驚喜一浪接一浪! 多姿多彩的一星期!

原本呢，今日就想創作一個小故事，又或畫一幅圖同大家分享...  不過諗諗下，之後幾日，星期四至星期六都冇野做，唔需要咁急丫，過多日先搞都得啦！點知，今晚接近十點，終於收到電話，叫我聽日中午十二點去集合，參加迎新營！之前報咗名，但一直都收唔到通知，所以就以為係滿咗額！今晚突然知道有得玩，好興奮啊！

完滿落幕 - 奇妙紀念幣, 回顧整個 東京迪士尼渡假區 旅程!

真係黎到最後一篇關於 日本迪士尼之旅2012 嘅文章啦，我亦特別安排最後一篇先講紀念幣。因為睇返每一個紀念幣，就可以記返起響 東京迪士尼渡假區 見過嘅野，可以話係一個小回顧...

從太空山到灰熊山... 細看樂園印刷品...

又有新樂園指南登場啦，今次嘅封面設計更加用咗 灰熊山 黎做背景！講起山，迪士尼主題公園 就有三座經典山峰，太空山、飛濺山，以及係 巨雷山。香港就冇 巨雷山，不過就有獨有嘅 灰熊山；睇返以前嘅樂園印刷品，原來呢三座山都有出現過！

會員額外折扣優惠 完結前的最後衝刺!

話咁快，暑假就黎完結啦...  唔講都唔記得，奇妙處處通 會員額外折扣優惠亦即將完結。響完結之前，當要又要黎個最後衝刺啦！咁難得樂園方面今次咁大方，都唔知幾時會再有！

睇咗 勇敢傳說之幻險森林 之後，雖然劇情一般，但係我覺得入面嘅三胞胎王子好可愛啊！特別係佢地變咗做三隻小黑熊！真係得意得黎又盞鬼！所以我今次就買咗一隻毛公仔返黎！( 其實去到呢一刻，唔好講話分出佢地三個丫，我連佢地三個叫咩名都仲未記得 XD )

離開 東京迪士尼海洋 之前作最後衝刺!

去到下午4:30，夠鐘要離開 東京迪士尼海洋 啦...  不過臨走之前，我都作最後衝刺！衝刺啲咩呢？唔係衝去玩多個遊樂設施，要係衝去繼續買野！因為實在有太多 Duffy 產品啦！我地黎到鄰近樂園正門嘅 地中海港灣 廣場，我就入商店繼續掃貨，而爸媽就響長椅上休息。

呢間商店配合 米奇和Duffy的春日巡航 活動，除咗放滿一系列相關產品之外，仲有好多佈置！首先就有之前同大家分享過嘅 藍色行李箱，上面係好大個裝飾，而下面就係嗰啲造型袋。

嘗試用電腦畫出 偵探米奇!

有一個新分類叫做「想像 ‧ 繪畫」，不過嗰個分類主要會係一啲手繪嘅畫作；而其實我一直亦想嘗試用電腦黎畫畫，用電腦製作嘅作品會放返響「有趣創作」分類入面。

要用電腦畫畫真係一啲都唔簡單，所以我之後都要不斷練習，畫得唔好請見諒！>_<  今次係一個比較簡單嘅練習，只係跟返原有圖片黎嘗試繪畫，用咗 偵探米奇 做主角。大家會唔會覺得呢位 偵探米奇 有啲熟口熟面咁呢？因為之前佢響小弟嘅自製樂園指南出現過！但當時都未開始練習用電腦畫畫，所以張圖嘅質素就有啲參差，以下就顯示咗加工前後嘅分別。

以 My Friend Duffy 舞台劇為主題的商品!

上一篇文章就講到 Duffy 做主角嘅舞台劇，摰友Duffy；今次就會講下以呢齣劇做主題嘅相關商品！我買咗兩樣商品，一隻迷你毛公仔以及一條Duffy掛飾，佢地都可以響 Cape Cod 間商店嗰到買到。

先講呢隻 迷你Duffy 毛公仔啦！佢件衫正正就係 Duffy 響劇中所著住嘅水手服！除咗平常都會有嘅 Duffy迪士尼小熊 故事冊之外，呢隻迷你毛公仔仲會附上一張 摰友Duffy 招牌。

My Friend Duffy, 一齣關於迪士尼小熊的舞台劇!

