走進 阿拉伯海岸, 一個屬於 阿拉丁 的世界...

之後就黎到第二個主題園區，阿拉伯海岸 Arabian Coast。相信呢個園區原本嘅構思，應該都係黎自電影 阿拉丁，因為園區內主要都係同呢個故事有關。當行緊去呢個園區嘅時候，離遠已經聞到好香嘅咖哩味，因為入口有一架賣咖哩嘅車仔。講起爆谷，園內真係有好多不同味道嘅爆谷，除咗焦糖原味，仲有奶茶、士多啤利味等等。

要塞探險 - 加入探險家的行列!

之前分享 東京迪士尼樂園 嘅時候，我係跳黎跳去咁講，廢時講黎講去都係單一個主題園區。但其實 東京迪士尼海洋 呢邊，相對 東京迪士尼樂園 嗰邊黎講，係冇咁多設施嘅。所以今次，反而逐個逐個園區咁講係好啲嘅，不過重點遊樂設施當然都會留到最後啦！

返返去呢篇文章嘅正題啦！響 地中海港灣 嘅呢一邊海岸，有一個要塞，仲泊咗啲船響到添！

迪士尼主題公園 推出全新 Duffy 服飾 - 小飛俠套裝!

響 Duffy迪士尼小熊 嘅Facebook專頁上面見到上面呢張相，係 Duffy 著住一套新衫啊！呢套新服飾更加係以 小飛俠 嘅造型黎設計，好靚啊！我一定要買返黎俾Duffy著！能夠將我愛嘅兩位 迪士尼朋友，Duffy 同埋 小飛俠，黎個Crossover混合，真係幾特別！其實我之前見過有非官方推出嘅小飛俠造型服飾，但我始終想買返官方商品，所以今次啱哂！

地中海港灣 - 進入海洋中心的必經之路

欣賞完 東京迪士尼海洋 正門嘅佈置之後，就繼續向前進發啦！行前幾步，我地即時黎到咗一個建築物林立嘅小鎮，但其實呢啲建築物入面係一間酒店黎！佢地嘅 東京迪士尼海洋觀海景大酒店 Tokyo DisneySea Hotel Miracosta 係融入響樂園入面嘅。

提著行李箱, 加入 Duffy 的春日巡航!

隨著我正式開始分享 東京迪士尼海洋 嘅事物，我亦同步開始介紹響園內買返黎嘅戰利品！其實我響 東京迪士尼海洋 入面買嘅，全部都係 Duffy 相關嘅系列商品！特別係園方為 米奇和Duffy的春日巡航 特別活動推出咗好多節日限定商品！

其中，今次活動嘅其中一個象徵標誌就係行李箱，冇行李箱又點樣出發去旅行呢？屬於 米奇 的藍色行李箱上，有不同嘅布章，全部都係 東京迪士尼海洋 入面嘅景點黎架！真嘅行李箱就冇得買，不過就有一個跟返呢個行李箱設計嘅手袋賣。

踏進 東京迪士尼海洋 - 入口佈置

響 東京迪士尼樂園，入口有 米奇花圃 歡迎你嘅到臨；至於黎到 東京迪士尼海洋，就換上 地球噴水池 歡迎你！我地即將要展開一個環遊世界嘅海上之旅，見到呢個地球，覺得好有氣勢啊！

為我們在大海中導航的海洋情報!

黎到第二個主題公園，東京迪士尼海洋，當然就要拎樂園指南啦！同響 東京迪士尼樂園 一樣，一共拎咗三份，日文、英文、繁體中文版各一份。呢份樂園指南同之前嗰日嗰份嘅封面設計差唔多，只係由紅色轉咗做藍色。

時間到了, 懷著不捨的心情離開樂園...

基本上，東京迪士尼樂園 的所有遊樂設施我都已經玩過哂，一個日間巡遊、一個節日巡遊、一個夜間巡遊，以及係煙花表演，亦都欣賞過啦。轉眼間，就黎到晚上嘅十點鐘，雖然係好唔捨得，但係夠鐘閉園，點都要走啦...

