾經都同大家分享過，響我心目中，每張相片裡面都存在著一個故事，一個記載著回憶嘅故事；翻開一本屬於自己嘅相簿，就好似睇緊一本故事書，令人回想過去嘅經歷...

響不知不覺間，2013年已經過咗三份之一，唔知大家響過去嘅幾個月有冇一啲深刻嘅經歷呢？上年我製作咗第一本屬於自己嘅相簿，今年將會延續落去！我早前就已經買咗一本新嘅2013相簿！

黑夜中探訪 迷離大宅, 奇幻之旅率先展開!

上星期正式公佈 迷離莊園 開幕日期之後，呢個新園區嘅試玩亦都已經隨即響星期日開始！我好幸運地可以響嗰一晚首次探訪 亨利爵士 嘅家園！等咗四年咁耐，終於都可以暢遊呢個園區！

體驗 地球日 活動, 學會愛護我們的地球!

徽章交換同樂日 完結後，響 迪士尼星級款待 期間，園內都仲有一個小型活動舉行，就係 地球日！地球日 被定於每年嘅4月22日，目的係要向大眾宣揚環保，提醒大家要好好愛護屬於我地嘅地球！今日就係一年一度嘅 地球日，就等我同大家分享一下樂園裡面嘅 地球日 活動啦！

尋日，當我行緊去 灰熊山谷 嘅時候，突然見到兩個唔係咁常見嘅面孔，有兩隻螞蟻出現咗！原來係黎自電影《蟲蟲特工隊》嘅 阿飛、雅婷公主，佢地趁 地球日 出黎同大家見面！其實應該仲有幾位平日比較少見嘅 迪士尼朋友 出咗黎，不過我尋日就未有遇上佢地。

惡夢完結 - 迷離莊園 預演日抽獎

迷離莊園 預演日抽獎公佈結果啦，最後都被抽中咗，惡夢終於完結，可以去參加預演日...  不過我始終覺得，有咗 灰熊山谷 嘅經驗之後，園方都一意孤行再搞多次抽獎，係一件幾可悲嘅事...  但我響續會嘅時候亦都會遵照返自己之前嘅決定；然而，現階段我對園方依然期望不大...

每論如何，我都愛呢個樂園，好希望呢個樂園可以慢慢進步，期望佢可以茁壯地成長落去...  都係唔諗咁多啦！而家就等我繼續期待預演日嘅來臨，繼續期待踏進 迷離莊園 嘅一刻！

迷離莊園 將於5月17日開幕! 齊來展開奇幻歷程!

最新報導指出，香港迪士尼樂園 全新主題園區 迷離莊園，將於2013年5月17日隆重開幕！等咗咁耐，終於都知道最後一個擴建園區嘅開幕日期！好快就可以入去一探究竟，好期待啊！

東京迪士尼樂園 開幕三十週年! 幸福歡樂正式啟動!

今日係2013年4月15日，三十年前嘅今日，第一座響美國以外嘅 迪士尼樂園 隆重開幕！就係 東京迪士尼樂園 啦！相信日本嘅Fans們等呢日等咗好耐啦！今日終於都黎到呢個大日子！

首次參與 徽章交換同樂日, 熱鬧氣氛無間斷!

一連三日嘅 徽章交換同樂日2013 已經完滿結束啦！尋日係我第一次參與呢個咁有意義嘅活動！幻想世界 嘅角落突然變得非常熱鬧，果然係「同樂日」！而家就等我同大家分享下我所遇到嘅事！

想像‧創造魔法 - 詭異 迷離 世界各地的迪士尼大宅

迷離莊園 好快就會隆重開幕啦！但講起 迷離大宅，你又會諗起邊一個 迪士尼 經典遊樂設施呢？想像‧創造魔法 呢個新類型嘅文章第一次同大家見面，而今次嘅主題亦同 迷離大宅 有密切關係！我所講緊嘅，就係 幽靈公館 Haunted Mansion！相信大家都一定有聽過呢個名字！

世界上首個 幽靈公館 座落於加洲嘅 迪士尼樂園 Disneyland Park，係響1969年開幕嘅。數數手指，原來呢個遊樂設施已經有超過四十年歷史！果然係一個 迪士尼 經典！

徽章狂熱! 為徽章交換同樂日作好準備!

聽日，一連三日嘅 徽章交換同樂日2013 將會正式開始！我將會響星期日入園參與今次活動！上年暑假開始咗儲徽章嘅小嗜好之後，不知不覺間已經儲咗好多徽章！( 都唔知係好事定壞事... ) 參與活動之前，當然要準備一啲徽章攞去交換啦，而我都特別趁呢個機會檢視自己嘅所有徽章！

我嘅徽章都有好幾個類別，而第一類就係 迪士尼朋友！一定唔少得我最愛嘅 Duffy迪士尼小熊 啦！

復活節特別故事 -《尋回失落的節日》最終章

上次講到，當 米奇 尋找一隻兔仔嘅資料嗰陣，嗰隻兔仔竟然響黑白動畫之中跳咗出黎！究竟呢隻兔仔會同 米奇講 啲咩呢？而 米奇 又能唔能夠成功尋回失落的節日呢？請欣賞最終章！