終於黎到最後一個要介紹嘅 東京迪士尼海洋 景點，一個集餐廳與娛樂表演於一身的地方。呢到原本係 Cape Cod 嘅市鎮會堂，但今日就搖身一變，變成 Cape Cod Cook Off 餐廳。

深入幻險森林, 體驗勇敢傳說!

唔知大家睇咗 Brave 勇敢傳說之幻險森林 未呢？未嘅話就要快啦，因為已經唔係太多戲院仲做緊。我響星期四一朝早就去咗睇早場，睇完嘅感覺就係：好似冇其他 Pixar 嘅戲咁好睇。

Tho's Dreams新世代! 更多元化的文章即將登場!

分類重整工作經已完成啦！而家就等我同大家分享一下有咩更新先啦！新編排如下：

遍佈樂園內各處的 Duffy 春日園藝佈置!

米奇和Duffy的春日巡航 活動，除咗有特別表演、商品之外，仲有咩賣點呢？東京迪士尼樂園 復活節活動就有一個尋蛋小遊戲，樂園周圍都放咗一隻隻嘅復活蛋；至於 東京迪士尼海洋 呢邊，就有 Duffy 春日園藝佈置！不過就冇尋寶小遊戲，只係俾大家欣賞。大概可以分成兩種佈置，一種就係用花瓣製成嘅迪士尼朋友造型裝飾，另外就有一啲小盆栽。

其實今次春日巡航活動主要都係響 美國海濱、地中海港灣、阿拉伯海岸 三個園區內進行。所以呢啲裝飾都遍佈響呢三個園區入面，特別係 CapeCod 區域，作為 Duffy 基地，當然特別多！

突然心血來潮, 開始了一個小嗜好...

迪士尼其中一個傳統就係儲 迪士尼徽章 啦，但其實我咁耐以黎都冇呢個習慣...  我一直都只係擁有兩枚徽章，一枚係限量版畫框 Pooh，我放咗響枱頭當做小擺設；至於另一枚就係 Duffy Passport套裝附送嘅徽章，係一隻著住水手裝揮手嘅 Duffy。

但係昨日響樂園入面突然間心血來潮，就毅然決定開始儲下 迪士尼徽章 啦。要儲徽章，不可缺少嘅就係掛帶啦，原來 全年通行證 同埋 奇妙處處通 都送咗好多條俾我；不過我當然係用返我最愛嘅 Duffy 掛帶啦！佢終於都發揮到佢嘅實際用途啦！哈哈！

相隔兩星期, 園內出現各種有趣的小變化!

對上一次入樂園玩嘅時候係8月6日，過咗兩星期，昨日入去嘅時候，發現有啲小變化喎！( 呢個Blog開始慢慢多返啲關於 香港迪士尼樂園 嘅文章，大家會唔會唔慣？千祈唔好啊，因為 東京迪士尼之旅2012 嗰啲真係就黎講完，我都好唔捨得 >_< )

手帕, 貼紙, 珍藏卡 - 更多 Duffy 系列紀念品!

東京迪士尼之旅2012 嘅分享都已經寫得七七八八啦，開始進入尾聲...  今次呢篇有關商品嘅文章會一次過介紹三款 Duffy 系列嘅紀念品！分別係手帕、貼紙、珍藏卡。

其實呢條手巾仔我都考慮咗好耐，因為去之前響網上見到都唔算平，諗住見到實物再決定。當日見到佢質地都唔錯，個款式都幾靚，所以就買咗返黎啦。

兩套 東京迪士尼海洋 的 Duffy 服飾 - 漁村休閒裝

而第二套服裝就係用作 CapeCod 漁村做主題嘅；相比起春日裝，我就比較鍾意呢套啦！因為覺得佢靚啲，有多啲配件，仲要平啲！但春日裝嘅做工的確係更細緻，所以貴啲都合理嘅...