全日都好熱鬧嘅 世界市集，黎到呢一刻，少咗好多人，靜咗好多。同香港唔同，佢地一閉園就會唔俾賓客再入商店，閉園就真係要你走架啦。不過，如果真係好想繼續買紀念品，園有外一間叫做 BonVoyage 嘅大型商店；店內全部都係兩個主題公園所賣嘅紀念品，開放時間亦去到晚上十一點，所以仲有機會！但有部份商品，就真係園內先會有得買 ( 例如 Duffy 系列只可以響 東京迪士尼海洋 內買到 ) 。

這裡, 讓我的夢想成真...

響幾個月之前，我響呢個Blog寫咗一篇關於我嘅夢想嘅文章。其實我有好多夢想，但響呢一刻，我最想實現嘅，就係要成為一位演藝人員。香港迪士尼樂園，聽閒，呢個地方有一種魔力，能夠令不同人嘅夢想得以成真；然而，亦因為呢一個地方，我擁有了一個夢想；終於，我有機會將佢實踐出黎。

新奇, 好玩, 震撼 - Pooh 一次過為你達成三個願望!

去到最後一個重點遊樂設施，亦係最後一個分享嘅 東京迪士尼樂園 遊樂設施。Winnie the Pooh 真係好受人歡迎，我都係其中一個粉絲。一位咁多人喜歡嘅 迪士尼朋友，自然就會擁有一個屬於佢自己嘅遊樂設施；香港就有 小熊維尼歷險之旅，而東京呢邊就有 小熊維尼獵蜜記 Pooh's Hunny Hunt。

眾多的 Pooh Pooh, 令我眼花撩亂...!

之前已經介紹過 東京迪士尼樂園 內不同嘅遊樂設施，而家就只係剩下最後一個。但係呢篇文章並唔係講佢，而係講玩完佢之後會去到嘅一間商店。響香港，我地玩完 小熊維尼歷險之旅 之後，會去到一間叫 Pooh Corner 嘅商店，至於東京呢到，雖然就唔係叫 小熊維尼歷險之旅，入面亦有好大分別，但係玩完個遊戲設施之後，都係會去到 Pooh Corner 商店。

Epic Mickey - 唉... 百密一疏...

星期一時去完書展，同大家分享過我買咗一本 Epic Mickey 嘅概念畫冊。雖然我未睇哂整本畫冊，但就已經俾入面嘅遊樂場景吸引住。上網睇資料後，知道呢個遊戲係只限 Wii 平台嘅，既然屋企有一部 Wii，就買返黎玩下啦！響唱片鋪搵到呢隻遊戲，仲要係特別收藏版，原先應該大約$500，而家特價$299；真係好好彩，又搵到平貨，所以就即刻買咗落黎，拎返屋企玩啦！

進入 怪獸公司 的電影世界!

第三個重點遊樂設施，就係 明日樂園 嘅 怪獸公司迷藏巡遊車 Monsters Inc. Ride & Go Seek！睇個名就知道，佢係 怪獸公司 做主題啦！而佢亦係我去樂園之前一直最想玩嘅遊樂設施！亦因為咁，當日樂園一開門，我就衝去玩佢！一黎最想玩，二黎遲少少的話就要排好耐隊！

實在係太心急啦，日頭都唔記得影個門口添，不過唔緊要，好彩夜晚有影返！入口大大個招牌，上面有 大眼仔、毛毛、Boo 三位主角，整個招牌亦呈現一個M字。

欣賞森林故事期間, 卻突然直衝而下!

第二個響我眼中嘅重點遊樂設施，就係 動物天地 嘅 飛濺山 Splash Mountain 啦！之前都講過呢個遊樂設施有電影 南方之歌 做背景故事，一路玩一路睇故事，好特別。呢個遊樂設施嘅外觀都整得非常有森林色彩，亦會有木船經過。

巨雷山 內裡的神秘礦車...

