自創長篇故事 -《黑色兩路》最終章 - 殭屍的最後勝利

勝利誰屬，由你決定！最後大家都揀咗加入 殭屍黨，令 殭屍黨 得到較多嘅黑色力量！其實今次 殭屍黨 同埋 狼人族 的黑色力量都好接近，支持 狼人族 嘅朋友都唔需要唔開心。好啦，唔講咁多，而家就為大家送上《黑色兩路》最終章，由 殭屍詭姬 勝出嘅結局！

---

殭屍詭姬 和 狼人戰臣 在半空中瞪著對方，他們二人都知道，勝利現正掌握在自己的手中；
在月圓之夜中，他們都盼望月光能夠為自己帶來力量，亦相信自己的特徵能夠協助他們獲勝。

Happy Halloween! 殭屍黨戰勝, 攻陷Tho's Dreams!

萬聖節到啦！本身諗過今晚入去樂園玩埋最後一晚 迪士尼黑色世界2012，不過諗諗下都係算啦...  黎到中午12:00，《黑色力量》故事最終章要發表啦！結果係 殭屍黨 獲得較多嘅黑色力量！配合返故事結局，呢個Blog亦已經被 殭屍黨 攻陷，換上以蝙蝠為題嘅全新標題圖片及背景圖片！大家記唔記得圖中雙眼發光蝙蝠響邊一個章節出現過呢？就係響第五章，領袖生入咗去石屋之後！

《黑色兩路》萬聖節前夕, 與你回顧第一至七章故事情節!

聽日就係萬聖節，《黑色兩路》故事將會發表最終章，而今晚就等我同大家回顧下之前嘅情節啦！之前同大家講過有一位網友好熱心咁幫我呢個故事畫畫，今次亦一次過放上黎俾大家欣賞一下！再一次多謝呢位網友咁努力，畫咗咁多幅咁靚嘅畫！睇完佢啲畫，我諗我都要多加練習啦...  ( 話時話，之前開咗個新分類叫做 想像‧繪畫，但係咁耐都冇出過，都係等我再練習多啲先啦！>_< )

---

響一個寧靜嘅美國小鎮入面，有一間學院，叫做 貴凡士學院，為鎮上嘅孩子提供高等教育。學院內設有書院制，將學生分到兩間擁有截然不同風格嘅書院，分別係 歌帆書院 同埋 賽布書院。兩間書院的學生都希望自己嘅書院可以成為優勝者；為咗不斷爭取學分，兩間書院開始互相敵視...

自創長篇故事 -《黑色兩路》第七章 - 戰爭的約定之夜

終於都黎到結局篇之前最後一章啦！第七章其實比較短，因為主要作用都只係為最終章做鋪排。但係我發現兩大陣營嘅黑色力量竟然有戲劇性轉變！之前落後嘅魔黨已經急起直追，變得好接近！如果你真係好想自己所支持嘅魔黨響最終之戰勝出嘅話，記住趁呢兩日幫佢地拎多啲黑色力量啦！

---

狼人，聽從 狼人戰臣 的指揮，努力地在森林緞練，將自己的速度和力量提升至高峰；
殭屍，遵照 殭屍詭姬 的指示，運用天生的機智聰慧，小心翼翼地計劃好整個對戰策略。
一對昔日的情人以另一身份，在約定之夜見面；去到最後，究竟會擦出甚麼火花呢？

就是這樣，時間一個月一個月地流逝，兩族的成員不經不覺地渡過了十個月圓之夜；
這一晚，圓圓的月光仍舊高掛在天空上，給人一種似曾相識的感覺，一種令人懷念的感覺；
原來，以往的愛侶，在一年前，就是在同一個月光下，受到狼和蝙蝠的襲擊而與對方分開。
殭屍黨 和 狼人族 的每一位成員，依照約定來到大街，預備決一死戰，將對手逐一纖滅！

迪士尼粉絲的終極盛會 - D23 Expo 2013!