兩套 東京迪士尼海洋 的 Duffy 服飾 - 春日巡航裝

東京迪士尼海洋 出品嘅 Duffy 服飾，出咗名靚、仔細，仲有每一套都有好多佩件。呢一次我就買咗兩套俾 Duffy 佢地，其中一套就係 米奇和Duffy的春日巡航 嘅主題服飾！

快將成為大學生! 加洲迪士尼樂園, 我嚟啦!

今日早上知道咗大學聯招嘅結果，昨晚全晚都不斷發夢，全部都係關於聯招嘅夢。=_=  當我心情平伏返之後，當然就要上黎同大家分享喜訊啦！話哂呢到都係我主場喎！哈哈！我俾 科大 取錄咗，將會入去工程學院；雖然唔係最鍾意嘅科、學校，但有大學讀都已經好開心。之後，我可以繼續向著 幻想工程師 呢個夢想進發！我知道的確一啲都唔簡單，但我會堅持架！

大學聯招放榜日前夕, 我沒有選擇前去我最愛的地方... :P

聽日朝早9:00，就會知道大學聯招嘅結果，知道自己有冇大學讀，知道自己可以入咩科。正常黎講，響呢啲咁重要嘅時刻嘅前一日，我通常都會選擇入樂園玩下，放鬆下心情；但今次，好耐之前已經決定咗今日唔入去，因為暑假實在係太多人啦... =_=

踏進 Duffy基地, 到處也可以找到迪士尼小熊的蹤影呢!

其實 美國海濱 呢個主題區域都幾大，呢個園區嘅入面都分咗做好多部份。今次要介紹嘅就係最後一個未講過嘅部份，亦係全個 東京迪士尼海洋 之中我最感興趣嘅地方！呢個區域就叫做 Cape Cod 鱈魚灣，被設定為一個寧靜嘅小漁村，不過佢之後一舉成名喎！( 事實上，園方並冇設立中文譯名，但其實 Cape Cod 鱈魚灣 係一個真正存在嘅地方黎嘅。)

把 Duffy小熊 放進背包, 出發去旅行!

又打風啦！唔知今日有冇網友入咗樂園玩呢？我就知道有一位朋友今日入咗樂園玩。而家三號風球，所有室外遊樂設施都要暫停開放，但大家都可以趁機會欣賞下樂園嘅另一種美。記得六月時有一次又係入樂園玩時咁啱撞上打風，所以我就響樂園入面行黎行去；能夠睇到樂園同平時唔同嘅樣子，都係一個好特別嘅體驗黎架！

剛剛發表篇文章就同大家講過春日巡航嘅 水手布袋，但其實呢個 水手袋 仲有推出造型背包架！園方就建議用呢個袋黎裝住 Duffy 周圍去，買呢個袋嘅時候仲裝住一塊 Duffy 紙板；不過其實冇咗隻 Duffy，個袋都已經夠哂靚，用黎裝其他野的話，都唔錯架！

戴上 Duffy 掛繩套裝, 一起展開春日巡航!

之前俾大家睇過藍色行李箱，其實今次 米奇和Duffy的春日巡航 仲有另一款袋架，就係水手袋啦！呢一隻春日裝嘅 掛飾Duffy，就係坐咗響一個迷你嘅水手造型袋啦！

齊來加入 Duffy迪士尼小熊 的迎春派對!

鍾意 Duffy 嘅朋友要留意啦！因為之後全部 東京迪士尼海洋 系列文章都係同 Duffy 有關架！東京迪士尼海洋 作為 Duffy 勝地，當然有好多關於 Duffy 嘅野啦；再加上到訪當日進行中嘅 米奇和Duffy的春日巡航 活動，就有更多關於呢隻熊仔嘅野響園內出現！

響 春日巡航 活動期間，園方特別推出咗三個全新嘅節日表演，全部都有 Duffy 份架！第一個就係響 地中海港灣 對出水面進行嘅 春臨里多島 Lido Isle Welcome To Spring。之前都俾過大家睇相，演出時，一班 迪士尼朋友 會坐船出場，之後再上岸表演！第二個表演我就冇睇到，係響 美國海濱 園區內上演嘅 紐約復活節 Easter In New York。最後一個呢，就響 阿拉伯海岸 入面演出嘅，叫做 驚喜迎春 Springtime Surprise。呢一個我有幾乎睇哂全個表演，所以影到多啲相，而家就俾大家睇下啦。以下呢張相就係演出場地啦，嗰個阿拉伯式建築物嘅底下有一個舞台嘅。

為巨大Duffy添新裝! Duffy身上的Duffy?!

