見證聖誕樹重拾光采, 實現心底裡的聖誕願望!

今晚係除夕夜，2013年將要完結，唔知你會選擇響邊到迎接新嘅一年呢？不論響邊到倒數，相信今晚都必然會係一個美麗嘅晚上！講到美麗嘅晚上，響 迪士尼雪亮聖誕2013 活動期間，香港迪士尼樂園 嘅每個晚上都變得格外幻麗！因為入夜之後，美國小鎮大街 將會上演一個閃耀璀璨嘅聖誕節亮燈儀式：大街閃雪亮燈！

Fantasmic!: 憑著想像力施展魔法!

又試好耐都冇出過 東京迪士尼之旅2013 嘅文章，對上一篇已經係好耐之前...  繼續落去的話，可能真係下年再去嗰陣都未寫完...  希望唔會啦！呢一篇文章將會同大家繼續留響 東京迪士尼海洋，分享佢地嘅大型夜間表演：Fantasmic!

樂園探索處處尋 - Mission 3 - 白點

各位讀者聖誕快樂，「樂園探索處處尋」今日再次登場，大派聖誕禮物！其實係咁嘅，唔知係唔係因為我出題依然係太難，最後都係冇咩特務成功完成任務，所以上次嘅任務獎勵係有剩嘅...  於是，為咗送出所有聖誕卡，我決定再出多一個新任務，而今次我亦都有再進一步降低任務難度！究竟，呢三粒白點係黎自邊到嘅呢？

欣賞獨特的聖誕樹, 感受歡樂聖誕氣氛!

平安夜嘅早上，為大家送上一棵非常特別嘅聖誕樹！之前就分享過，香港迪士尼樂園、海港城 合作設計咗一個大型聖誕佈置，開放後更加成為城中熱點，吸引咗好多人去參觀；但原來商場入面都有得意野睇，就係一棵與別不同嘅聖誕樹！

樂園探索處處尋 - Mission 2 - 馬車旅者

「樂園探索處處尋」又黎啦！其實上一次出題係唔係太深？到最後都冇咩人成功完成任務...  既然係咁，今次我就降低少少難度啦！各位樂園特務，你知道呢架馬車黎自邊到嗎？

Tho's Dreams 約定你過一個幻麗的雪亮聖誕!

歡樂嘅節日愈黎愈近，你準備好過聖誕節未呢？Tho's Dreams 亦都係時候要換上全新主題背景，同大家一齊過一個幻麗嘅雪亮聖誕！今次設計全新主題，我首選嘅相片係位於樂園中央廣場嘅 米奇、米妮、唐老鴨、黛絲 雕像！

Duffy迪士尼小熊 陪伴我走過三年歲月!

Duffy迪士尼小熊 係響2010年嘅 迪士尼雪亮聖誕 活動正式登陸 香港迪士尼樂園 ( 我好似已經講過好多次... )，當時我見到呢隻咁可愛嘅熊仔，慢慢就鍾意咗佢！估唔到，話咁快就過咗三年啦！

響呢三年間，屬於我自己嘅 Duffy家族 不斷擴大，去到而家已經有18位成員！佢地每一隻小熊每一日都陪伴著我，為我帶黎歡樂、幸運，響我嘅生活中扮演著非常重要嘅角色！

2013十二月份焦點迪士尼朋友 - Winnie the Pooh, Tigger, Piglet & Eeyore

黎到全年嘅最後一個月啦！十二月，天氣開始轉冷，聖誕節亦都快將來臨，你準備好渡過佳節未呢？今個月嘅焦點 迪士尼朋友 月曆，用聖誕節做主題，大家都應該唔會有異議吧！而今次亦係焦點 迪士尼朋友 月曆推出以黎，有最多 迪士尼朋友 同時成為焦點嘅一次，一共有四位呢！佢地就係黎自《Winnie the Pooh》系列嘅 Pooh、Tigger、Piglet 以及 Eeyore！