今日想同大家分享一個叫做 D23 Expo 嘅活動，一個被譽為屬於 迪士尼 粉絲嘅終極盛會！假如你係一位 迪士尼 嘅超級粉絲的話，相信都有聽過呢個展覽會，已經知道係咩黎。但係如果你未聽過 D23 Expo 的話，請容許我今日好興致勃勃咁同你介紹呢個咁特別嘅活動！

自創長篇故事 -《黑色兩路》第六章 - 黑色力量的培增

哈哈，我今次特別唔出預告，亦唔講咩時間發表故事，失驚無神咁俾個驚喜大家！雖然上一次第五章冇咩重要嘅情節，但係都有提及到魔黨嘅力量已經慢慢蔓延至整個小鎮。究竟呢個小鎮會發生咩事呢？魔黨又會用咩手段去繼續擴張自己嘅勢力呢？請細閱第六章！

---

殭屍，原先出身自一個貴族世家，擁有高貴的優良血統，自小被培養出冷靜聰穎的性格；
狼人，當初在一個平凡的家庭中出生，只是平淡地過著每一天，漸漸接受了刻苦的生活。
就是這兩種截然不同的特質，令兩大魔黨各自使用獨特的作戰方式，誓要獲得最後的勝利…

在平靜的 貴凡士學院 之中，再也沒有激烈的競爭，學生們在惶恐之中依舊學習不同的知識。
學院內先後出現了宿舍怪聲、怪異花園、領袖生失蹤等詭異的傳聞，令大家都愈來愈害怕。
然而，恐懼並未能夠逼使黑暗勢力停止下來，失蹤學生的數字卻反而繼續逐漸上升；
無論是 歌帆書院，又或者是 賽布書院，都有更多的學生失去了蹤影，整件事變得更加怪異。
不單單是學院的學生，甚至連鎮上的居民都開始遭遇不幸，在毫無先兆下消失得無影無蹤。

黑色聯盟私會片段 - 與魔黨領袖歡呼慶祝!

只要響 黑色聯盟戰 應用程式拎到50000黑色力量，就可以去到 黑色聯盟報到中心 進行私會；星期日響樂園入面就同兩位魔黨領袖進行秘密私會，系統會響24小時內傳送返段片俾你嘅。

自創長篇故事 -《黑色兩路》第五章 - 魔黨的力量蔓延

當 貴凡士學院 的學生醒覺自己可能將會遭遇不幸時，我亦醒覺個故事步伐係時候要加快！因為好快就到萬聖節！要趕住響萬聖節前完成整個故事，所以相信餘下章節會出得比較快！話咁快，今日就為大家送上故事嘅第五章！究竟黑暗之夜之後會有咩事發生呢？A_A

---

仇恨，能夠令一個人忘卻一切；有時候，甚至連自己生命中最重要的事，都會一同忘掉。
當仇恨蒙蔽了人的眼睛，威力可以無比強大；他們倆，就是這樣失去了自己原來的身份...

蝙蝠拍著翼，為她帶來了劇變，她毅然變成了魔黨領袖，成立了黑暗勢力 殭屍黨；
狼叫著，為他帶來了劇變，他突然獲得了魔黨領袖的身份，組織了黑暗勢力 狼人族。
狼襲擊了 帆佩兒 心愛的男生，令他們無法見面，從那一刻開始，狼成為了她的天敵；
蝙蝠包圍了 維爾 心愛的女生，傷害了他的愛人，從那一刻開始，蝙蝠成為了他的天敵。
一對愛侶，克服了一場激烈的鬥爭，可惜在黑色力量的安排下，卻牽起了另一場世紀之爭...

黑色印記尋覓之旅! 與魔黨領袖進行秘密私會!

星期四去咗 海洋公園，昨日星期日返到去我主場玩 黑色世界！始終都係 迪士尼 比較啱我性格！今次好可能係我最後一次可以完全體驗 迪士尼黑色世界2012，因為都未必會再入去啦...  或者萬聖節當日會再入一入去啦，不過上完堂入到去可能已經晚上八點幾，應該會錯過部份節目。如果萬聖節真係入去，相信兩間鬼屋一定會好多人排隊，所以今次亦都把握機會玩多最後一次！同之前幾次一樣，一去到下午兩點鐘，我就準時去到排隊，咁就唔洗等咁耐啦！

自創長篇故事 -《黑色兩路》第四章 - 黑暗之夜的降臨

其實《黑色兩路》呢個故事已經過咗三集啦！而家就再為大家送上故事嘅第四章啦！有網友問到，呢個故事會有幾多集，事實上，我自己都唔知，我而家都只係有個故事大綱；之後每一次先跟住腦裡面嘅大綱去寫，當寫到去適當長度時，就會停，完成一章。我預計而家已經去到一半；放心，故事一定會響萬聖節前完結，過咗的話睇黎都冇意思啦！我已經諗好，響故事尾段加入一個刺激玩法，所以希望大家可以繼續期待呢個故事嘅去向！

