復活節特別故事 - 尋回失落的節日 - 第一章

之前俾咗啲秘密字眼大家估下，唔知大家能夠成功解開嗎？冇錯，今次嘅故事係以復活節做主題！呢個故事將會再次採用較為得意有趣嘅風格，主要會用文字黎描述，亦會附加少量圖片。好啦，都唔講咁多啦！而家就為大家送上《尋找失落的節日》故事嘅第一章！

---

呤呤呤呤呤呤呤呤呤呤... 鬧鐘響起；我慢慢地走了下床，再次準備開始新的一天。

梳洗過後，我穿上了華麗的禮服、穿起皮鞋、戴上白淨的手套，充滿精神地踏進大街。

每天，我在美國小鎮當中，迎接數之不盡的賓客，向他們施展魔法，送上奇妙體驗；

這個樂園就是我的家，而這份就是我的工作。

把 迷離莊園, 探險世界 合併起來! 全新創作園區登場!

仲記得 邊域山谷 嗎？去年11月我就同大家講到，響電腦以 灰熊山谷 作為藍本設計咗一個園區。呢一刻，香港迪士尼樂園 嘅 迷離莊園 快將開幕，而我自己就率先設計咗另一個全新主題園區！

雨後的晚上, 寂靜的大街...

可能上星期六只係玩得兩個幾鐘，唔係幾夠，所以星期二又無無聊聊走咗入樂園玩。入園前冇睇天氣報告，唔知嗰日會落雨，冇帶遮；最後就一路玩一路俾雨水淋濕哂，嗚嗚...  玩咗一日，晚上想同之前返工識嘅朋友食飯，但係佢比較晏先放工，於是就同另一位朋友等佢！

雖然落咗成日雨，但黎到晚上，響寂靜嘅 美國小鎮大街 散步，一個人都冇，感覺都幾特別！

曲奇餅‧便條簿‧貼紙 - 買盡所有心頭好!

農曆新年之前，園方為 奇妙處處通 會員推出額外10%購物折扣優惠，之後又突然推出六折優惠！相信各位都有趁機會將自己嘅心頭好一一帶返屋企！當然，我自己都唔例外啦！

迪士尼星級款待2013 - 黃昏下的星級遊園記!

迪士尼星級款待2013 正式開始後，去到星期六，我終於有時間去到樂園入面體驗呢個特別活動！嗰日我下午先出發入去，入到去都已經係黃昏...  於是，我就響傍晚展開咗一次星級遊園記！

尋找迪士尼朋友, 收集獨特的簽名吧!

迪士尼星級款待2013 尋日已經正式開始！不過我就未有時間入園，要星期六先可以入去。其實都唔洗趕住入去，都冇咩特別野，同平日嘅樂園唔會相差好遠，等我嗰日睇下有冇驚喜啦！今年 星級款待 活動推出咗多個高收費嘅星級旅程，但係，奇妙係唔係真係要用錢先可以買得到？呢篇文章就想講返今年一月嘅一次奇妙體驗：我同一位好朋友響園內又再過咗好開心嘅一日！

呢位朋友唔係 迪士尼Fans，好耐先會去樂園玩一次，所以呢次我都盡可能同佢去玩哂所有野；響樂園入面，去玩不同嘅遊樂設施之餘，我地亦有去到各個主題園區，搵 迪士尼朋友 影相！

小Duffy 暢遊迪欣湖 - 迎接春季來臨!

之前先後帶過兩隻 大Duffy 熊仔入去樂園玩，亦幫佢地影咗好多相，今次終於輪到 小Duffy 啦！嗰次去買 復活節Duffy，特別帶埋 小Duffy 見佢嘅新細佬；而入園前，我地就去咗 迪欣湖 行咗陣！

莊園緊閉的大門, 大宅亮起的燈光, 充斥著神秘的氣氛...

早前園方已經宣佈，樂園擴建計劃嘅壓軸項目，迷離莊園，將會響五月隆重開幕！好快就到啦！剩返兩個幾月，即係話呢個新園區嘅工程大致上都已經完成，而家應該進入咗最後調整階段！

Tho's Dreams 回望2012!

一拖再拖，拖到黎三月，我最後都完成咗呢篇文章！經過幾次預告之後，今次終於正式發表啦！黎到呢一刻先至睇返上年嘅野，好似已經冇咩意思，但2012對我黎講的確係非常重要嘅一年；所以，我都依然好想將一整年間發生過嘅趣事、寫過嘅文章重溫一次，響呢到再次同大家分享！

2012年有部份文章都幾有意思，又或者有特別嘅意義，我已經揀咗出黎，標示為「精選文章」假如有時間的話，我都誠意邀請您睇睇我曾經寫過啲咩，睇睇有咩野係響Tho's Dreams出現過...  好啦，我唔講咁多啦，廢時再耽誤大家，畢竟都令大家等咗好耐... 而家就為大家送上 回望2012！

願望成真!! Oswald幸運兔子 跳上樂園時間表!!