佢地四個響漫天飛雪之下，正在準備一棵聖誕樹！咦，但係呢棵聖誕樹好似同我地平時嗰啲有少少唔同喎...  咁又令我諗起響園內正在上演嘅 灰熊手偶劇場，熊寶寶 同樣擁有一棵獨一無二嘅聖誕樹！其實，聖誕樹係唔係同平時一樣都唔緊要啦，最重要係佢所盛載嘅意義！

夜光鬼魅巡遊: 詭秘艷麗的萬聖節派對

聖誕節都就到啦喎，做咩又講返萬聖節嘅野？之前就同大家講過，其實我仲有幾篇有關 迪士尼黑色世界2013 嘅文章未出，但係我又係拖咗勁耐先至開始寫...  而第一篇相關文章就係呢篇 夜光鬼魅巡遊 特集！

呢個巡遊不經不覺已經陪伴我地渡過咗好多年嘅萬聖節，不過聽聞2013年會係佢最後一次出場，因為由下年開始佢就要讓路俾全新嘅夜間巡遊！既然要同佢講再見，所以我響今年都特別落力去影相！而家，就同大家分享一下我嘅相片特集啦！

有趣的戲偶劇場, 為你呈獻獨特的聖誕故事!

迪士尼雪亮聖誕2013 就黎開始咗兩個星期，大家入咗樂園體驗未呢？今年嘅活動項目大部份都同之前差唔多，都係 聖誕小鎮、迪士尼朋友 聖誕新裝、大街閃雪亮燈 等等。但同時，園方今次特別響 反斗奇兵大本營、灰熊山谷、迷離莊園 新增咗三個小型劇場，吸引咗唔少人嘅注意！咁究竟呢三個劇場嘅表演係點嘅呢？而家就同大家去睇下啦！

一起與 米奇 米妮 慶祝他們的大日子!

剛剛過去嘅星期一，2013年11月18日，係 米奇、米妮 嘅八十五週年紀念！各位 迪士尼 Fans們選擇咗用咩方式同佢地慶祝呢？我自己就選擇咗入去樂園搵佢地，哈哈！

迪士尼朋友 穿上華麗亮紫新裝, 約定你在 聖誕小鎮 見面!

迪士尼雪亮聖誕2013 活動開始，一眾 迪士尼朋友 穿上聖誕新裝，響 聖誕小鎮 嘅不同角落期待著你嘅來臨！聖誕節往往都係 美國小鎮大街 全年最熱鬧嘅時份，同時亦係全年最多 迪士尼朋友 現身嘅時份！見到咁多可愛嘅 迪士尼朋友，必然可以過一個更加開心嘅聖誕節！

迪士尼雪亮聖誕2013: 走進樂園, 譜寫獨特的聖誕故事!

迪士尼雪亮聖誕2013 已經開始咗兩日，今日就首先分享一下園內佈置啦！每逢黎到聖誕，樂園都會掛滿好多好靚嘅聖誕裝飾，變得充滿聖誕氣氛，咁今年嘅裝飾又係點嘅呢？即刻同大家睇下！

從樂園出發, 米奇歡樂汽球 在城中散播聖誕歡欣!

迪士尼雪亮聖誕2013 今日就會隆重展開，你感受到聖誕氣氛逐漸變得濃厚嗎？雖然活動今日先至正式開始，但係象徵聖誕歡欣嘅 米奇頭型歡樂汽球，早前經已率先衝出樂園，去到城中與所有人一同迎接聖誕節嘅來臨！

樂園探索處處尋 - Mission 1 - 黃金甲蟲

全新主題文章「樂園探索處處尋」首次同大家見面！之前預告過，呢個新嘅文章分類將會加入互動元素，咁究竟係點樣互動呢？每當見到「樂園探索處處尋」呢個字眼，你就已經即時由一位讀者化身成為一位樂園特務，你嘅任務就係要搜尋園內嘅珍貴寶物！

每一篇「樂園探索處處尋」文章，我都會放一張相片，展示寶物嘅特徵；而各位特務就需要依照相片上面嘅線索，講出呢樣寶物響 香港迪士尼樂園 裡面嘅確實位置！只要答中就可以完成任務，並且有機會獲得獎勵！玩法就係咁簡單！