好啦好啦！終於都到咗最後嘅重點遊樂設施啦！一共有四個，會分兩輪黎寫文章。第一個其實係四個之中我覺得較遜色嘅一個，無其他三個咁正。呢個遊樂設施就係位於 西部樂園 嘅 巨雷山 Big Thunder Mountain。響主題園區內嘅各個位置都可以見到山上有礦車經過。

雨下依然夜幕彩輝, 彩色燈光仍舊閃耀...

雖然煙花就冇香港咁正，但 東京迪士尼樂園 嘅晚上都仲有另一樣非常吸引嘅表演...  就係香港暫時未有嘅夜光巡遊！佢地嘅夜光巡遊叫做 夢之光 Dreamlights，每晚都會上演。但因為到訪當日落雨，應該係唔想燈飾濕水嘅關係，所以就取消咗...  同復活節巡遊一樣，就算原先嘅夜光巡遊取消咗都會有野睇嘅；不過就唔係出部份嘅花車，而係出一個完全唔同嘅小型夜光巡遊 夜幕彩輝 Nightfall Glow。

世界市集 兩旁的商品櫥窗...

響香港迪士尼樂園 嘅 美國小鎮大街，商店出面都有一個個好靚嘅櫥窗。當然 東京迪士尼樂園 都有啦！櫥窗更加係配合 迪士尼復活節奇幻世界 黎佈置架！

空中迪士尼魔法 - 璀璨奪目的煙花表演

出面打緊風，風大雨大，你同我都響屋企都冇咩好做。不過，我就可以寫Blog，你亦可以繼續睇下我分享 東京迪士尼樂園 嘅野，一齊解悶！哈哈！

迪士尼樂園 其中一樣比起其他遊樂場及主題樂園獨特嘅地方，就係有煙花表演。而 東京迪士尼樂園 嘅煙花表演就叫做 空中迪士尼魔法 Disney Magic In The Sky。但因為呢個煙花表演係兩個主題樂園一同共用嘅，所以爆發時並唔係以城堡做中心。事不延遲，一次過俾哂響煙花表演期間影嘅相俾大家睇！

颱風之下逛書展... 有特別收穫!

放榜後，選科後，又再一次進入冇野好做嘅日子！每年書展都會去睇下有咩書賣，本身都已經諗住今日去睇，就算三號風球亦唔會阻擋到我！而今日我最愛嘅收穫，就係呢本 Epic Mickey 英勇米奇 概念畫冊！

加入歡騰的迪士尼巡遊表演!

每個迪士尼巡遊表演都有漂亮嘅花車，輕快嘅音樂，俾人好開心嘅感覺。而 東京迪士尼樂園 嘅日間巡遊正正就將以 歡騰 Jubilation 黎命名。雖然我去樂園玩嘅當日，全日都不斷落住毛毛雨，但好好彩，呢個巡遊並無取消。歡騰 嘅第一架花車，就有 米妮 做主角！花車上仲有 藍仙女 企到好高！

小小世界 - 坐上小船環遊世界

又黎到一個香港都有嘅遊樂設施，玩嘅時候，焦點自然就會放響同香港版本嘅分別。東京迪士尼樂園 小小世界 it's a small world，外觀同香港差唔多，但我就更喜歡佢夠色彩繽紛。

灰姑娘城堡的日與夜...

我地有 睡公主城堡，至於人地 東京迪士尼樂園 就有 灰姑娘城堡。因為我地嗰個係參照咗加洲 迪士尼樂園 嘅世上第一個迪士尼城堡，所以比其他城堡係細...  睇慣咗香港嗰個城堡，黎到東京，自然就會覺得人地呢個係特別宏偉壯觀。

卡通轉轉車, 轉入卡通城鎮!

放榜之後，搞完一輪大學揀科排位之後，繼續返返黎分享 東京迪士尼之旅。今次會講 卡通城 內嘅一個室內遊樂設施 兔子羅傑卡通轉轉車 Roger Rabbit's Car Toon Spin。

幸福的男孩, 將有機會暢遊美國迪士尼!