好啦，繼續分享 東京迪士尼海洋 嘅商品啦！今次嘅係一件小T恤！呢件T恤都係以 米奇和Duffy的春日巡航 主題黎設計嘅；一邊有 米奇 頭，另一邊就有 Duffy 頭。

Duffy X ShellieMay 電話繩毛公仔!

屬於我嘅第二對 Duffy 同埋 ShellieMay 毛公仔，係一對電話繩黎嘅。其實，我原本都係冇諗住買呢一對電話繩，響 東京迪士尼海洋 當日都冇買到；但之後返到黎香港，見到媽媽買咗呢一對，覺得細細粒都幾得意，所以就哀求佢俾我！XD  最後我當然成功據為己有，但就要俾返錢佢；所以正確啲黎講應該係向佢「買」返黎。

呢一對電話繩毛公仔係中國製造嘅，我覺得質素就好似比起越南製造較為參差...  平時我好唔鍾意人地話 Duffy 似馬騮，但今次我自己都忍唔住，呢一隻真係整得好似馬騮！=_=

首次入住迪士尼酒店, 在酒店中渡過生日!

今日啲文章都係文字多過圖片，希望大家見諒，聽日講返 東京迪士尼海洋 嘅時候就唔會咁架啦！講返呢篇文章先，呢篇文章，可以話係一個預告，同時記錄低我呢一刻嘅興奮心情！

而家時間倒流，返返去東京之旅出發之前！其實之前都同大家分享過呢件事架啦...  為咗慶祝我考完公開試，所以媽媽考慮過響 東京迪士尼渡假區 嘅嗰幾日入住迪士尼酒店。後來因為價錢太貴，以及太難訂房，所以佢就打消咗呢一個念頭。但換來嘅係，佢應承我，今年我生日時會同我去住一晚 香港迪士尼樂園渡假區 嘅酒店啊！由細到大都好鍾意迪士尼，先後亦有幸到訪過不同嘅迪士尼渡假區，不過就從未住過迪士尼酒店。今年生日能夠有機會入住迪士尼酒店，真係特別開心，特別興奮啊！

在遊戲中遇見似曾相識的列車?!

好啦，漫長嘅暑假，除咗有時去下樂園玩、出下街、去游下水之外，仲有咩好做呢？正常都係呆響屋企對住個電腦啦...  如果唔計寫Blog，咁對住部電腦又可以做啲咩？當然係打機啦！之前都分享過一系列我鍾意玩嘅電腦遊戲，今次再同大家分享另一個。呢個遊戲叫做 Cities In Motion 流動的大都市，我嘅任務就係要幫不同嘅城市設計運輸網絡。

但今次我想同大家分享呢個遊戲嘅主要原因，係我響入面見到一架似曾相識嘅單軌列車！我昨日先響網上下載咗一個新的遊戲延伸套裝，其中一樣新加嘅就係可以興建單軌鐵路系統。當我興建完一條路線之後，就去買列車啦，點知俾我發現以下呢一種列車！

經歷300篇文章後有感而發...

多得呢一次嘅 東京迪士尼之旅2012，俾到我有機會寫更多文章同大家分享...  昨日就已經為大家誠意獻上第300篇文章，一個由小弟重新演繹嘅 東京迪士尼海洋 驚魂古塔 故事。

原來響轉眼間，300篇大大小小、不同主題嘅文章響過去十個月慢慢誕生。對我黎講可以話係一個壯舉，因為之前都講過，我自己好多時都三分鐘熱度，好易就會失去恆心。但係，一份對迪士尼嘅愛，促使我上年開始寫Blog，亦令我能夠將呢一份動力維持到今時今日。

進入撲朔迷離的高塔酒店, 詭異的事將要發生在你的身上...