Tho's Dreams 兩週年紀念特輯 - 香港迪士尼樂園

我實在係高估咗自己揀相嘅速度，要湊夠200張相去填滿一本相簿原來係一件非常艱辛嘅任務...  其實一整年都有唔少值得留念嘅事件，安仔玩具箱 開幕、迷離莊園 開幕、迪士尼黑色世界 等等...  最後都成功將過去一年發生過嘅事用相片紀錄好！而家，就有請大家欣賞 香港迪士尼樂園 相片特輯！

Tho's Dreams 兩週年紀念特輯 - 東京迪士尼渡假區

終於都揀好相製成 東京迪士尼之旅2013 特輯！我發現揀相真係一件好痛苦嘅事，先要初步揀一啲最靚嘅出黎；但因為相簿放唔到咁多相，又要逐張逐張鑑定有冇得留低...  今年我響 東京迪士尼渡假區 買咗兩本相簿，可以曬多啲相出黎留念，唔需要不斷割愛已經好好多！好啦，而家俾大家睇下我揀咗啲咩相出黎，有部份係仲要係未響 Tho's Dreams 曝光過架！嘿嘿！

Tho's Dreams 兩週年紀念特輯 - Blog主題圖片

上次一週年，我就響同一日發表咗三篇圖片特輯，紀念一整年發生過嘅事；但黎到兩週年，好抱歉，我真係揀唔切相...  因為今年影過嘅相實在太多啦！我而家仲好努力咁揀緊，而家就先送上網誌主題圖片特輯，另外兩篇會儘快呈獻！

2013年11月3日 - Tho's Dreams 兩週年!

兩年前，2011年11月3日，一位熱愛 迪士尼 嘅男孩作出一個決定，就係想利用網誌將自己嘅所見所聞、生活點滴同所有人分享！黎到今日，呢個網誌經已黎到兩週年紀念日；再一次要感謝各位網友支持，因為你地，Tho's Dreams 響呢兩年間經已累積咗二十五萬瀏覽次數！我真係好開心，有咁多人願意睇我寫野，願意去感受我對 迪士尼 嘅愛！

Tho's Dreams 今年有一個大改變，就係逼於無奈地需要搬家...  不過唔緊要，整個搬家過程經已完成得七七八八，而家可以照樣響呢個新屋企慶祝兩週年！黎到呢個大日子，Tho's Dreams 網誌以及專頁經已換上全新兩週年背景，以 迷離莊園 做主題；因為我覺得過去一年間最深刻嘅事，正正就係呢個新園區開幕！唔知大家留唔留意到，兩週年標誌仲有一啲音樂星塵呢！

2013十一月份焦點迪士尼朋友 - Mickey Mouse

對唔住啊，我尋日真係完全唔記得咗要整 迪士尼朋友 月曆呢件事，所以最後要今日先出到呢篇文章...  唔知點解時間真係過得好快，已經黎到全年最後嘅兩個月...  咁十一月又會有咩大事發生呢？

相信各位 迪士尼 Fans都會知道，每年嘅11月18日就係 米奇老鼠 生日嘅大日子！米奇 響1928年嘅動畫短片《Steamboat Willie》首次面世，今年係佢嘅85歲生日！為咗慶祝佢嘅生日，所以今個月嘅焦點 迪士尼朋友 月曆都特別揀咗佢做主角！《Steamboat Willie》係一齣黑白動畫黎嘅，今次月曆嘅圖片係取至動畫入面其中一個非常廣為人知嘅畫面：米奇 揸住船舵駕駛蒸汽船！為配合黑白畫面，月曆都以灰色為主色，充滿樸素感！