今日係我人生中一個好重要嘅日子，因為今日係首屆香港中學文憑試嘅放榜日啊！面對呢個完全陌生，一啲以往參考資料都冇嘅公開試，之前都真係下過一番苦工。好彩，今日放榜，我嘅成績都算唔錯，只係中文有點兒失手... 不過都有好大機會入到大學嘅。但可能就未必入到我本身想讀嘅建築啦，唯有改變策略，改選工程啦！我真係好想成為一位 迪士尼幻想工程師，參與眾多樂園奇妙體驗嘅製作過程！

除咗入到大學呢個好消息之外，今日仲有一個連帶嘅好消息降臨！其實我真係一個好幸福嘅男仔，生活響一個愉快嘅家庭入面，爸爸媽媽都對我好好。考今次公開試之前，爸爸同我講，假如我成功取得本地資助學位的話，佢就會送一份禮物俾我。而呢份禮物，真係非一般咁奇妙！因為佢將會帶我去美國迪士尼玩啊！！真係好開心！！雖然暫時未知幾時去，但美國有兩個 迪士尼渡假區，都要諗定去邊個嘅...

放榜日前夕, 我選擇到了我最愛的地方...

聽日就放榜啦 ( 過咗12點，其實應該係今日 )，的確係有啲緊張同擔心，畢竟，都關乎到自己嘅未來，最終結果將會決定一切...  而響咁嚴肅嘅一日來臨之前，我選擇去咗我最愛嘅地方。唔洗講，大家都知道係邊到啦！XD

今日大約兩點入到去，樂園入面超多人！我都估唔估到會咁誇張。大部份遊樂設施都要排好耐隊，我只好行黎行去，等 米奇水花巡遊 開始。睇完巡遊之後，因為樂園入面又熱又多人，所以我都頂唔順，出返去比較靜嘅地方。響 迪士尼站 行去樂園門口，響噴水池要向右轉。但前面係仲有一條路通往兩間酒店。可能因為冇咩人行同埋唔太顯眼嘅關係，所以唔係太吸引到人注意。就算我一直都知道有呢條路嘅存在，咁耐以黎都未試過行... 而今日，我終於都試咗啦！

玩具情報! 安仔後花園出現新玩具!

今日入樂園玩嘅時候，經過 反斗奇兵大本營，發現有新玩具啊！大家睇唔睇到呢張相有咩古怪呢？

用 Winnie the Pooh 蜜糖杯飲蜜糖水!

其實，我鍾意Pooh仲有一個好搞笑嘅原因，就係佢同我一樣都好鍾意食蜜糖！我成日都會沖蜜糖水黎人飲嘅；由今日開始，我有專用蜜糖杯啦！

指揮家米奇呈獻: 米奇魔法交響樂

呢篇文章講嘅，又係一個香港都有嘅遊樂設施，今次我地跳返去 夢幻樂園。大家睇標題，見到寫住 指揮家米奇，應該唔難估到係邊一個遊樂設施架啦！就係 米奇魔法交響樂 Mickey's PhillarMagic，亦即係香港嘅 米奇幻想曲！

進入海盜世界, 親身經歷魔盜王的故事!

加勒比海盜 Pirates of the Caribbean 又係一個經典遊樂設施，佢係響1987年於加洲 迪士尼樂園 首次面世嘅，除咗香港之外，每個 迪士尼樂園 都會有。

響 東京迪士尼樂園 呢到，呢個遊樂設施嘅門口係位於 探險樂園 小巷嘅。但響出面睇，入口同周圍建築差唔多樣，並唔顯眼；我都係見到好多人行入去先知呢個係門口。一入到去，就見到一條水道，一架架船響上面浮動，我地就要響水道旁邊向前行，行去月台。

探險樂園 - 體驗不平凡的探險旅程

之前分享咗 東京迪士尼樂園 各個園區嘅一啲特點同佈置，而家就只係剩低 探險樂園。探險樂園 就即係香港嘅 探險世界 啦，大家都有同樣嘅主題，佈置就固然係差唔多啦。黎到 探險樂園 嘅入口，都係有一個 Adventureland 嘅招牌，不過我地嗰個好似大啲喎！

卡通城內的小型過山車!