抱歉，又要大家久等，不過呢幾日唔知點解都覺得好累，所以冇咩精力寫文章...  但今日，好榮幸為大家獻上，呢個Blog嘅第三百篇文章！特別開心嘅係，剛好呢一篇將會分享我響 東京迪士尼海洋 入面最愛嘅一個遊樂設施！事不延遲，為大家送上呢個關於 驚魂古塔 Tower Of Terror 嘅故事...

美國海濱 內有一座高塔，散發住濃厚嘅詭異味道... 佢就係著名嘅 高塔酒店 Hightower Hotel；佢曾經都擁有過一段光輝嘅日子，但黎到今日，昔日嘅光芒經已淡化；換上嘅，係一個又一個嘅恐怖傳聞，令呢間荒廢咗嘅酒店變得愈黎愈神秘...

印第安納瓊斯冒險旅程: 水晶骷髏頭魔宮!

我都好似未試過直接放個遊樂設施個名上去做標題就算，今次係第一次。我今次直接放個名係因為我覺得佢個名好長，好搞笑，好似都冇咩遊樂設施個名會咁長！XD  黎到第三個重點遊樂設施，Indiana Jones Adventure: Temple Of The Crystal Skull；呢個遊樂設施係根據返同名電影黎設計嘅，一睇個名就知道係關於一個驚險刺激嘅旅程啦！所以佢係位於 失落河三角洲 嘅，而呢個遊樂設施嘅神殿亦成為呢個園區嘅地標。

記載著 Duffy 故事的明信片套裝

好啦好啦，我終於執完房啦！放心，我應承大家，呢幾日補返數，出多啲文章！首先繼續分享 東京迪士尼海洋 嘅商品，當然都係以 Duffy 為題架啦！今次係明信片套裝！其實佢有兩款，一款係只係得 Duffy，另一款就有埋 ShellieMay 嘅，我就揀咗 Duffy 版。

一對穿上了春日巡航裝的 Duffy 和 ShellieMay!

東京迪士尼海洋 除咗作為 Duffy 聖地，同時亦有全球獨家嘅 ShellieMay迪士尼小熊。ShellieMay 其實係一隻女仔嘅迪士尼小熊黎嘅，同 Duffy 好似樣，不過都有少少唔同嘅。其實我本身都猶豫緊買唔買好，因為我自己對 ShellieMay 不太感興趣；不過，媽媽之後就話：「獨家喎！咁都唔買？最多我買一隻俾你啦！」所以，最後就我買一隻 春日巡航裝Duffy，媽媽就買一隻 春日巡航裝ShellieMay，湊成一對。

咁  ShellieMay 同 Duffy 究竟有咩唔同呢？等我望真啲先！最主要就係 ShellieMay 啲毛係有少少粉紅色嘅；以及眼睛邊緣係淺藍色，同埋有眼睫毛。大家留意一下，平時啲 Duffy、ShellieMay 熊仔係合埋口嘅，而呢一對個笑容係少少打開口嘅。

從地心急衝而上, 脫離險境!

第二個重點遊樂設施同樣位於 神秘島，呢個園區內嘅兩個遊樂設施都係一啲神秘嘅探險之旅。我地剛剛去完海底，黎到 地心探險之旅 Journey To The Center Of The Earth，今次就要去地底啦！

深入海底兩萬哩, 探索前所未見的珍奇事物...

終於都開始分享 東京迪士尼海洋 嘅重點遊樂設施，今次一共有四個。咦？四個？通常唔係有五大遊樂設施嘅咩？冇錯，不過其中一個，忿怒雙神 冇開咁解。而呢篇文章所介紹嘅重點遊樂設施，係我覺得比較遜色嘅一個，我諗，隨住新嘅 反斗奇兵瘋狂遊戲屋 開幕，呢個遊樂設施應該會跌出五強... ( 講起呢個新設施，我呢排都有上返佢地嘅官方網頁留意等待時間，好似今日咁，剛剛睇完，只係開放咗個半鐘，已經要等320分鐘，果然係人氣爆燈！)

呢個遊樂設施就係位於 神秘島 嘅 海底兩萬哩 20,000 Leagues Under The Sea 啦。聽個名就可以估到，佢嘅故事係講述一班探險家深入海底兩萬哩去探索珍奇事物嘅。

錯失了的機會, Duffy迪士尼小熊拍照熱點...