《黑色異幻》最終章 - 白雪下的最後結局

逐漸遠離馬戲班，蝙蝠紳士降落於森林中的某個角落，並放下了冰女王。

冰女王望著自己心愛的男生，她又再猶疑，是否應該解開自己的冷酷，跟愛人說出心底話。

「我覺得自己很幸運...  因為，我找到了一位值得我相救，同時他也願意為我捨身的一個人...」

「我擁有一顆冰封的心，一直只懂把感情收藏；只有你，才可以溶化我的冰冷...」

「感謝你救了我，是你拯救了我的生命，是你讓我的生命變得不再一樣...」

最後，她選擇說了出口；而就在那一刻，她皇冠上的水晶石發出了強大的光芒。

那顆水晶石，自出生的時候便已經跟隨著艾維雅；她一直都把水晶石掛在身上。

原來，只要她解放情感，向自己所愛的人講出真心的話語，水晶石就會啟動...

奇幻異演, 不同奇人異士讓你大開眼界!

今晚係萬聖節，響到祝大家萬聖節快樂！唔知你今晚去咗邊到玩呢？我就剛剛離開咗樂園，今晚同朋友玩得好開心呢！

迪士尼黑色世界2013 話咁快就黎到最後一晚，今年眾多嘅活動項目之中，你最鍾意邊一個呢？相信，各位讀者們應該都知道我最鍾意嘅活動項目係邊一個；因為我成日都提起佢，甚至連萬聖節主題故事都係用佢做題材！冇錯，就係 黑色嘉年華「異」演！

《黑色異幻》第四章 - 危難中的捨身相救

儘管，馬戲班不斷擴張，新增了不同的附加演出；然而，沒有光采是永恆的...
日復如是，觀眾們都開始覺得這裡的表演守舊沉悶，缺乏新鮮感。
觀眾相繼離去，令黑戲班的人流持續下跌，相比起以往的盛名，現在經已變得大不如前。
看到了這樣的情況，班主攪盡腦汁，誓要為自己的馬戲班重振聲威！

「各位先生女士！準備好了嗎？為你呈獻，斷頭騎士頭顱！」班主又再大肆宣傳。
這就是他的詭計：斷頭騎士一直令人聞風喪膽，假如聲稱獲得了他的頭顱，必然會引起哄動。
果然，這個舉動吸引了所有人的注意；大家都前來一睹斷頭騎士頭顱，馬戲班再一次熱鬧起來。
一個謊言，帶來了數之不盡的觀眾；但更重要的是，這個謊言經已觸動了一個可怕的危機...

黑色的晚上, 幻想世界 迪士尼朋友鬼馬相聚!

平時響樂園入面同 迪士尼朋友 見面，通常都係響日間進行；因為去到夜晚之後，佢地就會返去後台休息，唔再出黎。但黎到一年一度嘅 迪士尼黑色世界，迪士尼朋友 終於再次響晚上出黎，響 幻想世界 舉行萬聖節派對！我當然就唔會錯過呢個咁開心嘅時刻啦！

其實之前幾次入園玩，我都有帶 小南瓜Duffy 入去一齊玩，順便同佢去探下 Duffy 大哥哥！但因為 Duffy 唔係每次都會出黎，所以係需要搏一搏運氣！而我過去幾次，都係遇唔到嘅...  最後，上個星期入去，終於見到 Duffy 啦！即時幫 小南瓜Duffy 同大哥哥影返張相先！

《黑色異幻》第三章 - 馬戲班之中的相遇

在叢林之中，架起了色彩繽紛的帳幕，響起了有趣的節奏。

「歡迎來到我的馬戲班，不同奇人異士，必定讓你大開眼界！」班主在不斷宣傳。

這位馬戲班班主，一向都致力搜尋珍奇的事物，務求呈獻於觀眾的眼前。

馬戲班內的團員，都是一些被認定為怪異的人，被世界所遺棄，然後獲得班主的招攬。

「他，高深莫測，使出神秘法術...  請歡迎，奇幻魔術師！」

「美艷動人的淑女，卻長有鬍鬚...  請歡迎，瘋鬚美人！」

「你能想像人類變成蒼蠅的樣子嗎...  請歡迎，蒼蠅小子！」

班主逐一介紹每位奇人異士，他都因為擁有這班團員而感到自豪。

每天入夜後，附近小鎮的居民都會來到欣賞表演，而每一位團員就落力地為他們提供娛樂；

很快，馬戲班走上了軌道，享譽盛名，深受觀眾讚賞。

然而，班主並沒有停頓下來，他繼續尋覓更多奇人異士，希望為馬戲班進行擴充。

他決定要開展一個新的附加演出，而這個決定，就讓兩個性格截然不同的人走在了一起...