又到咗星期日，又係新一個星期嘅開始，亦即係話，又會有新一期樂園時間表推出啦！不過，我嘅願望今次並無延續落去，今期時間表已經唔係由 Oswald幸運兔子 做封面主角。其實都唔緊要啦，Oswald 都做咗兩個星期嘅主角，我已經好滿足！希望好快又再可以見到佢啦！

迷你版 米奇耳朵造型帽子 可愛登場!

米奇耳朵造型帽子 可以話係 迪士尼樂園 Fans嘅標誌，你有冇擁有一頂屬於自己嘅造型帽呢？其實，我覺得頂帽有啲大，戴咗之後未必好睇，所以除咗 Duffy造型帽子，一直以黎都冇買過...  不過而家唔再需要擔心呢個問題啦！因為園方經已推出咗全新嘅 迷你版 米奇耳朵造型帽子 系列！

Here We Go!! Duffy小飛俠造型服飾終於登場!!

我自己都已經唔太記得，之前曾經響幾多篇文章入面提及過 Duffy小飛俠造型服飾...  應該都唔少...  等咗咁耐，終於俾我等到啦！今日入園嘅時候發現，呢套服飾經已上架啦！真係好開心啊！

探索動畫藝術, 回望昔日的 米奇家族...

我依然繼續趕工，務求極速完成 回望2012；不過就比我預期中需要更多時間，但我會儘快架啦...  感謝大家耐心等候，請放心，我用咗咁多時間，必定唔會求其交貨，請繼續期待一下！>_<

響回望上一年發生嘅事之前，今日想發表一篇較短嘅文章，同大家一齊回望昔日嘅 米奇家族！又考一考有睇開Tho's Dreams嘅朋友先！唔知你地記唔記得，我係最鍾意邊一款 米奇 造型呢？我成日都有提及嗰個造型，但除此之外，其實我仲有另一個造型都好喜歡，就係傳統 米奇 造型！

樂園事物仔細尋 - 灰熊的秘密金塊!

樂園事物仔細尋 呢個系列又再同大家見面啦！今日，我地再次黎到 灰熊山極速礦車 嘅入口！不過，我地今次就唔係黎坐礦車嘅，而係黎呢到尋寶！究竟呢個位置有咩野等緊我地發掘呢？

復活「熊」要破蛋而出了!

復活節就到啦！大家準備好過一個開開心心嘅復活節未呢？或者可以搵以下呢隻 Duffy 陪伴你呢！全新嘅 Duffy迪士尼小熊 復活節造型毛公仔，經已登陸 香港迪士尼樂園！又係時候入一入園啦！

安仔玩具箱 2013 Grand Opening 開幕特輯

安仔玩具箱 話咁快就開咗一個月啦！相信各位樂園Fans都已經響過去嘅一個月內入去睇過！未有時間入園玩？都唔緊要！今日適逢開幕一個月紀念，就等我同大家分享下我影返黎嘅相啦！好，我地而家就出發，去到 香港迪士尼樂園 入面，探訪 安仔 嘅後花園，反斗奇兵大本營！

迪士尼「金」年有福 - 活動回顧

為期大約一個月嘅 金年有福 活動終於響2月24日正式結束啦！大家響活動期間入過去幾多次呢？呢個比較遜色嘅活動，真係唔係幾吸引到我入園玩，所以響二月上旬之後都已經冇再提及過...  但係，響活動期間都有發生過幾件趣事嘅，而家就等我一次過響呢篇文章入面同大家分享返啦！

東京迪士尼渡假區: 30週年慶典 幸福歡樂年 / 米奇和Duffy的春日巡航2013!

今日想同大家飛去日本，再次去到 東京迪士尼渡假區，睇下嗰邊兩大主題樂園嘅最新動態！4月15日將會係 東京迪士尼樂園 開幕30週年嘅日子，整個渡假區響一整年都會有大型慶祝活動！同時間，東京迪士尼海洋 上年嘅 米奇和Duffy的春日巡航 特別活動，亦會響3月率先捲土重來！

3月21日, 再次體驗星級款待!

踏入3月，香港迪士尼樂園 迪士尼星級款待 活動即將再次捲土重來！( 心裡不禁要講：唉... ) 今日園方響官網公佈咗活動資料，由活動圖片可以睇到，今年活動將會以怪獸、公主做主角！前者就好明顯係要配合返 怪獸大學 響暑假上映而作出宣傳，而公主們就係要迎合返女孩子。

星級款待 活動令整個樂園嘅奇妙體驗進一步升級，可惜今次嘅活動圖片唔係太突顯到呢個特點；感覺上好似只係將原本 怪獸公司 以及 迪士尼公主 嘅兩張圖片加入城堡背景之中，唔算太特別。

2013三月份焦點迪士尼朋友 - Thumper

又到月頭，又有新嘅 迪士尼朋友 月曆！我今次真係完全唔記得咗呢件事，好多謝網友提醒我！呢個三月有咩特別事發生呢？就係復活節啦！復活節來臨，周圍應該又會滿佈復活蛋、復活兔！所以，今個月嘅焦點 迪士尼朋友 特別揀咗一隻好可愛嘅兔仔：黎自《小鹿斑比》嘅 Thumper！