響 美國海濱 嘅呢個位置，我發現咗呢舊野，寫住 Duffy迪士尼小熊拍照熱點。我當時以為園方係提議我響呢個位幫 Duffy 影相，叫我用手拎住佢地黎影。但我心諗，拎住佢地，好似好唔方便喎... 但如果我放佢地響條欄杆上面，佢地跌落海點算！

美國海濱 - 海岸上的美式小鎮

終於都黎到 東京迪士尼海洋 嘅最後一個主題園區啦！我放呢個園區到最後係有原因嘅！因為佢係咁多個園區之中最大、最多野玩嘅一個園區，同時亦分開咗三個部份。呢個園區就係 美國海濱 American Waterfront，海洋版嘅 美國小鎮大街。其實 東京迪士尼海洋 好多園區都係由原先 迪士尼樂園 嘅園區改成海洋版，令我覺得好特別。園區內三個部份嘅其中一個，就係呢個郵輪碼頭啦，船裡面係一個小型遊樂設施黎嘅；叫做 龜龜漫淡 Turtle Talk，亦即香港出現過嘅 哈囉阿古，可以同 海龜阿古 傾計。

灰熊山谷 X Megabox - 商場內的冒險之旅

香港迪士尼樂園 同購物商場 Megabox 合作，舉辦大規模嘅新園區宣傳活動；商場內更加有不同嘅 灰熊山谷 場景佈置，俾大家體驗關於呢個新園區嘅冒險之旅。不過，相信大家同我一樣，更在意嘅，係宣傳活動中將會送出 灰熊山谷冒險之旅 棋盤遊戲。其實我自己都幾鍾意玩棋，周不時仲會逼爸爸媽媽同我一齊玩棋，今次 香港迪士尼樂園 首次推出棋盤遊戲，雖然係旅行裝，但又點可以錯過呢？

可愛的 Duffy毛絨相簿!

繼續有 東京迪士尼海洋 嘅商品系列介紹，今次有 Duffy 毛絨相簿！封面係一個 Duffy 頭型；啲毛摸起上黎軟綿綿，好舒服架！

失落河三角洲 - 展開驚險的探險之旅!

黎到第六個主題園區啦，亦即係只係得返最後一個主題園區未介紹啦！言歸正傳先，呢個園區可以話係海洋版本嘅 探險世界；叫做 失落河三角洲 Lost River Delta；面積都幾大，不過遊樂設施就唔多，但啲遊樂設施都係正野黎架！一開始進入呢個園區，就可以見到遠處嘅神殿，係 印第安納瓊斯冒險旅程 嘅場景黎架！

座落於火山谷下的神秘島...

先講聲唔好意思先，因為呢篇文章比較短，同埋得三張相睇...  事關 神秘島 Mysterious Island 呢個園區唔算大，得兩個遊樂設施響入面；再加上兩個遊樂設施都算係重點遊樂設施，會放到最後先講，令到呢篇文章真係冇咩好講...

神秘島 就係 東京迪士尼海洋 嘅地標，Mount Prometheus火山，所位於嘅主題園區。亦因為咁，呢個園區被設計成一個火山谷，整個園區被火山岩包圍住。又見到 迪士尼海洋渡輪航線 經過，不過呢個園區就冇碼頭啦。而嗰個俾圓型通道環繞嘅塔，就係遊樂設施 海底兩萬哩 20,000 Leagues Under The Sea 嘅入口。

東京晴空塔 NanoBlock - 最終回

經過之前 第一回 嘅不斷砌不斷散，以及 第二回 嘅終極武器Bluetape，我終於都開始慢慢上手。今日冇咩做，所以唔再拖延啦！一於砌埋呢個 Tokyo Skytree NanoBlock 佢啦！我今日分咗兩個時段砌，同之前一樣，每個時段都係一個半小時；第一個時段大約係早上10點。

香港迪士尼樂園Duffy vs 東京迪士尼海洋Duffy - 大對比!