樂園黑點, 殭屍狼人, 鬼魅巡遊, 一個完美的黑色世界晚上!

唔好意思啊，過去幾日都冇出文章...  迪士尼黑色世界2013 都快將結束啦，但係活動正式開始之後我好似都冇同大家作出分享，今晚就先出返篇同活動有關嘅文章！至於《黑色異幻》故事，我都好努力趕緊工，我會響萬聖節來臨之前寫完佢架啦！

節奏強勁的百老匯式歌劇 - Big Band Beat

我突然發現，今次去 東京迪士尼渡假區嘅四日入面，我都花咗好多時間去睇表演；而今晚就想同大家分享一個響 東京迪士尼海洋 上演嘅百老匯式歌劇 Big Band Beat！

呢個表演嘅中文譯名叫做 動感大樂團，一聽個名就知道會係一個充滿活力嘅表演！其實呢個表演係有兩位朋友響我去之前推介俾我嘅，佢地話表演期間有一幕非常精彩，所以一定要去睇下！於是，我就去咗位於 美國海濱 大都市入面嘅 百老匯音樂劇場 欣賞 Big Band Beat！

《黑色異幻》第二章 - 誕生於黑暗的男孩

「由我出生的一刻開始，我的生命就註定沒有愛...」

「我擁有一個美麗的名字，布特凡，但我寧願稱自己為『誕生於黑暗的男孩』」

「黑暗就仿如一直跟隨著我，揮之不去；這一切，要由我出生的時候開始說起...」

「我的家園是繁華的小鎮，鎮上有一個富裕的家庭，經營家族生意，過著優雅的生活。」

「在某個晚上，明月高掛，小鎮大街卻是異常地黑暗，給人一種詭異的感覺...」

「而就在這一刻，那個家庭的女主人在丈夫的陪伴下，剛誕下了一名可愛的小寶寶。」

「忽然間，一隻蝙蝠展開翅膀，在屋內盤旋；這突如其來的怪事把他們嚇了一驚；」

「但作為爸爸媽媽，他們緊抱著那個剛剛來到世上的寶寶，好好保護自己的嬰孩。」

「沒錯，被抱在懷裡的就是我，布特凡。」

阿拉伯海岸 市集中的奪寶遊戲!

繼續有 東京迪士尼海洋 嘅分享文章！今次我地又去到另一個園區：阿拉伯海岸！呢到就係 阿拉丁、茉莉公主 嘅家園！主題園區分為兩部份，其中一邊係宮殿黎嘅，不過今次暫時唔講嗰邊，先同大家去到另一邊嘅市集。

響市集呢邊嘅某個角落，有一間小商店；但嚴格黎講，其實佢又唔算係一間商店...  因為，佢主要並唔係賣野嘅，而係同大家展開奪寶遊戲！為大家介紹：Abu's Bazzar 阿布市集！

《黑色異幻》第一章 - 受冰雪詛咒的女孩

「由我出生的一刻開始，我的生命就註定只有冰冷...」

「我的名字叫做艾維雅，但我擁有另一個稱號，『受冰雪詛咒的女孩』」
「有關這個稱號的故事，要由我出生的時候開始說起...」

「我的故鄉是一個因礦業而興起的小鎮，旁邊是一個大礦山，蘊藏著豐富的黃金。」
「鎮上的居民依靠採礦維生，在山谷中愉快地生活，直至有一晚...」
「某個圓月高掛的晚上，突然風雲色變，熾熱的山谷竟然下起雪來；」