上次講到響 帆佩兒 同埋 維爾 失蹤之後，貴凡士學院 兩間書院出現咗一啲古怪嘅傳聞。亦因為呢啲傳聞，更加令到書院間嘅仇恨愈演愈烈！究竟之後會發生啲咩事呢？呢排功課、考試都開始多，所以有時都好累，如果有延遲嘅話，都希望大家可以見諒。>_<

---

純樸的 貴凡士學院 為學生提供高等教育，希望能夠培養出最優秀的人才，最精英的領袖。
但是，當競爭持續、怨恨加劇，校訓被遺忘的時候，最終令到整間學院都遭遇不幸…

詭異的傳聞每一天都在學院之中繼續引起迴響，而轉眼間，兩位學生都已經失蹤了一個月；
可惜，帆佩兒 和 維爾 的名字，好像慢慢地在同學們的心中消失，再也沒有人記得他們。
他們倆，曾經在黑暗的樹林中望著天空上圓圓的月光，心裡想著要跟自己的愛人見面；
而就在一個月後的這一個晚上，同樣的月光再次浮現，在 貴凡士學院 的上空淡淡地閃爍著。

再遊海洋公園, 挑戰哈囉喂! - 遊園感想

估唔到之前七年冇去過 海洋公園 嘅我，響六月尾去完之後，咁快又再有機會去玩... 響呢個時間去 海洋公園 都只係得一個原因嘅啫，就係同朋友去玩 十月全城哈囉喂 啦。

響上次去玩完之後寫嘅嗰篇文章都講過，因為我個人黎講並唔係太鍾意 海洋公園，所以我都唔會好似 迪士尼黑色世界 咁寫啲好詳細嘅遊玩報告，不過都會簡略咁講下感受嘅。( 話就話簡略，但都幾長，希望大家有時間的話都可以睇下，因為都算總括咗我多年來嘅想法... )

自創長篇故事 -《黑色兩路》第三章 - 詭異的學校傳聞

繼續為大家獻上故事嘅第三章！其實我自己都好心急想快啲創作哂整個故事架！上次講到 帆佩兒 同埋 維爾 呢對情侶各自響森林迷路，更加發生意想不到嘅事情！究竟呢個故事之後會點樣發展落去呢？而家就為大家送上《黑色兩路》嘅第三章！

---

曾經，一對情侶跨越了難關，在一場仇恨之中，締造了屬於自己的一段浪漫愛情故事；
可惜，在命運的安排下，黑暗力量偏偏選中了他們，為這段短暫的愛情劃上了悲傷的句號。
在仇恨的背後，他們產生了愛意；然而，當愛完結的時候，卻反而令這場仇恨愈演愈烈...

延續自己的童年... 我與LEGO的故事...

每個人嘅生命之中，都會有一個又一個嘅故事，而童年嘅故事往往都會係最有趣嘅...  假如永遠都可以保持童真，用純真嘅角度黎睇呢個世界，過每一日，相信一定會好美好...  點解我會成日都仲自稱做「男孩」、「小朋友」，好似大唔透呢？我諗呢個就係最大嘅意因啦。

今日就想同大家分享一個關於我童年嘅故事，而呢故事，去到今時今日都繼續延續緊。其實我都幾鍾意砌積木，能夠親自將一啲得意嘅野整出黎，個感覺好特別；亦因為呢樣嗜好，令我慢慢培養到今日嘅性格，故事、相片、圖畫，全部都係親自創作出黎。而呢種性格，更加令我發展了另一個夢想，就係要成為一位 迪士尼幻想工程師。

自創長篇故事 -《黑色兩路》第二章 - 悲傷的結合分離

響 貴凡士學院 入面，歌帆書院 同埋 賽布書院 互相對立，背後卻有一個浪漫嘅愛情故事...  但係，呢段愛情，到最後究竟能唔能夠開花結果呢？嘿嘿！其實標題都已經有啲玄機！而家就即刻為大家獻上《黑色兩路》故事嘅第二章 - 悲傷的結合分離！

---

愛，能讓二人排除萬難；然而，當一段愛情經歷最嚴峻的難關時，又會否得到愛神的眷顧呢？
曾經，他們倆克服了眾人的目光；他們相信，自己和對方是命中註定的一對。
但是他們不知道的是，黑暗力量，在他們相愛的一刻，早已命中註定地伴隨他們...