之前都講到，卡通城 入面真正係玩嘅遊樂設施唔多，主要都係參觀下迪士尼朋友嘅居所。而呢篇文章就會講到城內其中一個遊樂設施，一座小型過山車。呢座小型過山車就叫做 艾芝迷你雲霄飛車 Gadget's Go Coaster。

Pooh X Dumbo 毛公仔鎖匙扣!

響去 東京迪士尼樂園 之前，已經特別預留咗啲錢，諗住 Pooh 同埋 Dumbo 都各買一個毛公仔鎖匙扣，最後就揀咗以下兩隻差唔多質地嘅！

細看樂園中心位置的佈置...

世界上每一個 迪士尼樂園 嘅正中心，都係一個圓形，而不同嘅園區就會包圍住佢。呢篇文章就將會同大家分享一下 東京迪士尼樂園 嘅呢個圓圈位有啲咩擺設！

由樂園正門開始，直行穿過 世界市集，就會見到一個銅像，一個 華特迪士尼先生 同埋 米奇 手拖住手嘅銅像，而背景就係城堡啦。響銅像嘅後面，有幾排座位，不過係唔俾入嘅，我估可能係俾貴賓欣賞表演嘅座位。

雨下的 迪士尼復活節奇幻世界 巡遊...

響特備活動 迪士尼復活節奇幻世界 進行期間，東京迪士尼樂園 內每日都會有兩場主題巡遊。但好可惜，我去當日因為全日都不斷落住毛毛雨，令兩場復活節主題巡遊都要取消。不過，佢地就算取消巡遊，都仍然會出幾架花車，而唔會咩都冇得睇，可以話係不幸中之大幸。

伊歐船長 - 結集大家的力量, 我們便可以改變世界!

明日樂園 內嘅遊樂設施，伊歐船長 Captain EO 係一個3D電影黎嘅。故事講述 伊歐船長 同佢嘅船員意外落咗響一個黑暗星球，而佢地就想用音樂去改變呢個世界，令到黑暗星球重拾光彩！

參觀米奇家族所居住的小鎮!

東京迪士尼樂園 嘅七個主題園區，之前嘅文章入面已經出現咗六個。而呢篇文章就係關於後嘅一個主題園區，卡通城 Toon Town。

叢林巡航 - 沿著河流展開探險之旅!

位於 探險樂園 嘅 叢林巡航 Jungle Cruise，其實即係我地香港嘅 森林河流之旅。基本上整個旅程都係差唔多，不過就有啲野係佢地有我地冇嘅...

東京迪士尼樂園 園內覓食記

去得 香港迪士尼樂園 玩，就知道去樂園一定要帶一樣野，就係水啦！今次去 東京迪士尼樂園，我亦特別拎定一枝水入去，因為驚入面嗰啲會好貴。普遍黎講，主題公園啲消費係特別高，為咗慳返啲錢，我響入面都只係食午餐同晚餐。好彩我近期細食咗咋！雖然只係食咗少少野，但都唔覺太肚餓。

當日真係太興奮啦！玩到唔知時間，轉眼間就去到下午3:00，之後先去食飯。午餐我黎到響 西部樂園 入面嘅 頑熊餐廳 Hungry Bear Restaurant。呢到主要係食咖哩飯嘅，我叫咗個細嘅牛肉咖哩飯。

三樣可愛的 Pooh Pooh 商品!

繼續返到黎 東京迪士尼樂園 商品系列，今次輪到我愛嘅 Pooh Pooh 啊！大家估唔估到呢個咁靚嘅 小熊維尼 盒入面，裝咗啲咩呢？

樂園事物仔細尋 - 失落的樂園地圖?

今日，樂園內嘅所有標示都需要更新，黎配合返 灰熊山谷 嘅開幕。響眾多更換咗嘅標示之中，我又有一個特別嘅小發現！呢個發現係關於 幻想世界 內嘅資訊亭嘅；今日，呢到亦都正式新增咗 灰熊山谷 嘅資料啦！

灰熊山谷 開幕盛況!