「看到如此反常的天氣，居民們都認為這是不幸的徵兆，議論紛紛。」

「而同時間，小鎮之中的一個家庭，有一位小女孩出生了。」

「沒錯，那就是我，艾維雅。」

萬聖節主題故事 -《黑色異幻》預告

上年，Tho's Dreams 連載過一個萬聖節長篇故事《黑色兩路》，用咗 殭屍黨、狼人族 嘅戰爭做背景，講述兩大魔黨嘅由來、仇恨嘅原因、以及當中一段淒美嘅愛情故事...  黎到今年，我突然又心血來潮，決定再次寫一篇夾雜詭秘、驚險、浪漫於一身嘅故事！

今次呢個故事，將會以今年 迪士尼黑色世界2013 響樂園裡面新登場嘅 黑色嘉年華「異」演 作為背景，命名為《黑色異幻》！我自己真係好鍾意呢個表演，亦覺得六位奇人異士都好有魅力，所以最後就促使我希望寫一個以佢地做藍本嘅故事！

繼續徽章狂熱! 款式多樣的迪士尼徽章!

香港迪士尼樂園 近期都推出咗唔少新嘅徽章，見到一啲靚嘅徽章，我又會忍唔住買...  另一方面，園方所推出嘅限量版徽章，款式亦都愈黎愈多，有部份限量版徽章更加會響推出後短短幾日就會賣哂！所以，有時為咗一個靚嘅徽章就需要專登需要衝入樂園買...  我開始有啲後悔開始咗儲徽章呢個習慣...  不過，見到自己嘅收藏愈黎愈多，都有少少滿足感嘅！

趣怪的萬聖節主題商品, 應有盡有!

迪士尼黑色世界2013 活動開始，又等我分享一下今年嘅萬聖節商品啦！其實，有關商品自從九月頭經已陸續上架，但因為有部份商品要等到活動開始先至推出，所以我都特別等到出哂先至同大家分享！

香港迪士尼樂園 鐵甲奇俠總部 將於2016年開幕!

半年前，財政司司長曾俊華先生於發表財政預算案時表示，香港迪士尼樂園 將會興建一個以 Marvel 漫畫英雄為題嘅全新園區。黎到今日，不論新聞抑或樂園官方專頁，都一同公佈：全新遊樂設施 鐵甲奇俠總部 The Iron Man Experience，將於2016年年底開幕！

密西哥傳奇: 解開魔法鎖匙封印, 傳奇異獸現身眼前!

回想上年去 東京迪士尼海洋，因為得半日時間，為咗爭取遊玩時間，有好多野都需要取捨...  而其中一樣，就係佢地獨有嘅水上巡遊：密西哥傳奇 Legend of Mythica。平時響 香港迪士尼樂園，或者其他 迪士尼主題公園，我地通常都只會睇到響陸地進行嘅巡遊；但係黎到 東京迪士尼海洋，佢地嘅巡遊表演係響海面上進行嘅，演出地點再次係 地中海港灣 園區嘅對出海面。今次去玩，時間咁充裕，冇理由唔睇掛？

好玩 唔好叫, 迪士尼黑色世界2013 正式開始!

迪士尼黑色世界2013 終於響今日正式開始啦！錯過咗試玩日嘅朋友有冇打算今日即刻衝入樂園玩餐飽呢？我今日都會入園，不過就唔係去玩...  大家應該明我講咩架啦，哈哈！

為配合萬聖節活動開始，Tho's Dreams 亦都換上全新主題！今期標題圖片由七張相片組成，分別係響七大園區拍攝嘅，都係一啲黑色世界嘅元素！

玩具嘉年華會 反斗奇兵 紀念品!

玩完瘋狂嘅玩具嘉年華，點可以唔拎啲紀念品返屋企呢？特別係每樣紀念品上面都有眾多玩具朋友，更加令人愛不釋手！

環繞 香港迪士尼樂園渡假區, 走遍每個角落...