帆佩兒，出生於貴族家庭之中，得到父母的疼愛，是一位在溫室環境中長大的女孩；
維爾，出生於普通家庭之中，父母努力地工作，希望將最好的送給他們的男孩。
在同一條大街上，帆佩兒 住的，是一間華麗的大宅；維爾 住的，卻是一間狹窄的小房子。
儘管身勢截然不同，但因為住在同一條大街，兩位小孩子不時也會一起玩樂，成為了好朋友。

寂靜的校舍, 詭異的晚餐... 再闖迪士尼黑色世界...

星期四再次去到樂園玩黑色世界，入到去第一個感覺係...  嘩！咁少人嘅！因為國慶假期剛剛完咗，所以特別少咗某種遊客，感覺係清靜咗好多，亦都玩得舒服好多！日間基本上完全唔洗排隊，標題提及到「寂靜的校舍」，其實係講緊連 詭墳學院 都唔洗排隊！不過呢一刻係因為巡遊進行緊所以先冇人，巡遊完咗之後，啲人又即刻衝返黎排隊玩，哈哈！雖然日頭冇咩人，但入夜後 詭墳學院 一度要排90分鐘，亦再一次証明今年黑色世界都幾受歡迎。

樂園事物仔細尋 - 採礦朋友們, 注意礦井編號!

上次剛剛講到有一個小發現一直都冇同大家分享，其實係有原因嘅，因為要影相嘅話會麻煩啲...  事關呢個小發現有部份位置比較遠，要用長鏡頭先影得清楚，但個長鏡頭好重，我而家好少拎...  而昨日為咗完成呢篇拖延咗咁耐嘅 樂園事物仔細尋 文章，我終於都拎長鏡頭入樂園啦！

呢個小發現就係 灰熊山谷 嘅礦井編號啦！有啲比較易注意到，有一啲就難少少先睇到。講到最易嘅一個，就係呢個 1號礦井 嘅招牌啦！只要一入等待區，行前少少，就可以見到！

樂園再次推出全新Duffy產品! 米奇耳朵造型帽子!

昨日又入樂園玩黑色世界，不過入到去嘅首項任務，就梗係要買咗呢頂 Duffy 帽先啦！玩咗大半日，返到屋企，俾 Duffy家族 佢地試下戴頂帽啦！第一個試嘅係 小Duffy。咦，唔多啱戴喎，頂帽太大，仲遮住咗佢對眼添！不過佢咁嘅樣我覺得好可愛啊！哈哈！

自創長篇故事 -《黑色兩路》第一章 - 兩大書院的堀起

之前講咗好耐嘅自創長篇故事，第一章終於完成啦！多謝大家嘅耐心等候，亦希望大家會鍾意！因為呢篇故事係以 迪士尼黑色世界2012 為藍本嘅，所以我亦特別將佢命名為《黑色兩路》。雖然之前講過去完試玩已經有靈感，但去到寫故事嘅時候先知道唔係想像中咁容易...  今次嘅故事情節絕大部份都係原創，所以響創作嘅時候都要顧及連唔連接到之後嘅情節。不過點都好，終於成功寫好，同以前啲故事一樣，文章間都係有相嘅，令大家唔洗睇得咁悶嘛！好啦！事不延遲，為大家呈獻，《黑色兩路》第一章「兩大書院的堀起」！ :)

---

人類，自稱是世界上最優秀的品種，比起每一種動物都更為聰明，更有智慧。
但是，在暗地裡，兩種動物卻為人類帶來了劇變，更加促成了一場世紀之爭。
可能在這一刻，你會認為這只不過是一個荒謬的傳說，根本不值一談。
不過，當你發現事情的真相時，千萬要小心提防！因為下一位犧牲者，或許是你！

樂園事物仔細尋 - 詭墳學院的四大校訓...

好耐冇出過 樂園事物仔細尋 呢個分類嘅文章啦！今次終於有新發現同大家分享！其實之前都有一個小發現，不過就咁耐以黎都未影好相，所以遲啲先再同大家分享啦！而今次嘅小發現，就係同 迪士尼黑色世界2012 有關架喎！因為係響 詭墳學院 搵到嘅！

響 詭墳學院 嘅正門，無論係招牌上面，抑或係校徽旗幟上面，都可以見到有四大校訓。呢四個校訓分別係 FIDELIS、EXIMIETATE、ACCIPIO，以及係 RESPICIO。因為唔係英文黎嘅，所以見到嘅時候正常都唔會明白係咩意思；但我又成日唔記得返黎查下。

終於，當我今日寫緊故事嘅時候，突然醒起呢四條校訓，所以就即刻上網去查下。原來係拉丁文黎嘅！意思係 FIDELIS忠誠、EXIMIETATE美德、ACCIPIO探索、RESPICIO尊重。

Duffy迪士尼小熊 齊齊過萬聖節!