期待已久嘅 香港迪士尼樂園 新園區，灰熊山谷，今日終於都開幕啦！為咗爭取搭頭班 灰熊山極速礦車，我今日上午8:15就出咗門口啦！由我屋企入樂園大約需要一個鐘，今日入到去嘅時候係9:10。

我個心不斷砰砰咁跳。等到10:00樂園正式開放，就同其他迪士尼Fans一齊衝入 灰熊山谷！( 以下呢張圖係我之後先影嘅，當時咩都唔理要跑入去，仲跑到我好累！)

10隻啦! 10隻啦! Duffy家族再次擴大!

其實有一樣 Duffy 產品我想買好耐，就係 Duffy 掛袋啦！但因為發現 Duffy 肚仔入面個袋原來係好細，我諗唔到買黎有咩用，所以一直都冇買。難得今日咁開心，呢排又咁啱有額外10%拆扣，我都唔理咁多啦，買咗先算啦！

奇妙處處通灰熊山谷禮物, 終於到手啦!

之前預演日冇禮物，都有少少唔開心...  好啦好啦，奇妙處處通 會員終於都有禮物收啦！今日我就好興奮地去咗換領！

一系列全新的樂園印刷品配合新園區登場!

今日 灰熊山谷 開幕，一系列嘅樂園印刷品都為咗配合新園區而作出更新。當中，全新嘅樂園指南以 哥達 同埋 堅尼 做封面，灰熊山谷 亦由半透明正式轉做實色啦！

2012年7月14日 又一個奇妙的日子!

上次 反斗奇兵大本營 開幕，我特別響當日00:00寫咗一篇文章去紀念咁特別嘅日子。今次輪到 灰熊山谷，當然都唔例外啦！就等呢篇Blog見證咁奇妙嘅一刻啦！

在東京迪士尼樂園尋找復活蛋!

今年四月至六月，東京迪士尼樂園 舉行咗特別活動 迪士尼奇幻復活節。響活動期間，園內各處都放咗一啲 迪士尼朋友 造型復活蛋！雖然我就冇影哂咁多隻，不過都俾大家睇下啦！其實響其他文章內嘅部份相片都可以搵到呢啲復活蛋，所以大家都可以留意一下架。

卡通城 ─ 米奇、米妮

夢幻樂園的童話故事世界...

夢幻樂園 Fantasyland，將不同嘅童話故事化為現實！響呢篇文章入面，就等我同大家一齊走進 東京迪士尼樂園 入面嘅童話世界啦！

坐上賽車, 成為賽道上的皇者!

晚上嘅時候，因為開始夜，加上持續落雨，所以樂園入面少咗好多人。再次去到 明日樂園，見到朝早要排好耐嘅 大賽車場 Grand Circuit Raceway，竟然冇人排隊，所以我就去咗玩下... 而我呢個選擇，係錯誤架...

警告! 此處正遭受不明物體入侵!

黎到 探險樂園 Adventureland 啦，呢到亦即係香港嘅探險世界。咦！有個好高嘅塔喎！仲好有原始風味！就等我入去探索一下啦！

西部樂園 - 巨雷下的西部小鎮

講完 動物天地，就講下隔離嘅 西部樂園 Westernland 啦！吓！又係西部？！冇錯，同 灰熊山谷 係同一個主題嘅。事實上，我覺得我地嘅 灰熊山谷 係同時結合咗 動物天地 同埋 西部樂園 嘅元素。因為 西部樂園 呢到主要唔係以動物為題，而 灰熊山谷 就加咗灰熊嘅故事響西部小鎮入面。

以下呢張相係 西部樂園 嘅其中一個入口，響呢個位仲可以見到 灰姑娘城堡。同時，亦可以見到 西部樂園 啲建築物同 灰熊山谷 嗰啲都好相似。大家亦可能會留意到個地面係濕哂，冇錯，嗰日啲雨係由朝早落到夜晚... =_=