早幾日前就同大家去咗 香港迪士尼樂園酒店，分享趣緻可愛嘅 迪士尼朋友 造型點心。今日，我將會再次帶領大家離開樂園，不過就唔係淨係去酒店咁簡單...

其實，我有一個小習慣；假如入去樂園玩嘅時候遇著係係比較多人嘅日子，有時我會選擇遠離繁囂，靜靜地行去酒店區。響今年暑假嘅某一日，我做咗一個更誇張嘅嘗試，就係環繞整個 香港迪士尼樂園渡假區 行一圈！

來到漁村碼頭, 與 Duffy迪士尼小熊 見面!

上次就講咗 東京迪士尼海洋 My Friend Duffy 表演，今次，等我帶大家嚟到劇場旁邊嘅小碼頭！碼頭固然係用嚟上船嘅地方，但我嚟並唔係要坐船！Cape Cod 地區係一個 Duffy迪士尼小熊 專屬嘅小漁村，所有野都同 Duffy 有關，呢個碼頭當然亦都同 Duffy 有關聯！進入等待區，就可以見到頭頂上面掛滿 Duffy 紙牌！

2013十月份焦點迪士尼朋友 - Chernabog

十月啦！每年嘅呢個時候，樂園總會變得非常熱鬧，因為有全年最大規模嘅節慶活動：迪士尼黑色世界！過往嘅黑色世界，通常都係由 南瓜王阿積 做主角；但係園方今年響中心廣場設置咗一個 查立保 塑像，魔界之神即時搶去唔少風頭！所以，今個月嘅焦點 迪士尼朋友 揀咗佢黎做，可以話係最合適嘅選擇！

晶荷軒: 趣緻可愛的 迪士尼朋友 造型點心!

見到自己心愛嘅 迪士尼朋友 變身成為精緻嘅點心，你會唔會唔捨得食呢？黎到 香港迪士尼樂園酒店，佢地嘅中菜廳 晶荷軒 提供不同嘅 迪士尼朋友 造型點心，我一直想去試試，但係就未有機會...  先前 奇妙處處通 會員優惠更新，多咗生日月份優惠卷，所以上星期我終於去咗試下嗰到啲點心！

一邊用餐, 一邊欣賞 Duffy迪士尼小熊 主題表演!

繼續係 東京迪士尼之旅2013 園內遊記，今日就講下 東京迪士尼海洋 園內大受歡迎嘅舞台劇：My Friend Duffy！呢個表演嘅演出場地位於 Cape Cod，上年有睇我分享嘅網友，又或者上網睇過資料的話，應該知道 Cape Cod 係園區 美國海濱 嘅一部份。呢到被設計成為一個寧靜嘅小漁村，而近年因為 Duffy迪士尼小熊 嘅人氣爆發，園方就將呢個漁村改成 Duffy 相關項目嘅集中地。

迷離音樂盒, 奏出神秘旋律...

再次為大家隆重介紹，來自 香港迪士尼樂園 迷離莊園 嘅一件珍藏品：巴里猴紋鑲寶石音樂盒！新園區響五月開幕嘅時候，樂園就推出咗一樣非常特別嘅商品，係一個仿照 亨利爵士 最新珍藏品所設計嘅小型儲物盒；推出咗之後，儲物盒即時大受歡迎，並響短時間內售罊！

咁點解今日突然又再提起呢個儲物盒呢？因為，迷離珍藏店 近日經已返咗貨啦！先前買唔到的話，今次要把握機會啦！而我自己尋日入園嘅時候都已經買咗返屋企！講完呢句野，相信部份讀者會即時有疑問；明明我響開幕嘅時候已經買咗一個，亦都有同大家分享過，點解又要買多個？好，咁就要仔細研究下呢個新嘅儲物盒啦！

再次感受風暴下的 香港迪士尼樂園...