諗諗下，好似好耐冇幫 Duffy 佢地換過衫啦喎！自從響日本買咗新衫之後就冇換過...  就到萬聖節，又幫 Duffy 換下衫啦！但係得一套南瓜造型服，只好淨係幫東京嘅 大Duffy 換啦...

太陽落下, 黑夜降臨, 黑暗之門正式打開!

迪士尼黑色世界2012 終於響10月4日無聲無色地開始咗...  點解話佢無聲無色呢？因為通常每個特備活動嘅第一日都係媒體預覽日，會有啲類似啟動儀式咁嘅環節。但可能因為預覽日一早就已經響9月進行咗，所以10月4日當日都冇咩特別，靜靜地正式開始咗。

個人化造型名牌 - Duffy又有新飾物!

星期四入去嘅時候又買多咗一個名牌，今次就係整俾 Duffy，俾佢地戴起佢做飾物嘅。一開頭睇幅圖嗰陣真係覺得唔係太靚，諗住買一個就算；而家愈買愈多，可能因為實物靚啲啦。好啦！下次同佢地入樂園玩，同埋帶佢地去美國玩嘅時候，就俾佢地戴住呢個名牌啦！

迪士尼黑色世界2012 - 9月29日終極試玩報告!!

好啦！迪士尼黑色世界2012 昨日終於都正式開始啦！昨日我都有入去再次親身體驗。不過響講昨日嘅野之前，要講返上次試玩先。本身諗住最遲星期二要出架啦，不過又係因為懶...

哀悼海難遇難者... 樂園決定於10月4日取消煙花表演...

黎到10月4日全港哀悼日，今晚響 香港迪士尼樂園 將會係一個沒有煙花嘅晚上...  今日入到去嘅時候，可以見到園方都放咗幾個告示牌，話俾賓客知道今晚嘅煙花表演將會取消。

Disney Dark Collection 南瓜王阿積T恤!

無論響 香港迪士尼Facebook專頁，又或者響網友嘅Blog到，都見到有新T恤系列嘅消息！今次更加係 DisneyDarkCollection，以 迪士尼黑色世界2012 主題黎設計，都幾吸引！見到啲款都唔錯，所以我又去咗Girodano睇下...  但係，睇完之後，我又點會忍到手唔買丫...

日本迪士尼官方雜誌 DisneyFan - 2012年10月號!

中秋節嗰晚，同親戚們做完節食完飯之後，我同爸媽行咗一陣間先返屋企，咁啱又經過誠品。好啦，睇下有咩特別野先！點知，俾我響雜誌架嗰到，搵到呢本 DisneyFan 10月號！其實我一直都知道有呢本日本官方迪士尼雜誌嘅存在，響日本仲好似都有見到添！但係我就一直都冇買返屋企睇，因為都唔識日文...  不過今次見到封面個 米奇 咁靚，終於忍唔住！

2012十月份焦點迪士尼朋友 - Jack & Zero

唔知大家仲記唔記得，由上個月開始，呢個Blog響每個月嘅月頭會有咩事發生呢？冇錯，就係會選出焦點 迪士尼朋友 啦！同時，更加會為大家送上月曆電腦桌布！黎到十月份，最注目嘅係咩呢？相信大家一定會同意，就係萬聖節同埋 迪士尼黑色世界 啦！所以今個月亦特別選出與萬聖節有關嘅兩位 迪士尼朋友，南瓜王阿積 Jack、幽靈狗零零 Zero！

同樣有16:9版本以及4:3版本，只要Click一Click張圖，就可以放大張圖，設定為電腦桌布！

又多一隻啦! 第12隻Duffy正式加入!

星期六去之前上網睇返，原來 奇妙處處通 會員專享三折精品優惠9月30號就完結；我之前都冇特別留意，估唔到咁快完，所以嗰日入樂園嘅時候就把握機會，瘋狂掃貨！其實今次都唔算好瘋狂嘅，都係買咗三樣商品啫。而其中一樣就係呢隻磁石 Duffy 啦！

明月映照, Duffy迪士尼小熊過中秋!

雖然中秋節呢一刻已經過去，不過都補祝大家中秋節快樂！希望大家可以有一個愉快嘅假期啦！今年中秋節，有咩搞作呢？當然唔少得玩螢光棒啦！我仲特別叫埋 Duffy 佢地一齊玩添！