---

「你終於都來了...」

「你... 你是... 你是誰...？」我逐步退後，同時詢問前面的兔子。

「哼，你連復活節也忘記了，又怎會記起我是誰！」他不屑地回答。

「復活節？那是甚麼？你究竟是誰？」我心中的謎團愈來愈解不清。

「我是 Oswald幸運兔子！沒有我的話，你就不會來到這個世上！」

我摸不著頭腦，我不明白他的話，他看到我充滿疑惑的樣子，就繼續說了下去：

「我們都是來自 華特迪士尼先生 的筆下，但我卻不幸地被人搶走了，之後他就創作了你...」

「難怪我們的樣子那麼相似，出生年份又那麼相近...」我開始慢慢明白了。

「哼！你的一切原本也是屬於我的！假如我是這個樂園的主角，一切都會更好！」

「現在的樂園，每位賓客都面帶笑容，享受我們送上的奇妙，難道這樣不好嗎？」

「哼，但是沒有一種充滿活力的歡樂氣氛呢！起碼我不會連復活節也忘記得一乾二淨！」

澳門精彩遊 - 從輝煌到沉沒: 鐵達尼號展覽館

終於都寫埋最後一篇關於澳門之旅嘅文章，就係令我最深刻嘅 鐵達尼號100週年紀念展覽館！其實原本唔係咁遲先出嘅，不過呢篇文章比較長，我都要再睇多少少背景資料，所以拖耐咗啲。

復活節特別故事 -《尋回失落的節日》第三章

好啦！去到《尋回失落的節日》故事嘅最後兩個章節啦！( 雖然復活節都已經過咗成個星期 -_- ) 上次，米奇 發現時間表上出現咗一隻佢從未見過嘅兔子，佢會用咩方法去尋找佢嘅真實身份呢？而當佢知道呢隻兔仔係邊個嘅時候，又會有咩事發生？會唔會用失落嘅節日有關？請繼續欣賞！

---

「Oswald，1937年」時間表上這樣寫著；1937年？豈不是還要比我早一年出世嗎？

我倆的出生年份這麼相近，樣貌又這麼相似，難道我們真的有甚麼淵源嗎？

這一刻，我經已忘記尋回失落節日的任務，看來，拆解這隻神秘兔子的身份較為重要吧...

究竟這隻兔子為甚麼會在我的樂園裡面出現？為了解決這個疑問，這次我來到了大街的盡頭。

將旅程升級! 締造多姿多采的幸福歡樂之旅!

幾日前慶祝500篇文章之餘，我亦宣佈咗一個好突然嘅決定，就係由加洲改去 東京迪士尼渡假區！有咗呢個決定之後，我嘅心情竟然變得更興奮！可想而知，東京迪士尼渡假區 嘅威力究竟有幾強！

但係，上年去過，點先可以令今次旅程更加難忘？返到黎又可以點樣寫一啲同上次唔同嘅文章呢？所以，我要將 東京迪士尼之旅2013 嘅旅程升級，締造一個多姿多采嘅幸福歡樂之旅！

Tho's Dreams 500篇文章 延續奇妙!

上星期放咗張 香港迪士尼樂園 五週年 嗰陣嘅圖片，其實係寓意緊 Tho's Dreams 第500篇文章！今日，呢個Blog終於累積咗500篇文章，又係一個里程碑！當然都要再次感謝各位網友嘅支持！距離上次300篇文章好似隔咗一段幾長嘅時間，可能係因為多咗更新文章，而唔係開過一篇新嘅；不過點都好，最重要係能夠同大家分享我所遇到嘅事、我嘅感受、我嘅夢想，以及 迪士尼 嘅奇妙！

復活節特別故事 - 《尋回失落的節日》第二章

第二章本身係話尋日出嘅，但因為掛住整另外兩篇文章，搞到最後冇寫到故事，抱歉...  上次就講到，我地熟悉嘅 米奇老鼠，突然有一種失落感，佢覺得樂園好似缺少咗一種歡樂氣氛；故事發展落去，究竟 米奇 會點樣尋找失去了嘅歡樂呢？請繼續欣賞《尋回失落的節日》第二章！

---

我想不透，究竟這個樂園缺少了甚麼？我記不清，究竟以往歡樂的情景是從何而來？
我決定要尋回那遺忘了的歡欣。

離開了大街，我想去到園內各處，看看有沒有任何事物能夠勾起我的回憶。
我沿著廣闊的大道走進去，深入其他主題園區；
每一天，我在這裡帶領所有賓客翱翔天際，飛躍奇妙。
的確，在天空中飛翔的一刻，所有人都掛著發自內心的微笑，但我仍是回想著過去...
在記憶之中，那時的節奏更加強勁，大家都活潑地跳動；我就是要尋回那種感覺...

2013四月份焦點迪士尼朋友 - Jiminy Cricket

又過咗一個月，又到另一個月嘅開始！黎到4月，今個月嘅焦點 迪士尼朋友 就係：蟋蟀占美尼！點解今個月會搵佢做主角呢？大家記唔記得，每年嘅4月22日，係咩日子呢？就係 地球日 啦！園方往往都會用 蟋蟀占美尼 黎代表環保，所以今個月就揀咗佢做焦點！

響月曆上面，我都已經標誌咗4月22日為 地球日；唔知今年，園方會舉辦啲咩活動呢？順帶一提，今年 地球日 係 華特迪士尼世界 動物王國 Animal Kingdom 嘅十五週年！恭喜哂！除咗 地球日 之外，4月12-14日仲有 徽章交換同樂日！大家記住到時帶埋自己嘅徽章入園參與啦！

又到了4月1日, 祝大家愚人節快樂! :P

嘩！剛剛上一上樂園官網，竟然俾我發現，原來園方今日經已啟動 迷離莊園 頁面！頁面中更加顯示 迷離莊園 將會於5月4日開幕！今日係倒數33日！好快就到啦！好興奮啊！除咗開始倒數之外，網頁亦有公佈 迷離大宅、奇幻庭園、探險家俱樂部、紀念品等詳細資料！大家都快啲去 香港迪士尼樂園 官方網站 睇下，進一步認識呢一個快將開幕嘅主題園區啦！