黎到秋天都依然有風打，仲要係一個強颱風...  大家做足防風措施未呢？乖乖地留響屋企，唔好周圍去啦！我都好乖咁都留咗響屋企打完呢篇文章，哈哈！每次打風，我都會諗起以前嘅一次特別經歷，就係響三號風球底下，響樂園裡面細看風雲色變嘅景象...  今日，同樣係三號風球，同樣係樂園裡面，究竟遇到啲咩呢？就等我化身成特派記者，為大家直擊 風暴下的 香港迪士尼樂園！

今日我入去最主要係因為要去 香港迪士尼樂園酒店，詳情遲啲會有另一篇文章同大家分享；假如心急想知嘅話，都可以響Tho's Dreams專頁搵到答案。咁響酒店返到黎公共運輸交匯處呢邊，發現所有告示牌都已經被包上透明膠紙，用作抵禦強風！過去酒店之前都未見有架，好高效率！

2013年9月12日 - 黑暗降臨, 黑色世界強勢啟動!

太陽緩緩落下，黑暗快將降臨大地...  嚟到呢個時候，黑色力量係時候要展現佢嘅強大能量啦！所有黑色世界項目經已蓄勢待發，準備好要令所有人驚呼狂叫！但係請緊記，今年活動嘅主題係「好玩 唔好叫」，遊園時務必要將惶恐埋藏心裡！

2013年9月12日 - 日間探索, 黑色力量湧現!

每逢 香港迪士尼樂園 生日，通常都已經可以響園內見到萬聖節裝飾；但係今年八週年撞正 迪士尼黑色世界2013 試玩日，唔單止會見到裝飾，我地更加可以盡情享受各個黑色世界項目！不過，叫得做黑色世界，當然係入夜後先至真真正正啟動；響日間嘅時候，都係暫時睇住裝飾先啦！

進入園內，發現正門嘅 米奇花圃 再次換上南瓜造型，話俾大家知道萬聖節好快又會來臨啦！今年，就連旁邊嘅樹下都放滿咗南瓜！

2013年9月12日 - 歡騰的八週年, 樂園處處享奇妙!

呢一日，香港迪士尼樂園 裡面充滿著一種溫馨的感覺，樂園Fans們以及一眾演藝人員響園內共同感受愉悅嘅一日！因為，我地嘅神奇王國八歲生日啦！驟眼睇，看似係平凡嘅一日；事實上，奇妙星粉經已響不知不覺間散播到每個人嘅心中...  我同朋友好早就已經到咗樂園，時間大約係早上09:00，我地響閘前慢慢等待樂園正式開放...

Tho's Dreams 慶祝 香港迪士尼樂園 開幕八週年!

八年前，2005年9月12日，一個充滿奇妙嘅地方出現於我所居住嘅城市。八年後，2013年9月12日，佢已經為無數賓客帶來好多難忘嘅時刻，亦令不同人們嘅夢想成真；包括屬於我自己嘅夢想亦都響呢到得以達成。轉眼間，時間過咗八年啦...  就讓我地響呢一日，再次記起所有黎自呢個地方嘅回憶，紀念呢個樂園為我地所獻上過嘅所有野...

香港迪士尼樂園 嘅標誌性建築就係 睡公主城堡，相信唔會有人反對。響樂園八週年嘅呢一日，Tho's Dreams 亦都換上新嘅主題介面！我揀咗一張城堡嘅相片放響網誌頂端！

與 巨大Duffy 穿上同樣的春日巡航T恤!

尋日嗰篇文章就講到我去咗搵 Duffy迪士尼小熊，仲響碼頭見到隱藏住特別意思嘅旗幟添！今日就想同大家分享一樣 Duffy迪士尼小熊 嘅商品，而呢樣商品亦都同樣印有隱藏住特別意思嘅旗幟架！

今日同大家分享嘅商品就係：Duffy迪士尼小熊 春日巡航T恤！

海上傳幸福: 充滿歡欣的小型表演!

繼續有 東京迪士尼之旅2013 嘅文章！東京迪士尼樂園 三十週年係整個渡假區共同慶賀嘅盛事，今次就同大家分享 東京迪士尼海洋 其中一樣 幸福歡樂年 特別項目：Happiness Greeting on the Sea 海上傳幸福！