東京迪士尼海洋 身為 Duffy 聖地，咁鍾意 Duffy 嘅我去得朝聖，又點會唔買返隻返黎呢？咁 香港迪士尼樂園 同埋 東京迪士尼海洋 所出品嘅 Duffy，究竟有咩唔同呢？就等我比較一下啦！兩隻都係 大Duffy，左邊嘅係 香港迪士尼樂園 Duffy，右邊就係 東京迪士尼海洋 Duffy。大細方面，東京迪士尼海洋 嗰隻係大隻少少嘅，不過真係好少，差異不大。

坐上飛魚, 在空中奔馳!

講完 美人魚礁湖 嘅室內設施，返返出去戶外先；戶外有兩個比較大型嘅遊樂設施。一個叫做 史卡托的寄居蟹 Scuttle's Scooters，去上網睇過呢個遊樂設施，俾我嘅感覺係好似 轉轉彈弓狗，不過我當日唔記得行過去睇，失策！

至於另一個遊樂設施，小胖的飛魚雲霄飛車 Flouners's Flying Fish Coaster，係一個小型過山車之前分享過 東京迪士尼樂園 嗰個小型過山車，其實係同一類型，都係唔係太刺激，適合小朋友玩 ( 但其實都好多大人玩 XD )，唔同嘅就只係呢個就用作魚做主題。

潛往海底, 探索屬於小魚仙的海洋宮殿...

呢篇文章將會分享到 東京迪士尼海洋 嘅第三個主題園區，美人魚礁湖 Mermaid Lagoon。呢個園區嘅佈局好特別，除咗戶外區域，仲有一個都幾大嘅室內區域。而個室內區域更加設計到好似 小魚仙 嘅海底宮殿，就連個入口都整得特別瑰麗。但其實，響以下張相可以見到呢個入口位置正進行粉飾工程，不過都依然係非常漂亮！

東京晴空塔 NanoBlock - 第二回

事隔個半月，我個Tokyo Skytree NanoBlock終於都重新投入工程啦！上次係不斷砌不斷散開... 經過上次嘅不快經歷，我已經有咗心理陰影...  而我今日終於都有返心機砌下佢，至於進度如何呢？我都有影低佢俾大家睇！ 

穿梭時空, 進入未來世界的港口!

每一個 迪士尼樂園 都會有一個主題園區關於未來嘅，香港就有 明日世界，東京就有 明日樂園。東京迪士尼海洋 呢到，亦有一個園區被設定為未來世界嘅港口，就係 發現港 Port Discovery。

細看辛巴達的傳奇航海之旅!

上回提要：阿拉伯海岸 入面有一個遊樂設施以阿拉伯冒險故事為主題。而呢個故事就係關係航海家辛巴達嘅，名為 辛巴達傳奇之旅 Sindbad's Storybook Voyage。

Duffy零食系列 - 曲奇餅與棉花糖

今日朝早，當我諗緊今日可以同大家分享邊啲商品嘅時候，我突然醒起一樣野！就係醒起啲零食會過期架喎！我即刻去睇下啲過期日期...  之前分享過嘅 Pooh 檸蜜糖就下年先到期，至於我響 東京迪士尼海洋 就買咗兩樣零食。兩樣都係以 米奇和Duffy的春日巡航 做主題，分別係曲奇餅同埋棉花糖。

再次換上全新背景圖片 - Duffy家族

灰熊山谷 都開咗一段時間啦，又係時候轉一轉Blog圖片啦！為咗慶祝我嘅 Duffy 家族不斷慢慢擴大，今次就用咗10隻 Duffy 做主角！ 其中旁邊每隻 Duffy 嘅編號係根據返買佢地返黎嘅日期黎排架！

入夜後的反斗玩具派對!

大家都應該知道我呢排成日都去唔同嘅園區睇煙花，睇下同平時有咩唔同。上次試咗響 灰熊山谷 入面睇，但就發現原來 灰熊山谷 入面係睇唔到煙花嘅。今次就輪到 反斗奇兵大本營 啦，響正煙花發射區旁邊，冇理由睇唔到掛...  響呢個園區入面睇，配合住周圍嘅玩具，以及係木條同埋懸掛住嘅燈飾，個感覺就好似一班玩具響後花園開派對，仲有煙花贈慶添！